கியா மோட்டார்ஸ் விளம்பரத்தில் ரஜினி ஸ்டைல் காட்டும் வெள்ளெலி!

முதன்முதலில்...

கடந்த 2009ம் ஆண்டு முதல் வெள்ளெலிகளை வைத்து கியா மோட்டார்ஸ் விளம்பரங்களை வெளியிட்டு வருகிறது. வோடஃபோன் சூசூ போன்று இந்த விளம்பரங்களும் பெரும் வரவேற்பை பெற்றவை. அந்த வகையில், தற்போது சோல் காருக்காக புதிய வெள்ளெலி விளம்பரத்தை வெளியிட்டு இருக்கிறது. பிரபல பாடகி லேடி காகாவின் பின்னணி குரல் பின்னணியில் வருகிறது.

முழுதும் மாற்றம்

முழுவதும் மாற்றம் என்ற பெயரில் மேம்படுத்தப்பட்ட இந்த சோல் மாடலை கியா வெளியிடுகிறது. எஸ்யூவி தோற்றத்துடன் கவர்ச்சிகரமான வண்ணங்களில் புதிய சோல் கிடைக்கும்.

எஞ்சின்

சோல் காரில் 1.6 லிட்டர் ஜிடிஐ பெட்ரோல் மற்றும் டீசல் எஞ்சின்களுடன் வருகிறது. 6 ஸ்பீடு மேனுவல் மற்றும் ஆட்டோமேட்டிக் டிரான்ஸ்மிஷன்கள் பொருத்தப்பட்டிருக்கும்.

இந்தியாவுக்கு கிடைக்குமா?

டால் பாய் டிசைன் கொண்ட மாருதி வேகன் ஆர் காருக்கு இந்தியாவில் நல்ல வரவேற்பு இருந்து வருகிறது. இதே போன்றே டால் பாய் டிசைன் கொண்ட சோல் காரை இந்தியாவில் ஹூண்டாய் விற்பனைக்கு கொண்டு வருமா என்பதை பொறுத்திருந்து பார்ப்போம்.

விளம்பர வீடியோ

அசத்தலான விளம்பரத்தின் வீடியோவை காணலாம்.