புத்தம் புதிய 110சிசி ஸ்கூட்டரை களமிறக்கும் மஹிந்திரா!

புதிய மாடல்

ஜி101 என்ற குறியீட்டு பெயரில் இந்த புதிய ஸ்கூட்டர் வடிவமைக்கப்பட்டு வருகிறது. வடிவமைப்பு பணிகள் இறுதிக் கட்டத்தில் உள்ளதாகவும், டெல்லி ஆட்டோ எக்ஸ்போவில் இந்த புதிய ஸ்கூட்டர் அறிமுகம் செய்யப்படும் என்றும் தெரிவிக்கப்படுகிறது.

புதிய எஞ்சின்

இந்த ஸ்கூட்டரில் புத்தம் புதிய 110சிசி எஞ்சின் பொருத்தப்பட்டிருக்கும். வழக்கம்போல் அதிக பெர்ஃபார்மென்ஸ் கொண்டதாக ட்யூனிங் செய்யப்பட்டிருக்கும் என தகவல்கள் தெரிவிக்கின்றன.

போட்டி

ஹோண்டா ஆக்டிவா, யமஹா ரே, டிவிஎஸ் வீகோ ஸ்கூட்டர்களுக்கு போட்டியை கொடுக்கும் வகையிலான அம்சங்கள் மற்றும் விலையுடன் இந்த புதிய ஸ்கூட்டரை மஹிந்திரா அறிமுகம் செய்ய இருக்கிறது. மேலும், செஞ்சூரோவில் கொடுக்கப்பட்டது போன்று இந்த ஸ்கூட்டரில் ஏராளமான சிறப்பு வசதிகள் இருக்கும் என்று எதிர்பார்க்கப்படுகிறது.

மோஜோ

இந்த புதிய ஸ்கூட்டருடன் மோஜோவையும் டெல்லி ஆட்டோ எக்ஸ்போவில் அறிமுகம் செய்ய மஹிந்திரா திட்டமிட்டுள்ளது. புதிய மோஜோ பைக் டிசைனில் பல்வேறு மாற்றங்களுடன் வருகிறது. அடுத்த இரண்டு ஆண்டுகளில் மஹிந்திரா அறிமுகம் செய்ய திட்டமிட்டுள்ள 10 மாடல்களில் இவை இரண்டும் முதலாவதாக வருகின்றன.

சீரான வளர்ச்சி

செஞ்சூரோ மூலம் விற்பனையில் அசுர வளர்ச்சியை பதிவு செய்த போதிலும், சீரான வளர்ச்சியை பெறுவதற்காக ஸ்கூட்டர் மார்க்கெட்டிலும் கவனம் செலுத்த இருப்பதாக மஹிந்திரா தெரிவித்துள்ளது.