Just In
- 4 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 4 hrs ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 5 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- 6 hrs ago உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
காரில் அதிக மைலேஜ் பெறுவதற்கான எளிய வழிமுறைகள்!
பெட்ரோல், டீசல் விலை மீண்டும் எகிறிக் கொண்டே செல்கிறது. இந்த சூழலில் எரிபொருள் சிக்கனம் என்பது ஒவ்வொரு கார் உரிமையாளருக்கும் மிக முக்கியமான விஷயமாக மாறியிருக்கிறது.
மாத பட்ஜெட்டில் எரிபொருளுக்கு அதிக தொகையை செலவிடுவதை தவிர்ப்பதற்கு, சில எளிய வழிமுறைகளை கையாண்டால், கூடுதல் மைலேஜை பெற முடியும். இதன்மூலம், எரிபொருள் விலையேற்றத்தை செவ்வனே சமாளிக்கலாம். ஸ்லைடரில் சில எளிய வழிமுறைகளை காணலாம்.
நகர்ப்புறத்தில்...
நகர்ப்புறங்களில் ஓட்டுவோர் காரை வெடுக் வெடுக் என நகர்த்துவதை தவிர்க்க வேண்டும். மேலும், முன்னால் செல்லும் வாகனத்துடன் குறிப்பிட்ட இடைவெளி விட்டு செல்லும்போது எஞ்சினை வேகமாக இயக்குவதையும், திடீரென பிரேக் போட்டு நிறுத்தும் அவசியத்தை தவிர்க்கலாம். இது நிச்சயம் கூடுதல் எரிபொருள் சிக்கனத்தை தரும்.
சிக்னல்களில்...
சிக்னல்களில் 60 வினாடிகளுக்கு மேல் நிற்க வேண்டியிருந்தால் எஞ்சினை ஆஃப் செய்து வைக்கலாம். பல சிக்னல்களில் எத்தனை வினாடிகளில் சிக்னல் மாறும் என்பதை காட்டும் டைமர்கள் இருப்பது உங்கள் காரின் மைலேஜை அதிகரிக்க உதவும் விஷயமே.
நெடுஞ்சாலையில்...
நெடுஞ்சாலையில் பயணிப்போர் மணிக்கு 60 கிமீ முதல் 80 கிமீ வேகத்திற்கு மிகாமல் செலுத்தினால், எதிர்பார்த்ததைவிட அதிக மைலேஜ் கிடைக்கும். க்ரூஸ் கன்ட்ரோல் வசதி தற்போது பல கார்களில் கிடைக்கிறது. நெடுஞ்சாலைகளில் பயணிக்கும்போது க்ரூஸ் கன்ட்ரோல் சிஸ்டத்தை பயன்படுத்துவதன் மூலமாக கூடுதல் எரிபொருள் சிக்கனத்தை பெற முடியும்.
ஏசி இல்லாமலா...
காரில் ஏசி.,யை பயன்டுத்தும்போது எஞ்சின் கூடுதல் திறனை அளிக்க வேண்டி அதிக எரிபொருளை உட்கொள்ளும். இதனால், மைலேஜ் குறையும். ஆனால், வெயில், தூசி என நம் நாட்டு தட்பவெப்ப நிலை மற்றும் சுற்றுப்புறம் காரின் கதவை திறந்து வைக்க அனுமதிப்பதில்லை. இருப்பினும், சீதோஷ்ண நிலை சிறப்பாக இருக்கும்போதும், குறைவான வேகத்தில் செல்லும்போதும் ஏசி., பயன்பாட்டை தவிர்க்கலாம். இது கூடுதல் மைலேஜிற்கு உத்தரவாதம் அளிக்கும்.
ஜன்னல்களை மூடுவதும்...
க்ளைமேட் கன்ட்ரோல் ஏசி இருந்தால் ஆட்டோமேட்டிக் வசதியை அணைத்துவிட்டு, குறைவான வேகத்தில் புளோயர்களை வைக்கலாம். அதேவேளை, நெடுஞ்சாலையில் அதிவேகத்தில் செல்லும்போது கண்ணாடி ஜன்னல்களை மூடி விட்டு ஏசி.,யை போட்டுச் செல்லுங்கள். இது காரின் ஏரோடைனமிக்ஸை அதிகரித்து அதிக எரிபொருள் சிக்கனத்தை அளிக்கும்.
