மாருதி சுஸுகி எஸ்-க்ராஸ்

மாருதி சுஸுகி எஸ்-க்ராஸ் விமர்சனம்

மாருதி சுஸுகி எஸ்-க்ராஸ் வெளிப்புற மற்றும் உட்புற டிசைன்

மாருதியின் நெக்ஸா பிரிமீயம் ஷோரூம்கள் வாயிலாக அறிமுகம் செய்யப்பட்ட முதல் கார் மாடல் எஸ் க்ராஸ். இந்த கார் பெயருக்கு ஏற்றாற்போல் க்ராஸ்ஓவர் ரக எஸ்யூவி மாடலாக வடிவமைக்கப்பட்டுள்ளது. வலிமையான செங்குத்து க்ரோம் பட்டைகளுடன் கூடிய க்ரில் அமைப்பு இதன் முகப்பின் முத்தாய்ப்பான விஷயமாக காட்டுகிறது. பெரிய ஏர்டேம் அமைப்பு கொடுக்கப்பட்டுள்ளது.

இந்த காரில் எல்இடி பகல்நேர விளக்குகளுடன் புரொஜெக்டர் ஹெட்லைட்டுகள் உள்ளன. 16 அங்குல டியூவல் டோன் டைமண்ட் கட் அலாய் வீல்கள் உள்ளன. பின்புறத்தில் எல்இடி டெயில் லைட்டுகள் வசீகரத்தை கூட்டுகிறது.

மாருதியின் பிரிமீயம் ரக மாடலாக இருப்பதை உட்புறம் காட்டுகிறது. இந்த காரில் முழுவதும் கருப்பு வண்ண இன்டீரியர் தீம் கொடுக்கப்பட்டுள்ளது. இருக்கைகள், கதவு கைப்பிடிகள், ஆர்ம் ரெஸ்ட்டுகள் லெதர் கவர் செய்யப்பட்டுள்ளது. ஏராளமான ஸ்டோரேஜ் வசதிகள் உள்ளன. தலை மற்றும் கால்களுக்கு அதிக இடவசதியை உணர முடிகிறது. மேலும், சாலை பார்ப்பதற்கும் சிறப்பாக இருக்கிறது.

இந்த காரின் பின் இருக்கைகள் மிக சொகுசான அனுபவத்தை தருகின்றன. மூன்று பெரியவர்கள் இதன் பின் இருக்கையில் வசதியாக அமர்ந்து செல்ல முடியும். இந்த காரின் பின் இருக்கையில் ஆர்ம் ரெஸ்ட் உள்ளது.

மாருதி சுஸுகி எஸ்-க்ராஸ் எஞ்சின் மற்றும் செயல்திறன்

மாருதி எர்டிகா எஸ் காரில் 1.3 லிட்டர் டீசல் எஞ்சின் தேர்வு வழங்கப்படுகிறது. இந்தத எஞ்சின் 89 பிஎச்பி பவரையும், 200 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் தேர்வில் மட்டுமே கிடைக்கிறது. இந்த காரில் ஸ்மார்ட் ஹைப்ரிட் தொழில்நுட்பமும் வழங்கப்படுகிறது. ஆரம்ப நிலைகளில் கூடுதல் டார்க் திறனை இதன் மூலமாக பெறமுடியும்.

இதன் ரகத்திலான பிற கார்கள் கூடுதல் சக்திவாய்ந்த எஞ்சின் தேர்வுகளில் கிடைக்கிறது. ஆனால், இந்த 1.3 லிட்டர் டீசல் எஞ்சின் போதுமான செயல்திறனை இந்த காருக்கு வழங்குகிறது. தினசரி பயன்பாட்டிற்கும், அவ்வப்போது நீண்ட தூர பயணத்தையும் இதன் எஞ்சின் சமாளிக்கும்.

இந்த காரின் சஸ்பென்ஷன் சற்று இறுக்கமாக ட்யூனிங் செய்யப்பட்டு இருக்கிறது. எனினும், அதிர்வுகள் குறைவாக இருப்பது ஆறுதல். அதிவேகத்தில் இந்த கார் சிறப்பான ஓட்டுதல் அனுபவத்தை தருகிறது. இதன் எஞ்சின் சீரான செயல்திறனை வெளிப்படுத்துகிறது. ஹைப்ரிட் சிஸ்டம் மூலமாக கூடுதல் டார்க் கிடைப்பது இதன் எஞ்சினுக்கு கூடுதல் பலத்தை தருகிறது.

மாருதி சுஸுகி எஸ்-க்ராஸ் மைலேஜ்

மாருதி எஸ் க்ராஸ் காரில் 48 லிட்டர் கொள்திறன் கொண்ட டீசல் டேங்க் உள்ளது. இந்த கார் லிட்டருக்கு 25.1 கிமீ மைலேஜ் தரும் என்று நிறுவனம் தரப்பில் தெரிவிக்கப்படுகிறது. அதாவது, ஹேட்ச்பேக் கார்களுக்கு இணையான மைலேஜை இந்த பிரம்மாண்ட கார் வழங்கும் என்பது சிறப்பு.

மாருதி சுஸுகி எஸ்-க்ராஸ் முக்கிய அம்சங்கள்

புதிய மாருதி எஸ் க்ராஸ் காரில் ஸ்மார்ட்ப்ளே இன்ஃபோடெயின்மென்ட் சிஸ்டம் உள்ளது. ஆப்பிள் கார் ப்ளே மற்றும் ஆன்ட்ராய்டு ஆட்டோ செயலிகளை சப்போர்ட் செய்யும். இதில், டில்ட் மற்றும் டெலிஸ்கோப்பிக் ஸ்டீயரிங் சிஸ்டம் உள்ளது. புஷ் பட்டன் ஸ்டார்ட், க்ரூஸ் கன்ட்ரோல் சிஸ்டம், பின் இருக்கையில் சாய்மான வசதி உள்ளிட்டவை உள்ளன.

மாருதி எஸ் க்ராஸ் காரில் ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ரிவர்ஸ் பார்க்கிங் சென்சார்கள் மற்றும் கேமரா, இம்மொபைலைசர், செக்யூரிட்டி அலாரம் ஆகிய பாதுகாப்பு அம்சங்கள் உள்ளன.

தீர்ப்பு

கடந்த 2015ம் ஆண்டு அறிமுகம் செய்யப்பட்ட மாருதி எஸ் க்ராஸ் கார் மாருதி எதிர்பார்த்த அளவுக்கு விற்பனையில் சோபிக்கவில்லை. இரண்டு ஆண்டுகள் கழித்து ஃபேஸ்லிஃப்ட மாடல் அறிமுகம் செய்யப்பட்டது. தற்போது இந்த மாடலில் அதிக சிறப்பம்சங்கள் இடம்பெற்றுள்ளன. போதுமான செயல்திறன், அதிக எரிபொருள்  சிக்கனம் போன்றவை இதன் பலமாக உள்ளது. இதன் டிசைன் எல்லோரையும் கவரும் வகையில் இல்லை என்பதே குறை. மற்ற அனைத்து விதத்திலும் சிறந்த தேர்வாக கூறலாம்.