பிப்.18ல் விற்பனைக்கு வருகிறது புதிய பிஎம்டபிள்யூ ஐ8 ஸ்போர்ட்ஸ் கார்!

இந்தியாவுக்கு புதிய ரகம்

இந்தியாவில் விற்பனைக்கு அறிமுகம் செய்யப்பட இருக்கும் முதல் ஹைபிரிட் ஸ்போர்ட்ஸ் கார் மாடல் இது என்பது குறிப்பிடத்தக்கது. எனவே, கோடீஸ்வர வாடிக்கையாளர்கள் மத்தியில் பெரும் எதிர்பார்ப்பை ஏற்படுத்தியுள்ளது.

எஞ்சின்

இந்த புதிய ஹைபிரிட் ஸ்போர்ட்ஸ் கார் மாடலில் 231 பிஎஸ் பவரை அளிக்கும் 1.5 லிட்டர் 3 சிலிண்டர் எஞ்சின் பொருத்தப்பட்டு உள்ளது. தவிர்த்து 131 பிஎஸ் பவரை அளிக்கும் எலக்ட்ரிக் மோட்டாரும் உள்ளது.

செயல்திறன்

இந்த புதிய ஹைபிரிட் ஸ்போர்ட்ஸ் காரின் பெட்ரோல் எஞ்சின் 0 -100 கிமீ வேகத்தை 4.4 வினாடிகளில் கடந்து விடும் வல்லமை கொண்டது. இதன் எலக்ட்ரிக் மோட்டார்கள் மணிக்கு 120 கிமீ வேகம் வரை காரை செலுத்தக்கூடிய திறன் வாய்ந்தவை.

பேட்டரி ரேஞ்ச்

பெட்ரோல் எஞ்சினை ஆஃப் செய்துவிட்டால், பேட்டரி சார்ஜில் 37 கிமீ தூரம் வரை பயணிக்க முடியும்.

மைலேஜ்

இந்த ஹைபிரிட் கார் ஐரோப்பிய கணக்கீடுகளின்படி, லிட்டருக்கு 48 கிமீ மைலேஜ் தரும் என்று தெரிவிக்கப்படுகிறது. நடைமுறையில் 20 கிமீ மைலேஜ் தரும் என்று தெரிகிறது.

எதிர்பார்க்கும் விலை

ரூ.1.5 கோடி விலையில் இந்தியாவில் இந்த புதிய கார் விற்பனைக்கு வர இருக்கிறது. இந்த புதிய மாடல் தவிர்த்து பிஎம்டபிள்யூவின் புதிய ஐ3 எலக்ட்ரிக் ஹேட்ச்பேக் காரும் இந்த ஆண்டு இறுதியில் விற்பனைக்கு கொண்டு வரப்பட உள்ளது.