ஹயோசங் அக்குய்லா புரோ குரூஸர் பைக் : சிறப்பு பார்வை

குரோம் வளையத்துக்குள் மேலே ஸ்பீடோமீட்டரும், கீழே ஓடோமீட்டர், டிரிப் மீட்டர் ஆகியவை பொருத்தப்பட்டுள்ளன. இதுதவிர, இண்டிகேட்டர் விளக்குகளும் இருக்கின்றன. லைட்டுகளுக்கான சுவிட்சுகள் எளிதாக கையாளும் வகையிலும் இருப்பதோடு பிளாஸ்டிக்குகளின் தரமும் நன்றாகவே இருக்கிறது.

இந்த பைக்கில் 74 பிஎச்பி ஆற்றலை வெளிப்படுத்தும் 647சிசி வாட்டர் கூல்டு எஞ்சின் பொருத்தப்பட்டுள்ளது. 62 என்எம் டார்க்கை வெளிப்படுத்தும். இந்த பைக்கில் 5 ஸ்பீடு கான்ஸ்டன்ட் மெஷ் கியர் பாக்ஸ் பொருத்தப்பட்டுள்ளது.

இந்த பைக் வெறும் 6 வினாடிகளில் 0-100 கிமீ வேகத்தை எட்டும் ஆற்றல் வாய்ந்தது. மணிக்கு அதிகபட்சமாக 195 கிமீ வேகம் வரை செல்லும். மேலும், இந்த பைக்கின் முதல் கியரில் வைத்தே 87 கிமீ வேகம் வரை எட்ட முடியும்.

முன்புறத்தில் டபுள் டிஸ்க் பிரேக்கும், பின்புறத்தில் ஹைட்ராலிங் சிங்கிள் டிஸ்க் பிரேக்கும் பொருத்தப்பட்டுள்ளதால் அதிக பாதுகாப்பை வழங்கும்.

முன்புறத்தில் டெலிஸ்கோப்பிக் சஸ்பென்ஷனும், பினஅபுறத்தில் ஹைட்ராலிக் டபுள் ஷாக் அப்சார்பர்களை கொண்டிருக்கிறது. நம்மூர் சாலைகளுக்கு இந்த சஸ்பென்ஷன் சிறப்பானதாக இருக்கும். நீண்ட தூர பயணங்களின்போது இந்த சஸ்பென்ஷன் சிறந்த பயண அனுபவத்தை தரும்.

இந்த பைக்கில் 16 லிட்டர் கொள்ளளவு கொண்ட பெட்ரோல் டேங்க் பொருத்தப்பட்டுள்ளது. 240 கிலோ எடை கொண்ட இந்த பைக் லிட்டருக்கு 20 கிமீ மைலேஜ் தரும் என்கிறது ஹயோசங்.