1 லட்சம் விக்டர் மோட்டார்சைக்கிள்களை விற்பனை செய்து டிவிஎஸ் மோட்டார்ஸ் சாதனை

புதிய விக்டர்...

சென்னையை சேர்ந்த டிவிஎஸ் மோட்டார்ஸ் நிறுவனம் தான், இந்த விக்டர் மோட்டார்சைக்கிளை தயாரித்து வழங்குகிறது. இது அறிமுகம் செய்யப்பட்டு 9 மாதங்கள் ஆகிறது. அதற்குள், இந்நிறுவனம் 1 லட்சம் விக்டர் மோட்டார்சைக்கிள்களை விற்பனை செய்து சாதனை படைத்துள்ளது. இந்த விக்டர் மோட்டார்சைக்கிளின் அறிமுகம் மூலம், இந்நிறுவனத்தின் ஒட்டுமொத்த மோட்டார்சைக்கிள் சந்தை விற்பனை மதிப்பு பங்கு 8% என உயர்ந்துள்ளது.

எதிர்பார்ப்பு;

டிவிஎஸ் மோட்டார்ஸ் நிறுவனம், உள்நாட்டு சந்தைகளில், தங்களின் சந்தை மதிப்பை 10% முதல் 12% வரை உயர்த்த திட்டம் கொண்டுள்ளனர். அடுத்த சில ஆண்டுகளில் இந்த விக்டர் மோட்டார்சைக்கிள், மிகப்பெரிய சந்தை முன்னோடியாக இருக்கும் என எதிர்பார்க்கின்றனர்.

உயர்அதிகாரி கருத்து;

"1 லட்சம் குடும்பங்கள் எங்கள் டிவிஎஸ் மோட்டார்ஸ் நிறுவனத்துடன் இணைந்ததில் மிக்க மகிழ்ச்சி அடைகிறோம். எங்கள் நிறுவனத்துடன் மேலும் பல்வேறு குடும்பங்களை இணைப்பதே எங்களின் குறிக்கோளாக உள்ளது" என டிவிஎஸ் மோட்டார்ஸ் நிறுவனத்தின் உயர் அதிகாரியான அருண் சித்தார்த் தெரிவித்தார்.

இஞ்ஜின்;

டிவிஎஸ் விக்டர், 3 வால்வ் எகோ-த்ரஸ்ட் 109சிசி இஞ்ஜின் கொண்டுள்ளது. இந்த இஞ்ஜின், 9.5 பிஹெச்பியையும், 9.4 என்எம் டார்க்கையும் வெளிப்படுத்தும் திறன் கொண்டுள்ளது.

கியர்பாக்ஸ்;

டிவிஎஸ் விக்டர் மோட்டார்சைக்கிளின் இஞ்ஜின், 4-ஸ்பீட் கியர்பாக்ஸுடன் இணைக்கப்பட்டுள்ளது.

ஃப்யூவல்;

கார்ப்பரேட்டர் சிஸ்டம் மூலம் தான், டிவிஎஸ் விக்டர் மோட்டார்சைக்கிளில் ஃப்யூவல் கடத்தப்படுகிறது.

முக்கிய அம்சங்கள்;

டிவிஎஸ் விக்டர் மோட்டார்சைக்கிள் எலக்ட்ரிக் ஸ்டார்ட் முறையில் ஆன் செய்யப்படுகிறது. இது ஃபிரன்ட் டிஸ்க் பிரேக் கொண்டுள்ளது.

மைலேஜ்;

டிவிஎஸ் விக்டர் மோட்டார்சைக்கிள், கம்யூட்டர் செக்மென்ட் வகையை சேர்ந்ததாக உள்ளது. இது ஸ்டைலான தோற்றம் கொண்டுள்ளதோடு மட்டுமல்லாமல், எரிபொருள் திறன் மிக்கதாகவும் உள்ளது. ஒரு லிட்டருக்கு, இது 76 கிலோமீட்டர் மைலேஜ் வழங்கும் வகையிலான திறன் கொண்டுள்ளது.

கிடைக்கும் நிறங்கள்;

டிவிஎஸ் விக்டர் மோட்டார்சைக்கிள், பிளிஸ்ஃபுல் புளூ, ஜெனெரஸ் கிரே, பிட்டிஃபிக் சில்வர், ரெஸ்ட்ஃபுல் ரெட் மற்றும் பேலன்ஸ்ட் பிளாக் ரெட் ஆகிய வண்ணங்களில் கிடைக்கிறது.

போட்டி;

டிவிஎஸ் விக்டர் மோட்டார்சைக்கிள், ஹீரோ ஸ்பிளென்டர், ஹோண்டா லிவோ மற்றிம் டிரீம் சீரிஸ், பஜாஜ் பிளாட்டினா, சுஸுகி ஹயாதே மற்றும் மஹிந்திரா செஞ்சூரோ ஆகிய மோட்டார்சைக்கிள்களுடன் போட்டி போட வேண்டி உள்ளது.

வேரியன்ட்கள்;

டிவிஎஸ் விக்டர் மோட்டார்சைக்கிள், டிஸ்க் பிரேக் கொண்ட வேரியன்ட் மற்றும் டிரம் பிரேக் கொண்ட வேரியன்ட் என 2 வேரியன்ட்களில் கிடைக்கிறது.

விலை;

டிவிஎஸ் விக்டர் மோட்டார்சைக்கிளின் விலை விவரங்களை தெரிந்து கொள்ளலாம்.

டிவிஎஸ் விக்டர் - டிஸ்க் பிரேக் வேரியன்ட் - 58,500 ரூபாய் (எக்ஸ்-ஷோரூம் டெல்லி)

டிவிஎஸ் விக்டர் - டிரம் பிரேக் வேரியன்ட் - 56,500 ரூபாய் (எக்ஸ்-ஷோரூம் டெல்லி)

பிற சுவாரஸ்யமான செய்திகள்;

பிஎம்டபிள்யூ ரகசிய கார் பாதுகாப்பு மையத்தில் என்னென்ன கார்கள் உள்ளது தெரியுமா?

இந்தியாவிலிருந்து வெளிநாடுகளுக்கான ரயில்களும், ரயில் வழித்தடங்களும்!

இந்திய சாலை நிலைகளுக்கு ஏற்ற சிறந்த சஸ்பென்ஷன் அமைப்புடைய கார்கள்!