Just In
- 40 min ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 7 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 7 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
- 9 hrs ago ஒரே ஆளா வந்து வாங்கிட்டு போயிட்டாங்க.. 2,000 டாடா எலெக்ட்ரிக் கார்களை வாங்கி ஒற்றை ஆளு!
Don't Miss!
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ரூ.14 லட்சத்தில் இந்தியன் ஸ்கவுட் வாங்கிய நடிகர் புனித் ராஜ்குமார்!
கன்னட சினிமா உலகின் முன்னணி கதாநாயகர்களில் ஒருவரான புனித் ராஜ்குமார் கார் மற்றும் பைக்குகள் மீது அதிக ஆர்வம் கொண்டவர். புதிது புதிதாக வரும் கார் மற்றும் பைக் மாடல்களை ஆர்வமுடன் அறிந்து கொள்வதுடன், அதில் பிடித்தமானவற்றை வாங்கி தனது கராஜில் சேர்த்து விடுவார்.
அந்த வகையில், புதிய லேண்ட்ரோவர் ரேஞ்ச்ரோவர் எஸ்யூவியை சமீபத்தில் வாங்கிய அவர், அடுத்ததாக இந்தியன் ஸ்கவுட் மோட்டார்சைக்கிளையும் வாங்கியிருக்கிறார். சமீபத்தில் அவரது இல்லத்திலேயே அந்த புதிய இந்தியன் ஸ்கவுட் மோட்டார்சைக்கிள் டெலிவிரி கொடுக்கப்பட்டது. அப்போது, நண்பர்களுடன் கேக் வெட்டி மகிழ்ச்சியை பகிர்ந்துகொண்டார்.
க்ரூஸர் மாடல்
நீண்ட தூர பயணங்களுக்கான சக்திவாய்ந்த க்ரூஸர் வகையை சேர்ந்தது. சொகுசு பைக் மார்க்கெட்டில் சரியான பட்ஜெட்டில் மிகச்சிறப்பான இந்தியன் நிறுவனத்தின் புதிய தயாரிப்புதான் இந்தியன் ஸ்கவுட்.
சிறப்பம்சம்
இதுபோன்ற சக்திவாய்ந்த மோட்டார்சைக்கிள்களை முதல்முறையாக, ஓட்டுபவர்களுக்கும் ஏதுவான சிறப்பம்சங்களை கொண்டது. மேலும், இலகு எடை கொண்ட இதன் உறுதிமிக்க ஃப்ரேம் மிகச்சிறந்த கையாளுமையை வழங்கும். வளைவுகளில் கூட நம்பிக்கையான ஓட்டுதல் அனுபவத்தை தரும்.
இருக்கை
ஒரு இருக்கை மட்டுமே கொடுக்கப்பட்டிருக்கிறது. இது டேன் லெதரிலான உயர்தரத்திலான இருக்கை. நீண்ட தூர பயணங்களுக்கு மிக சொகுசான, தொந்தரவு இல்லாத பயண அனுபவத்தை வழங்கும்.
எஞ்சின்
இந்த புதிய இந்தியன் ஸ்கவுட் பைக்கில் 100 எச்பி பவரையும், 97.7 என்எம் டார்க்கையும் அளிக்கும் 1,133சிசி லிக்யூடு கூல்டு வி- ட்வின் எஞ்சின் பொருத்தப்பட்டிருக்கிறது. 6 ஸ்பீடு கியர் பாக்ஸ் கொண்டது.
செயல்திறன்
இந்த பைக்கின் சக்திவாய்ந்த எஞ்சின் 0- 100 கிமீ வேகத்தை 4.5 வினாடிகளில் தொட்டுவிடும். அதிகபட்சமாக மணிக்கு 193 கிமீ வேகம் வரை செல்லும் வல்லமை கொண்டது.
மைலேஜ்
இந்த பைக் நகர்ப்புறத்தில் லிட்டருக்கு 18 கிமீ வரையிலும், நெடுஞ்சாலையில் லிட்டருக்கு 21.2 கிமீ மைலேஜையும் தரும் என்று தெரிவிக்கப்படுகிறது.
எடை
இந்தியன் ஸ்கவுட் மோட்டார்சைக்கிளின் ஸ்டான்டர்டு மாடல் 253 கிலோ எடை கொண்டது. கஸ்டமைஸ் செய்தால், இதன் எடை கூடும்.
வண்ணம்
இந்த பைக் தண்டர் பிளாக், சில்வர் ஸ்மோக், தண்டர் பிளாக் ஸ்மோக், வைல்டுஃபயர் ஆகிய வண்ணங்களில் கிடைக்கிறது. இதில், சில்வர் ஸ்மோக் என்ற வண்ணத்தை புனித் ராஜ்குமார் தேர்வு செய்து வாங்கியிருக்கிறார்.
விலை
பெங்களூரில் ரூ.12.61 லட்சம் எக்ஸ்ஷோரூம் விலை கொண்ட இந்த மோட்டார்சைக்கிள் ஆர்டிஓ., கட்டணம் மற்றும் வரிகள் சேர்த்து ரூ.14.25 லட்சம் ஆன்ரோடு விலையில் கிடைக்கிறது.