Just In
- 2 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 3 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 3 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 5 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
மேம்படுத்தப்பட்ட புதிய ஹோண்டா சிட்டி கார் இந்தியாவில் விற்பனைக்கு அறிமுகம்!
மேம்படுத்தப்பட்ட புதிய ஹோண்டா சிட்டி கார் இந்தியாவில் இன்று விற்பனைக்கு அறிமுகம் செய்யப்பட்டுள்ளது. அதன் விபரங்களை இந்த செய்தியில் காணலாம்.
மிட்சைஸ் செடான் கார் மார்க்கெட்டில் ஹோண்டா சிட்டி கார் முதன்மையாக தேர்வாக இருந்து வருகிறது. இந்த நிலையில், மாருதி சியாஸ் காரால் ஹோண்டா சிட்டி காருக்கு கடும் நெருக்கடி ஏற்பட்டுள்ளது. விற்பனையிலும் இது பாதிப்பை ஏற்படுத்தியது.
இதனை தவிர்த்துக் கொள்ளும் விதத்தில் மேம்படுத்தப்பட்ட அம்சங்களுடன் புதிய ஹோண்டா சிட்டி கார் இந்தியாவில் இன்று விற்பனைக்கு அறிமுகம் செய்யப்பட்டுள்ளது. டெல்லியில் நடந்த நிகழ்ச்சியில் இந்த புதிய மாடல் அறிமுகம் செய்யப்பட்டதுடன், அதன் சிறப்பம்சங்கள், விலை விபரங்களும் வெளியிடப்பட்டன. அதனை விரிவாக இந்த செய்தியில் காணலாம்.
வடிவமைப்பு, வசதிகளில் மேம்படுத்தப்பட்டு 2017 மாடலாக புதிய ஹோண்டா சிட்டி கார் விற்பனைக்கு வந்துள்ளது. புதிய ஹோண்டா சிட்டி கார் எஸ், எஸ்வி, வி, விஎக்ஸ் மற்றும் இசட்எக்ஸ் என 5 விதமான வேரியண்ட்டுகளில் விற்பனைக்கு கிடைக்கும்.
வெளிப்புறத்தை பொறுத்தவரையில், எல்இடி ஹெட்லைட்டுகளும், எல்இடி பகல்நேர விளக்குகள் சேர்க்கப்பட்டுள்ளன. புதிய க்ரில் அமைப்பும் மிக முக்கிய மாற்றங்களாக இருக்கின்றன. முன்பைவிட கூர்மையான அமைப்புடன் பம்பர் டிசைன் மாற்றம் செய்யப்பட்டு இருக்கிறது.
பக்கவாட்டில் பெரிய அளவிலான மாற்றங்கள் இல்லை. புதிய 16 அங்குல டைமன்ட் கட் அலாய் வீல்கள் பொருத்தப்பட்டுள்ளன. இது மிகவும் கவர்ச்சியான, காஸ்ட்லியான கார் தோற்றத்தை ஹோண்டா சிட்டிக்கு வழங்குகிறது. கூரையின் டிசைனில் சிறிய மாற்றங்களுடன் தாழ்வாக தெரிகிறது.
பின்புறத்தில் புதிய எல்இடி டெயில் லைட்டுகள் இடம்பெற்றுள்ளன. பூட் ரூம் மூடியின் மேல் ஸ்பாய்லர் பொருத்தப்பட்டு இருக்கிறது. எல்இடி ஸ்டாப் லைட் கொடுக்கப்பட்டு இருக்கிறது.
உட்புறத்தை பொறுத்தவரையில் புதிய 7 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் பொருத்தப்பட்டு இருக்கிறது. 1.5 ஜிபி மெமரியும் உள்ளது. ஸ்டீயரிங் வீலில் உள்ள பட்டன் மூலமாக வாய்ஸ் கமான்ட் எனப்படும் குரல் வழி கட்டுப்பாட்டு வசதியையும் எளிதாக பெறலாம். உயர் வேரியண்ட்டுகளில் லெதர் அப்ஹோல்ஸ்ட்ரி மற்றும் இருக்கைகள் கொடுக்கப்பட்டுள்ளன.
புதிய ஹோண்டா சிட்டி காரில் ஆட்டோமேட்டிக் க்ளைமேட் கன்ட்ரோல் சிஸ்டம் உள்ளது. காரின் இயக்கம் குறித்த பல்வேறு தகவல்களை ஓட்டுனர் பெறுவதற்கான மல்டி இன்ஃபர்மேஷன் எல்சிடி திரை பொருத்தப்பட்டுள்ளது. நெடுஞ்சாலையில் ஆக்சிலரேட்டரை மிதிக்காமல் ஒரே சீரான வேகத்தில் காரை செலுத்தும் வசதியை அளிக்கும் க்ரூஸ் கன்ட்ரோல் சிஸ்டமும் உள்ளது.
ரியர் ஏசி வென்ட்டுக்கு தொடு உணர் பட்டன் மூலமாக கட்டுப்படுத்தும் வசதி கொடுக்கப்பட்டு இருக்கிறது. இருளில் தானாக ஒளிரும் ஆட்டோமேட்டிக் ஹெட்லைட், மழை நேரத்தில் தானாக இயங்கும் ஆட்டோமேட்டிக் வைப்பர் வசதிகளும் உள்ளன.
