இந்தியாவில் விற்பனைக்கு வந்தது புதிய சுஸுகி இனசுமா!

பொதுவான அம்சங்கள்

கட்டுறுதியான ப்ரேம், ஹைட்ராலிக் டிஸ்க் பிரேக், அதிக தரத்துடன் கூடிய கட்டுமானம் ஆகியவை பாதுகாப்பான டிரைவிங் அனுபவத்தை வழங்கும். இதன் வடிவமைப்பும் மற்ற ஸ்போர்ட்ஸ் பைக்குகளிலிருந்து மாறுபட்டிருப்பதால் தனக்கென தனி மார்க்கெட்டை உருவாக்கிக் கொள்ளும் வாய்ப்புள்ளது.

வாம்மா மின்னலு

இனசுமா என்பதற்கு ஜப்பானிய மொழியில் மின்னல் என்று அர்த்தமாம்.

எஞ்சின்

இந்த புதிய பைக்கில் ட்வின் சிலிண்டர் 248சிசி லிக்யூடு கூல்டு எஞ்சின் பொருத்தப்பட்டுள்ளது. 26 பிஎச்பி பவரையும், 24.2 என்எம் டார்க்கையும் அளிக்கும். 6 ஸ்பீடு மேனுவல் டிரான்ஸ்மிஷன் கொண்டது.

பெட்ரோல் டேங்க்

இந்த பைக்கில் 13.3 லிட்டர் கொள்ளளவு கொண்ட பெட்ரோல் டேங்க் பொருத்தப்பட்டுள்ளது. 183 கிலோ எடை கொண்டது.

டிஸ்க் பிரேக்

முன்புறம் மற்றும் பின்புறத்தில் ஹைட்ராலிக் டிஸ்க் பிரேக்குகள் பொருத்தப்பட்டுள்ளதால், கூடுதல் பாதுகாப்பை வழங்கும்.

வண்ணங்கள்

கருப்பு மற்றும் சிவப்பு வண்ணங்களில் கிடைக்கும் என்று தெரிவிக்கப்பட்டுள்ளது.

சஸ்பென்ஷன்

முன்புறத்தில் டெலிஸ்கோப்பிக் சஸ்பென்ஷனும், பின்புறத்தில் காயில்ஸ்பிரிங் சஸ்பென்ஷனும் பொருத்தப்பட்டுள்ளது.

விலை

ரூ.3,10,121 டெல்லி எக்ஸ்ஷோரூம் விலையில் விற்பனைக்கு கொண்டு வரப்பட்டுள்ளது.