டயரில் காற்றழுத்தம்
டயரில் பரிந்துரைக்கப்பட்ட அளவு காற்றழுத்தத்தை வைத்திருத்தாலே 3 சதவீதம் கூடுதல் மைலேஜை பெற முடியும். நீண்ட தூர பயணங்கள் செல்லும்போது, அலாய் வீல்களில் லோ புரோஃபைல் டயர்களை பொருத்தியிருந்தால், சாதாரண டயர்களை மாற்றி எடுத்துச் செல்லும்போது அதிக மைலேஜ் கிடைக்கும். லோ புரோஃபைல் டயர்கள் அதிக உராய்வுத் தன்மை, தரை பிடிமானம் கொண்டதால் மைலேஜ் அதிகம் எதிர்பார்க்க முடியாது.
பராமரிப்பு
குறித்த இடைவெளியில் சர்வீஸ் செய்வதும் காரின் மைலேஜ் சிறப்பாக இருப்பதற்கான முக்கிய காரணம். ஏர் ஃபில்டர், ஃப்யூவல் ஃபில்டர் மற்றும் ஸ்பார்க் பிளக்குகளை சோதிக்க தவறாதீர். 60,000 கிமீ ஓடிய கார்களில் ஆக்சிஜன் சென்சாரையும் சோதிக்க வேண்டும். ஆக்சிஜன் சென்சாரில் பிரச்னை இருந்தால், காரின் மைலேஜ் 20 சதவீதம் வரை குறையும்.
ஆட்டோமேட்டிக் கார்
ஆட்டோமேட்டிக் கார் வைத்திருப்பவர்கள் வாய்ப்பு இருக்கும் சமயங்கள் மற்றும் நெரிசல் குறைந்த சாலைகளில் செல்லும்போது மேனுவல் மோடில் வைத்து ஓட்டலாம். இதன்மூலம், அதிக எரிபொருள் சிக்கனத்தை பெற முடியும்.
தரமான எரிபொருள்
வீட்டுக்கு அருகில் அல்லது அலுவலகம் செல்லும் வழியில் இருக்கும் தரமான எரிபொருள் வழங்கும் நிலையங்களை கண்டறிந்து அதிலேயே எரிபொருள் நிரப்புவதை வழக்கமாக்கிக் கொள்வதும் கூடுதல் எரிபொருளுக்கு உதவும். அத்துடன், காரின் எஞ்சினும் நீடித்த ஆயுளை பெறும்.
வழித்தடம்
வீட்டிலிருந்து அலுவலகம் செல்வதற்கு வெவ்வேறு வழிகளை பயன்படுத்தி பாருங்கள். அதில், குறைவான தூரம் மட்டுமின்றி, போக்குவரத்து நெரிசல் குறைவாகவும், விரைவாகவும் செல்லும் வழித்தடங்களை தேர்ந்தெடுத்து செல்லுங்கள்.
சுமை
காரில் இருக்கும் கேரியர் உள்ளிட்ட தேவையில்லாத ஆக்சஸெரீகள் இருந்தால் கழற்றி வைத்துவிடவும். மேலும், வெளியூர் பயணங்களின்போது முடிந்தவரை உடைமைகளை குறைத்து எடுத்துச் செல்ல பழகிக் கொள்ளுங்கள். பலர் பிக்கப் டிரக் போன்று காரில் பொருட்களை ஏற்றிச் செல்வதை காண முடிகிறது.
இன்றே ரிசல்ட்
இந்த செய்தித் தொகுப்பில் கொடுக்கப்பட்டிருக்கும் சில எளிய வழிமுறைகளை கடைபிடித்தால், உங்கள் காரின் மைலேஜ் இன்றே அதிகரிக்கும். அத்துடன், நேற்றைய பெட்ரோல், டீசல் விலை உயர்வு உங்களின் இந்த மாத பட்ஜெட்டை பாதிக்காது என்று கருதலாம்.
-
2019ல் வேணும்னே கடலில் மூழ்கடிக்கப்பட்ட விமானம்.. இப்ப அதோட நிலைமை என்ன? ஏன் அதை கடலில் தள்ளி விட்டாங்க?
-
புதுசா வாங்கி காசை வேஸ்ட் பண்ணாதீங்க! பைக் ஓட்டி படிக்க செகன்ட் ஹேண்டில் வாங்க பெஸ்ட் பைக்குகள் இது தான்!
-
செஞ்சது என்னமோ சின்ன உதவிதான்.. ஆனா அந்த சமையல்கார அம்மா குடும்பத்துக்கு அது ரொம்ப பெருசு! செம ஸ்டோரி!!