ஹம்மர் கார் பரிசு கொடுத்து ஸ்பாட் ஃபிக்ஸிங்? - ஸ்ரீசாந்த் 'திடுக்' வாக்குமூலம்!

உண்மையா?

இந்திய கிரிக்கெட் அணியில் ஹம்மர் காரை கேப்டன் டோணியும், சுழற்பந்துவீச்சாளர் ஹர்பஜன்சிங்கும் வைத்துள்ளனர். இந்த நிலையில், ஸ்ரீசாந்த் கூறியிருக்கும் புகாரால் பரபரப்பு கூடியிருக்கிறது.

ஸ்ரீசாந்த் தந்தை புகார்

ஸ்ரீசாந்த் கைது செய்யப்பட்டவுடன், கேப்டன் டோணி மற்றும் ஹர்பஜன் சிங் மீது ஸ்ரீசாந்த் தந்தை பரபரப்பு புகாரை தெரிவித்தார். தனது மகனை இருவரும் சேர்ந்து ஒழித்துக் கட்ட பார்ப்பதாக கூறிய அவர், பின்னர் அதனை வாபஸ் பெற்றதோடு, மன்னிப்பும் கேட்டார் என்பது நினைவுகூறத்தக்கது.

விலையுயர்ந்த பரிசுகள்

ஹம்மர் கார் மட்டுமின்றி பல விலையுயர்ந்த கார்களையும், கைக்கடிகாரங்களையும் முன்னணி வீரர்களுக்கு சூதாட்டத் தரகர்கள் பரிசாக வழங்கியுள்ளதாகவும், அவர்களின் பெயரையும் ஸ்ரீசாந்த் போலீசாரிடம் தெரிவித்துள்ளதாக தகவல்கள் தெரிவிக்கின்றன.

போலீசார் தீவிரம்

ஸ்ரீசாந்த் கூறியிருக்கும் புகார்கள் குறித்து போலீசார் பல்வேறு கோணங்களில் தற்போது விசாரணையை தீவிரப்படுத்தியிருக்கின்றனர். மேலும், ஸ்ரீசாந்தின் புகார்கள் குறித்து உடனடியாக உறுதிப்படுத்த இயலாது என்றும் டெல்லி போலீஸ் வட்டாரத் தகவல்கள் தெரிவிக்கின்றன.

எதிர்காலம் கேள்விக்குறி

கிணறு வெட்ட பூதம் கிளம்பியதுபோன்று, இந்த விவகாரம் ஒரு சில வீரர்களோடு நின்று விடாது என்று தெரிகிறது. இது இந்திய கிரிக்கெட் அணியின் எதிர்காலத்தையே கேள்விக்குறியாக்கும் நிலை ஏற்பட்டுள்ளது.