Just In
- 1 hr ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- 1 hr ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 2 hrs ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 4 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
Don't Miss!
- News டார்க்கெட் திமுக.. தமிழக பாஜக தொண்டர்களுடன் கலந்துரையாடும் பிரதமர் மோடி! ‛மாஸ்டர் பிளான்’
- Sports மும்பை பாணியில் கம்பீர் எடுத்த முடிவு.. 16 சிறுவனை ஒப்பந்தம் செய்த கேகேஆர்.. யாருப்பா அந்த பையன்?
- Movies டல்லடிக்கும் சினிமா வாய்ப்பு?.. அரசியலுக்கு வருகிறாரா அனுஷ்கா?.. இது என்னப்பா புதுசா இருக்கு
- Finance தங்கம் விலை ஓரே நாளில் 1400 ரூபாய் உயர்வு.. முதல் முறையாக ரூ.51000 தொட என்ன காரணம்..?
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
ரூ.2 கோடியில் புதிய பிஎம்டபிள்யூ காரை வாங்கிய சச்சின் டெண்டுல்கர்!
பிஎம்டபிள்யூ பிரியரான கிரிக்கெட் ஜாம்பவான் சச்சின் டெண்டுல்கர் தனது கராஜில் பல பிஎம்டபிள்யூ மாடல்களை வரிசை கட்டி நிறுத்தி வைத்துள்ளார். இதுபற்றி பல செய்திகளை டிரைவ்ஸ்பார்க் தளம் வழங்கியிருக்கிறது. கடைசியாக உலகின் அதிசிறந்த ஹைபிரிட் ஸ்போர்ட்ஸ் கார் மாலான பிஎம்டபிள்யூ ஐ8 காரை சச்சின் டெண்டுல்கர் வாங்கினார்.
இந்தியாவில் வெகு சொற்ப எண்ணிக்கையில் விற்பனைக்கு அறிமுகம் செய்யப்பட்ட இந்த காரை அறிமுகம் செய்த கையோடு முதல் ஆளாக பதிவு செய்து டெலிவிரி பெற்றார். அத்துடன், அந்த காரை சமீபத்தில் தனது டேஸ்ட்டுக்க தகுந்தவாறு வண்ணத்தை மாற்றி கஸ்டமைஸ் செய்துள்ளார்.
இந்தநிலையில், இந்த ஆண்டில் இரண்டாவது புதிய பிஎம்டபிள்யூ காரை சச்சின் வாங்கியிருக்கிறார். தற்போது வாங்கியிருக்கும் மாடல் பிஎம்டபிள்யூ நிறுவனத்தின் புதிய தலைமுறை 7 சீரிஸ் சொகுசு கார். இந்த காரை தனது விருப்பத்திற்கு ஏற்ப பல விசேஷ ஆக்சஸெரீகளுடன் கஸ்டமைஸ் செய்து வாங்கியிருக்கிறார்.
கடந்த பிப்ரவரி மாதம் நடந்த டெல்லி ஆட்டோ எக்ஸ்போவில் புதிய தலைமுறை பிஎம்டபிள்யூ 7 சீரிஸ் காரை சச்சின்தான் இந்திய மார்க்கெட்டுக்காக அறிமுகம் செய்தார். அப்போதே முன்பதிவு செய்து வைத்து தற்போது டெலிவிரி பெற்றிருக்கிறார்.
சச்சின் டெண்டுல்கர் வாங்கியிருக்கும் பிஎம்டபிள்யூ 7 சீரிஸ் காரின் 750எல்ஐ ஸ்போர்ட் என்ற வேரியண்ட். மேலும், இந்த காரில் பிஎம்டபிள்யூ நிறுவனத்தின் பெர்ஃபார்மென்ஸ் பிராண்டான எம் பிராண்டு ஆக்சஸெரீகள் சேர்க்கப்பட்டு கஸ்டமைஸ் செய்யப்பட்டு இருக்கிறது.
எம் பெர்ஃபார்மென்ஸ் பேக்கேஜில் வழங்கப்படும் 20 இன்ச் அலாய் வீல்கள், க்ரோம் பூச்சுடன் கூடிய ஏர் இன்டேக்குகள், விசேஷ பம்பர் அமைப்பு என காரை சுற்றிலும் கூடுதல் விசேஷ ஆக்சஸெரீகள் மற்றும் மாற்றங்களுடன் கவர்ச்சியாக இருக்கிறது. லேசர்லைட் ஹெட்லைட், எல்இடி டெயில் லைட்டுகள், க்ரோம் பீடிங் போன்றவை காருக்கு பாதுகாப்புடன் சேர்த்து அலங்காரத்தையும் தருகிறது.
சச்சின் இனிஷியலுடன் கூடிய உயர்தர லெதர் இருக்கைகள், ஒளிரும் எழுத்துக்களுடன் சில் கார்டுகள், 5.0 இன்ச் தொடுதிரையுடன் கூடிய இன்ஃபோடெயின்மெனட் சிஸ்டம், முக்கியத் தகவல்களை முன்புற கண்ணாடியில் காட்டும் ஹெட் அப் டிஸ்ப்ளே வசதி, விரல் அசைவு மூலமாக இன்ஃபோடெயின்மென்ட் சிஸ்டத்தை கட்டுப்படுத்தும் வசதி என வசதிகள் பட்டியல் நீள்கிறது.
பார்க்கிங் அசிஸ்டென்ஸ் வசதி உள்ளிட்ட பல பாதுகாப்பு வசதிகளை இந்த கார் கொண்டிருக்கிறது. இதன் செக்மென்ட்டில் சிறப்பான பாதுகாப்பு தொழில்நுட்பங்களை கொண்ட மாடலும் கூட.
இந்த காரில் 8 சிலிண்டர்களுடன் இயங்கும் 450 பிஎச்பி பவரையும், 650 என்எம் டார்க்கையும் அளிக்க வல்ல 4.4 லிட்டர் ட்வின் டர்போ வி8 எஞ்சின் பொருத்தப்பட்டு இருக்கிறது. 8 ஸ்பீடு ஆட்டோமேட்டிக் கியர்பாக்ஸ் பொருத்தப்பட்டு இருக்கிறது.
இந்த பிரம்மாண்ட சொகுசு கார் செயல்திறனிலும் சளைத்ததல்ல. இந்த கார் 0 - 100 கிமீ வேகத்தை 4.7 வினாடிகளில் எட்டிவிடும். அதிகபட்சமாக மணிக்கு 250 கிமீ வேகம் வரை செல்லும் திறன் கொண்டது. இந்த கார் மும்பையில் ரூ.2 கோடி அடக்க விலையில் விற்பனை செய்யப்படுகிறது.
சச்சின் டெண்டுல்கர் கார் கலெக்ஷன்!