மெக்லாரன் பி1 காரின் முழு விபரங்கள் அதிகாரப்பூர்வமாக வெளியீடு!

முதல் கார்

இங்கிலாந்தை சேர்ந்த வாடிக்கையாளர் ஒருவர் மஞ்சள் நிறத்திலான முதல் பி1 சூப்பர் காரை மெக்லாரன் தொழில்நுட்ப மையத்திலிருந்து நேரடியாக டெலிவிரி பெற்றுச் சென்றுள்ளார்.

லிமிடேட் எடிசன்

மொத்தமாக 375 மெக்லாரன் பி1 கார்கள் மட்டுமே விற்பனை செய்யப்பட உள்ளன. ஒவ்வொரு காரும் இங்கிலாந்திலுள்ள உற்பத்தி மையத்தில் கையால் ஒருங்கிணைக்கப்படுகிறது என்பது குறிப்பிடத்தக்கது.

ஒரு காருக்கு 17 நாட்கள்

ஒவ்வொரு மெக்லாரன் பி1 காரையும் ஒருங்கிணைப்பு மையத்தை சேர்ந்த 82 நிபுணர்களின் கைகளால் 17 நாட்கள் எடுத்துக் கொண்டு உருவாக்கப்படுகின்றன. மொத்தம் 4 கட்டமாக அசெம்பிள் செய்யப்படுகிறது.

பெர்ஃபார்மென்ஸ்

0- 100 கிமீ: 2.8 வினாடிகள்

0- 200 கிமீ: 6.8 வினாடிகள்

0- 300 கிமீ: 16.5 வினாடிகள்

டாப் ஸ்பீடு

மெக்லாரன் பி1 கார் அதிகபட்சமாக மணிக்கு 350 கிமீ வேகத்தில் செல்லும் வகையில் கட்டுப்படுத்தப்பட்டுள்ளது.

பிரேக்கிங் திறன்

பிரேக் பிடிக்கும்போது 100 வேகத்திலிருந்து காரை நிறுத்துவதற்கு வெறும் 2.9 வினாடிகளில் காரை நிறுத்திவிடும். அதாவது, 30.2 மீட்டருக்குள் கார் நின்றுவிடும்.

மைலேஜ்

100 கிமீ தூரத்துக்கு 8.3 லிட்டர் எரிபொருள் செலவாகும். இந்த ஹைபிரிட் சூப்பர் கார் லிட்டருக்கு 12.04 கிமீ மைலேஜ் தரும் என தெரிவிக்கப்பட்டுள்ளது. இதேபோன்று, ஒரு கிலோமீட்டருக்கு 194 கிராம் கார்பனை வெளித்தள்ளும்.

ஜீரோ எமிசன்

இந்த காரில் எலக்ட்ரிக் மோட்டாரை பயன்படுத்தி 20 கிலோமீட்டர் தூரம் வரை துளிகூட மாசு ஏற்படுத்தாமல் செல்ல முடியும். எலக்ட்ரிக் மோட்டாரில் இந்த கார் அதிகபட்சமாக மணிக்கு 48 கிமீ வேகத்தில் செல்லும்.

ஸ்பெஷல் டயர்கள்

இந்த காரில் விசேஷ டயர்கள் பொருத்தப்பட்டிருப்பதால் ரேஸ் டிராக் மற்றும் சாதாரண சாலைகள் என இரண்டிலும் செல்லும் தகுதி பெற்றது.

அதிவேக கார்

ஒரு காலத்தில் உலகின் அதிவேக கார் என்ற பெருமையை பெற்ற எஃப்-1 கார் 0-300 கிமீ வேகத்தை எட்டுவதற்கு 22 வினாடிகள் எடுத்துக் கொள்ளும். ஆனால், அதன் புதிய தலைமுறை காராக வந்திருக்கும் பி1 இதே வேகத்தை 16.5 வினாடிகளில் எட்டிவிடும். அதேவேளை, எஃப்1 கார் போன்று உலகின் அதிவேக கார் என்ற பெருமையை பெறுவதற்கு இப்போது போட்டியாளர்கள் இடம் தரவில்லை. இருப்பினும், உலகின் சிறந்த பெர்ஃபார்மென்ஸ் கொண்ட கார்களில் இதுவும் ஒன்று என்று கூறலாம்.

விலை

மெக்லாரன் பி1 காருக்கு 1.5 மில்லியன் டாலர் விலை நிர்ணயிக்கப்பட்டுள்ளது.