Just In
- 18 min ago இது கார் இல்ல மிதக்கும் கப்பல்!! புதுசா வாங்கியிருக்கும் இந்த நடிகர் யாரென்று தெரிகிறதா?
- 32 min ago கார்ல போகும் போது அதிக சத்தமாக பாட்டு கேட்டா இப்படி ஒரு பிரச்சனைவருமா? இது பலருக்கும் தெரியாத விஷயமா இருக்கு
- 1 hr ago இந்த காரை எத்தன பேரு தங்களுக்கு பிடிச்சவங்களுக்கு பரிசா கொடுக்க போறாங்களோ! அஸ்டன் மார்ட்டின் வேன்டேஜ் அறிமுகம்
- 1 hr ago வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
Don't Miss!
- Technology ATM.. டெபிட் கார்டு.. கிரெடிட் கார்டு இருக்கா? ரிசர்வ் வங்கி வெளியிட்ட புது விதி.. இனி சிக்கலே இருக்காது..
- Movies வாயில் சோறு.. கணவர் பாட காதை பொத்திக் கொண்டு.. நிறைமாத கர்ப்பிணி அமலா பாலின் லேட்டஸ்ட் வீடியோ!
- News "கள்ளச் சந்தையில் ஐபிஎல் டிக்கெட்".. CSK போட்டியின்போது 12 பேரை கொக்கி போட்டு தூக்கிய போலீசார்!
- Lifestyle Constipation: மலச்சிக்கல் பிரச்சனையில் இருந்து உடனே விடுபடணுமா? இந்த பானங்களை தினமும் குடிங்க..
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Finance மியூச்சுவல் ஃபண்ட்களில் முதலீடு செய்ய சரியான நேரம் எது? இதை நோட் பண்ணிக்கோங்க!
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
மல்லையா போலவே மதிப்பிழந்த அவரது சொகுசு கார்கள்... அடிமாட்டு விலைக்கு விற்பனை!
பல்லாயிரம் கோடி கடனை அடைக்க முடியாமல் வெளிநாட்டில் தலைமறைவாகிவிட்ட தொழிலதிபர் விஜய் மல்லையாவின் சொத்துக்கள் தொடர்ந்து ஏலம் மூலமாக விற்பனை செய்யப்பட்டு வருகின்றன. அந்த வரிசையில், தற்போது அவரது கார்கள், விமானங்கள் போன்றவையும் ஏலம் விடப்பட்டு வருகின்றன.
யுனைடைட் ஸ்பிரிட் நிறுவனத்தின் தலைவர் பதவியிலிருந்து விஜய் மல்லையா அகற்றப்பட்ட நிலையில், அவரது நிறுவனத்தை கையகப்படுத்திய டியாஜியோ நிறுவனம்தான் தற்போது அவரது கார்களை ஆன்லைன் ஏலம் மூலமாக விற்பனை செய்து வருகிறது. இதில், சமீபத்தில் நடந்த ஏலத்தில் அவரது பல கோடி மதிப்பிலான விண்டேஜ் கார்கள், விலை உயர்ந்த சொகுசு கார்களும் மிக சொற்ப விலைக்கு ஏலம் விடப்பட்டன.
கடந்த ஆகஸ்ட் 25ந் தேதி நடந்த ஏலத்தின்போது மல்லையா கார்கள் எதிர்பார்த்த அளவு விலை போகவில்லை. இதையடுத்து, அடுத்த நாள் 4 மணி வரை ஏலத்திற்கான காலக்கெடு நீடிக்கப்பட்டது. இதில், எதிர்பார்த்த விலை கிடைத்த 8 விண்டேஜ் கார்கள் உள்பட மொத்தம் 30 கார்கள் ஏலம் விடப்பட்டனது.
அதில், அவர் ஆசையாய் வாங்கி பயன்படுத்திய பல கோடி மதிப்புடைய விலை உயர்ந்த கார்கள் மிக குறைந்த விலைக்கு ஏலம் போனது. அதேநேரத்தில், விண்டேஜ் கார்கள் நல்ல விலைக்கு ஏலம் போய் வியக்க வைத்தன. அதில், சில முக்கியமான கார்கள் எவ்வளவு விலைக்கு ஏலம் போனது என்பது உள்ளிட்ட விபரங்களை தொடர்ந்து காணலாம்.
மெர்சிடிஸ் பென்ஸ் எஸ் கிளாஸ்
ராஜ்சபா உறுப்பினரான மல்லையா தினசரி நாடாளுமன்றம் வருவதற்கு பயன்படுத்தி இந்த கார் வெறும் ரூ.7.8 லட்சத்திற்கு ஏலம் போனது. தற்போது இந்த காரின் அடிப்படை மாடல் கூட ரூ.2 கோடி மதிப்பு கொண்டது.
