நானோ காருக்கு ஆட்டோமேட்டிக் கியர் பாக்ஸ்: டாடா முடிவு!!

ஆட்டோமேட்டிக் மாடல்

பவர் ஸ்டீயரிங் கொண்ட நானோ கார் சமீபத்தில் விற்பனைக்கு வந்துள்ளது. இந்த நிலையில், ஆட்டோமேட்டிக் டிரான்ஸ்மிஷன் கொண்ட நானோ காரை விற்பனைக்கு கொண்டு வருவதற்கு டாடா திட்டமிட்டுள்ளதாக ஆட்டோகார் இதழ் செய்தி கூறுகிறது.

அதிகாரி உறுதி

இந்த தகவலை, டாடா மோட்டார்ஸ் நிறுவனத்தின் திட்ட மேலாண்மை துறை மூத்த அதிகாரி கிரிஷ் வாக் உறுதிப்படுத்தியுள்ளார்.

எந்த வகை டிரான்ஸ்மிஷன்?

நானோ காரில் சிவிடி அல்லது மாருதி செலிரியோவில் வருவது போன்ற கிளட்ச்லெஸ் மேனுவல் டிரான்ஸ்மிஷனை பொருத்துவது குறித்த டாடா பரிசீலித்து வருகிறது.

காம்பினேஷன் சூப்பர்

பவர் ஸ்டீயரிங் மற்றும் ஆட்டோமேட்டிக் கியர் பாக்ஸ் கொண்ட நானோ கார் நிச்சயம் சிறந்த சிட்டி காராக இருக்கும் என்று ஆட்டோமொபைல் துறையினரும் கருத்து தெரிவிக்கின்றனர்.