எஞ்சினில் மாற்றங்கள் இல்லை. புதிய ஹோண்டா சிட்டி காரில் 118 பிஎச்பி பவரையும், 145 என்எம் டார்க் திறனையும் வழங்கும் 1.5 லிட்டர் பெட்ரோல் எஞ்சின் மற்றும் 99 பிஎச்பி பவரையும், 200 என்எம் டார்க் திறனையும் வழங்க வல்ல 1.5 லிட்டர் டீசல் எஞ்சின் பொருத்தப்பட்டுள்ளன.
பெட்ரோல் மாடல் 5 ஸ்பீடு மேனுவல் கியர்பாக்ஸ் அல்லது பேடில் ஷிஃப்ட் வசதியுடன் கூடிய 7 ஸ்பீடு சிவிடி கியர்பாக்ஸ் ஆப்ஷன்களில் கிடைக்கும். டீசல் மாடல் 6 ஸ்பீடு மேனுவல் கியர்பாக்ஸ் ஆப்ஷனில் மட்டுமே கிடைக்கும்.
பெட்ரோல் மாடல் லிட்டருக்கு 17.4 கிமீ மைலேஜையும், சிவிடி கியர்பாக்ஸ் மாடல் லிட்டருக்கு 18 கிமீ மைலேஜையும் வழங்கும். டீசல் மாடல் லிட்டருக்க 25.6 கிமீ மைலேஜ் வழங்கும் என்று தெரிவிக்கப்பட்டுள்ளது.
புதிய ஹோண்டா சிட்டி காரின் டாப் வேரியண்ட்டில் 6 உயிர் காக்கும் காற்றுப் பைகள் கொடுக்கப்பட்டுள்ளன. குழந்தை இருக்கையை பொருத்திக் கொள்வதற்கு ஐசோஃபிக்ஸ் என்ற உயர் பாதுகாப்பு வசதி கொண்ட பொருத்தும் அமைப்பும் இடம்பெற்று இருக்கிறது.
புதிய ஹோண்டா சிட்டி காரின் அனைத்து வேரியண்ட்டுகளிலும், அனைத்து சக்கரங்களுக்கும் பிரேக் ஆற்றலை சீராக அனுப்பும் இபிடி நுட்பமும், ஏபிஎஸ் பிரேக்கிங் சிஸ்டமும் நிரந்தர பாதுகாப்பு அம்சமாக இடம்பெற்று இருக்கிறது. புதிய ஹோண்டா சிட்டி கார் மெட்டாலிக் சில்வர் என்ற புதிய வண்ணம் உள்பட 5 விதமான வண்ணங்களில் கிடைக்கும்.
பெட்ரோல் மாடல் விலை விபரம்
வடிவமைப்பிலும், வசதிகளிலும் மேம்படுத்தப்பட்ட அம்சங்களுடன் 2017 மாடலாக வந்திருக்கும் புதிய ஹோண்டா சிட்டி காரின் விலை விபரங்களை கீழே காணலாம்.
பெட்ரோல் வேரியண்ட்டுகள் | எக்ஸ்ஷோரூம் விலை[டெல்லி] |
எஸ் வேரியண்ட் | ரூ. 8,49,990 |
எஸ்வி வேரியண்ட் | ரூ.9,53,990 |
வி வேரியண்ட் | ரூ.9,99,990 |
வி [சிவிடி மாடல்] | ரூ.11,53,990 |
விஎக்ஸ் வேரியண்ட் | ரூ. 11,64,990 |
விஎக்ஸ்[சிவிடி மாடல்] | ரூ.12,84,990 |
இசட்எக்ஸ்[சிவிடி மாடல்] | ரூ.13,52,990 |
டீசல் மாடல் விலை விபரம்
மேம்படுத்தப்பட்ட அம்சங்களுடன் 2017 மாடலாக வந்திருக்கும் புதிய ஹோண்டா சிட்டி காரின் டீசல் மாடலின் விலை விபரங்களை கீழே காணலாம்.
டீசல் வேரியண்ட்டுகள் | எக்ஸ்ஷோரூம் விலை[டெல்லி] |
எஸ்வி வேரியண்ட் | ரூ.10,75,990 |
வி வேரியண்ட் | ரூ.11,55,990 |
விஎக்ஸ் வேரியண்ட் | ரூ.12,86,990 |
இசட்எக்ஸ் வேரியண்ட்] | ரூ.13,56,990 |
புதிய ஹோண்டா சிட்டி காரின் படங்கள்!
இன்று விற்பனைக்கு அறிமுகமாகி இருக்கும் புதிய ஹோண்டா சிட்டி காரின் படங்களின் தொகுப்பை கீழே உள்ள கேலரியை க்ளிக் செய்து காணலாம்.
-
யமஹா ஆர்.எக்ஸ் பைக்கை வைத்திருப்பவங்க கவனத்துக்கு!! என்ஜின் பவரை அதிகமாக்க சூப்பரான ஐடியா!
-
சீன நிறுவனம் காரையே புளிப்பு மிட்டாய் கணக்கா உற்பத்தி பண்ணிட்டு இருக்கா.. நம்பவே முடியல 7 மில்லியனை தொட்ருச்சு
-
பேடிஎம் ஆப் மூலம் இனி ஃபாஸ்ட் டேக் கார்டுகளை ரீசார்ஜ் செய்யலாம்! வந்துவிட்டது புதிய வழி