குறைவான விலை ஆல்ட்டோ, ஸ்விஃப்ட் ஹைபிரிட் மாடல்களை களமிறக்கும் மாருதி!

இறுதிக்கட்டத்தில்...

ஜப்பானில் உருவாக்கப்பட்டு வரும் இந்த புதிய ஹைபிரிட் தொழில்நுட்ம் கான்செப்ட் என்ற நிலைகளை தாண்டி தற்போது இறுதிக்கட்ட சோதனைகளில் இருப்பதாக மாருதி வட்டாரத் தகவல்கள் தெரிவிக்கின்றன.

மாடல்கள்

ஆல்ட்டோ, ஸ்விஃப்ட் உள்ளிட்ட முக்கிய மாடல்களில் இந்த புதிய ஹைபிரிட் தொழில்நுட்பம் அறிமுகம் செய்யப்பட இருக்கிறது.

மைலேஜ்

பெட்ரோல் மாடலைவிட இந்த ஹைபிரிட் மாடல்கள் 25 சதவீதம் முதல் 30 சதவீதம் வரை கூடுதல் மைலேஜை வழங்கும் என தெரிவிக்கப்படுகிறது. குறிப்பாக, ஹைபிரிட் சிஸ்டத்துடன் வரும் மாருதி கார்கள் லிட்டருக்கு 25 கிமீ முதல் 30 கிமீ வரை மைலேஜ் தரும் வகையில் இருக்கும்.

குறைவான விலை

ஹைபிரிட் தொழில்நுட்பம் கொண்ட கார்கள் விலை அதிகம் என்ற நிலை இருந்து வருகிறது. ஆனால், இந்த புதிய ஹைபிரிட் சிஸ்டம் கொண்ட மாருதி கார் மாடல்கள் பெட்ரோல் மாடலைவிட சற்று கூடுதல் விலையுடன் வருகிறது. அதாவது, ஏஎம்டி டிரான்ஸ்மிஷன் மாடல்களை போன்றே சற்றே விலை வித்தியாசம் கொண்டதாக இருக்கும்.

அறிமுகம்

அடுத்த மூன்று முதல் நான்கு ஆண்டுகளில் புதிய ஹைபிரிட் சிஸ்டம் கொண்ட மாடல்களை மாருதி அறிமுகம் செய்யும் என தகவல்கள் தெரிவிக்கின்றன.