ஜப்பானில் ஹோண்டா வெஸல் எஸ்யூவி விற்பனைக்கு வந்தது - விபரம்!!

எஞ்சின்

ஜப்பான் மார்க்கெட்டில் பெட்ரோல் மற்றும் ஹைபிரிட் மாடல்களில் விற்பனைக்கு வந்துள்ளது. பெட்ரோல் மாடலில் 131 பிஎஸ் பவரையும், 155 என்எம் டார்க்கையும் அளிக்கும் 1.5 லிட்டர் பெட்ரோல் எஞ்சின் பொருத்தப்பட்டிருக்கிறது.

டிரான்ஸ்மிஷன்

2 வீல் டிரைவ் மற்றும் 4 வீல் டிரைவ் கொண்ட சிவிடி டிரான்ஸ்மிஷன் மாடல்களில் அங்கு விற்பனைக்கு கிடைக்கிறது.

ஹைபிரிட் மாடல்

ஹைபிரிட் மாடலில் பெட்ரோல் எஞ்சினுக்கு துணைபுரியும் வகையில் எலக்ட்ரிக் மோட்டார் பொருத்தப்பட்டுள்ளது. கூடுதல் எரிபொருள் சிக்கனத்தை வழங்கும் இந்த ஹைபிரிட் மாடலில் 7 ஸ்பீடு டியூவல் கிளட்ச் டிரான்ஸ்மிஷன் கொண்டதாக கிடைக்கும்.

மைலேஜ்

பெட்ரோல் மாடலில் 2 வீல் டிரைவ் மாடல் லிட்டருக்கு 20.6 கிமீ மைலேஜையும், 4 வீல் டிரைவ் மாடல் லிட்டருக்கு 19 கிமீ மைலேஜ் தரும் என தெரிவிக்கப்பட்டுள்ளது. ஹைபிரிட் மாடல் 27 கிமீ மைலேஜ் தரும் என தெரிவிக்கப்பட்டுள்ளது.

விலை

இந்திய மதிப்பில் ஹோண்டா வெஸல் எஸ்யூவியின் 2 வீல் டிரைவ் மாடல் ரூ.11.14 லட்சத்திலும், 4 வீல் டிரைவ் மாடல் 13.04 லட்சத்திலும், ஹைபிரிட் மாடல் ரூ.15.96 லட்சத்தில் விற்பனைக்கு விடப்பட்டுள்ளது.