பென்ட்லீ ஃப்ளையிங் ஸ்பர்
கோவாவில், இரவு விருந்துகளுக்கு செல்லும்போது தனது அந்தஸ்தை காட்டுவதற்கு மல்லையா பயன்படுத்தி இந்த பென்ட்லீ சொகுசு கார் ரூ.44 லட்சத்திற்கு ஏலம் போனது. பல கோடி மதிப்புடைய இந்த காரை வந்த விலைக்கு விற்றுவிட்டனர்.
மஸராட்டி குவாட்ரோபோர்ட்டே
சொந்தமாக கார் ஓட்ட நினைக்கும்போது மல்லையா அதிகம் பயன்படுத்திய கார் மஸராட்டி குவாட்ரோபோர்ட்டே. இந்த கார் வெறும் ரூ.37 லட்சத்திற்கு ஏலம் போயுள்ளது.
ரோல்ஸ்ராய்ஸ் கோஸ்ட்
குதிரை பந்தய மைதானத்திற்கு செல்லும்போது இந்த காரையே மல்லையா அதிகம் பயன்படுத்தினாராம். இந்த கார் ரூ.2.42 கோடிக்கு ஏலம் போயுள்ளது.
போர்ஷே பாக்ஸ்டர்
கோவாவில் பயன்படுத்தப்பட்ட இந்த மஹாராஷ்டிர பதிவு எண் கொண்ட போர்ஷே பாக்ஸ்டர் கார் ரூ.44.5 லட்சத்துக்கு ஏலத்தில் விடப்பட்டது. விடுமுறை தினங்களில் இந்த இரண்டு கதவுகள் கொண்ட ஸ்போர்ட்ஸ் காரில் நெடுஞ்சாலைகளில் பயணிப்பது மல்லையாவுக்கு பிடித்த பொழுதுபோக்குகளில் ஒன்று...!
மெர்சிடிஸ் பென்ஸ் SLK
இந்த காரும் கோவாவில் இருந்த மல்லையா வீட்டு கராஜில் இருந்த கார். இந்த ஸ்போர்ட்ஸ் கார் ரூ.29.25 லட்சத்திற்கு ஏலம் போயுள்ளது.
மெர்சிடிஸ் பென்ஸ் எஸ் கிளாஸ்
இந்த காரும் கோவா வீட்டு கராஜில் இருந்தது. பேன்ஸி நம்பர் பிளேட் பொருத்தப்பட்ட இந்த சொகுசு காரும் ஏலத்தில் விடப்பட்டது. ஆனால், எவ்வளவு தொகைக்கு ஏலம் போனது என்ற தகவல் வெளியிடப்படவில்லை.
ரோல்ஸ்ராய்ஸ் ஃபான்டம்
உலகின் அதிக விலை உயர்ந்த கார்களில் ஒன்றான ரோல்ஸ்ராய்ஸ் ஃபான்டம் மல்லையா அரிதாக பயன்படுத்திய கார். இந்த கார் ரூ.77.2 லட்சத்திற்கு ஏலம் போயுள்ளது.
1903 ஹம்பர்
இந்தியாவின் மிக பழமையான கார் மாடலாக கருதப்படும் இந்த ஹம்பர் கார் ஒரு கோடி ரூபாய்க்கு ஏலம் போய் வியக்க வைத்திருக்கிறது. ஏலத்தில் இந்த காரை எடுப்பதற்கு கடைசி வரை கடும் போட்டி நிலவியது.
வோல்ஸ்லி
மும்பையில் நிறுத்தி வைக்கப்பட்டிருந்த மல்லையாவின் இந்த விண்டேஜ் கார் நாடு முழுவதும் விண்டேஜ் கார் ராலி மற்றும் கண்காட்சிகளில் பயன்படுத்தப்பட்டு உள்ளது. இந்த காரும் ஒரு கோடி ரூபாய்க்கும் அதிகமான விலையில் ஏலம் போயுள்ளது.
இதர கார்கள்
பிஎம்டபிள்யூ 750ஐ, மஹிநதிரா ஜீப் டீசல், பென்ட்லீ சூப்பர் ஸ்போர்ட்ஸ், மெர்சிடிஸ் பென்ஸ் எஸ்எல்டி மற்றும் லான்சியா விண்டேஜ் உள்ளிட்ட கார்களும் ஏலம் விடப்பட்டன. மாருதி ஓம்னி, மாருதி ஆல்ட்டோ, டொயோட்டா குவாலிஸ், ஃபோர்டு எண்டெவர், மஹிந்திரா ஸ்கார்ப்பியோ, டொயோட்டா கேம்ரி உள்பட மொத்தமாக 30 கார்கள் ஏலம் விடப்பட்டிருக்கின்றன.
தொடர்புடைய சுவாரஸ்யச் செய்திகள்:
- மலைக்க வைக்கும் மல்லையாவின் விண்டேஜ் கார் கலெக்ஷன்!
- மல்லையாவின் பிரம்மாண்ட மோட்டார் உலகம்!