ஃபெராரி காரை ஓட்டி மனம் நொந்த லம்போர்கினி ஓனர்!

1963ல் லம்போர்கினி நிறுவனம் துவங்கப்பட்டது. முதலில் டிராக்டர்களைத்தான் லம்போர்கினி நிறுவனம் தயாரித்து வந்தது.

லம்போர்கினி டிராக்டர் தயாரிப்பில் ஈடுபட்டிருந்தபோது இதன் உரிமையாளர் ஃபெராரி காரை சொந்தமாக வைத்து ஓட்டி வந்தார். அப்போது, அந்த காரில் இருந்த கிளட்ச் பிரச்னையால் மிகுந்த மன உளைச்சலுக்கு ஆளானார். அதுவே, அவர் சூப்பர் கார் தயாரிப்பில் இறங்குவதற்கும் காரணமாக இருந்தது.

1963ம் ஆண்டு தயாரிக்கப்பட்ட 350ஜிடிவிதான் லம்போர்கினியின் முதல் தயாரிப்பு.

லம்போர்கினியின் அதிவேக கார் மூர்சிலாகோ ஆர்-ஜிடி. மணிக்கு அதிபட்சம் 370 கிமீ வரை செல்லும் திறன் கொண்டது.

இதுவரை விற்பனையான லம்போர்கினி கார்களில் அதிக விலை கொண்டது லம்போ ரெவன்டன். 16 லட்சம் டாலர் விலையில் விற்பனையாகியது.

ஸ்பெயின் நாட்டின் பிரபலங்களின் பெயர்களை லம்போ தனது கார்களுக்கு சூட்டி வருகிறது.

2007ம் ஆண்டு லம்போர்கினி தனது வரலாற்றில் அதிகபட்சமாக 2,580 சூப்பர் கார்களை விற்பனை செய்தது.

லம்போர்கினியின் அனைத்து கார்களிலும் வி12 எஞ்சின்தான் பொருத்தப்பட்டிருக்கும். இதில், விதிவிலக்காக கல்லார்டோவில் வி10 எஞ்சின் பொருத்தப்பட்டது.

தனி நிறுவனமாக செயல்பட்டு வந்த லம்போர்கினி தற்போது ஜெர்மனியை சேர்ந்த ஃபோக்ஸ்வேகன் கீழ் செயல்பட்டு வருகிறது.