நிஸான் கிக்ஸ்

நிஸான் கிக்ஸ் வெளிப்புற மற்றும் உட்புற டிசைன்

இந்திய காம்பேக்ட் ரக எஸ்யூவி சந்தையில் சிறந்த அம்சங்கள் கொண்ட எஸ்யூவி மாடல்களில் ஒன்றாக நிஸான் கிக்ஸ் எஸ்யூவி இருந்து வருகிறது. ஸ்டைலான தோற்றம், சக்திவாய்ந்த எஞ்சின் தேர்வுகளுடன் கிடைக்கிறது. இந்த எஸ்யூவியில் முகப்பில் புரொஜெக்டர் ஹெட்லைட் க்ளஸ்ட்டர்கல், பகல்நேர விளக்குகள், தனித்துவமான க்ரில் அமைப்பு, ரூஃப் ரெயில்கள் மற்றும் பூமராங் வடிவிலான டெயில் லைட் க்ளஸ்ட்டர்கள் முக்கிய அம்சங்களாக இருக்கின்றன.

நிஸான் கிக்ஸ் எஞ்சின் மற்றும் செயல்திறன்

நிஸான் கிக்ஸ் எஸ்யூவியில் 1.5 லிட்டர் பெட்ரோல் எஞ்சின் மற்றும் 1.3 லிட்டர் டர்போ பெட்ரோல் எஞ்சின் தேர்வுகளில் கிடைக்கிறது. இதன் 1.5 லிட்டர் பெட்ரோல் எஞ்சின் அதிகபட்சமாக 104 பிஎச்பி பவரையும், 142 என்எம் டார்க் திறனையும் வழங்கும். இதன் டர்போ பெட்ரோல் எஞ்சின் 154 பிஎச்பி பவரையும், 254 என்எம் டார்க் திறனையும் வெளிப்படுத்தும். 6 ஸ்பீடு மேனுவல் அல்லது சிவிடி கியர்பாக்ஸ் தேர்வுகளில் கிடைக்கிறது.

நிஸான் கிக்ஸ் மைலேஜ்

நிஸான் கிக்ஸ் எஸ்யூவியின் 1.5 லிட்டர் பெட்ரோல் மேனுவல் மாடல் லிட்டருக்கு 13.9 கிமீ மைலேஜையும், 1.3 லிட்டர் பெட்ரோல் மேனுவல் மாடல் லிட்டருக்கு 15.8 கிமீ மைலேஜையும் வழங்கும் என்று தெரிவிக்கப்படுகிறது. 1.3 லிட்டர் பெட்ரோல் சிவிடி மடாலும் லிட்டருக்கு 15.8 கிமீ மைலேஜை வழங்கும் என்று தெரிவிக்கப்படுகிறது.

நிஸான் கிக்ஸ் முக்கிய அம்சங்கள்

நிஸான் கிக்ஸ் எஸ்யூவியில் 8 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், ஆப்பிள் கார் ப்ளே மற்றும் ஆன்ட்ராய்டு ஆட்டோ செயலிகளை சப்போர்ட் செய்யும் வசதி, க்ரூஸ் கன்ட்ரோல், புஷ் பட்டன் ஸ்டார்ட், கனெக்டெட் கார் தொழில்நுட்பம் உள்ளிட்ட வசதிகளை பெற்றுள்ளது.

இந்த எஸ்யூியில் 4 ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், எலெக்ட்ரானிக் ஸ்டெபிளிட்டி கன்ட்ரோல் உள்ளிட்ட பாதுகாப்பு வசதிகளும் இடம்பெற்றுள்ளன.

நிஸான் கிக்ஸ் தீர்ப்பு

கியா செல்டோஸ், ஹூண்டாய் க்ரெட்டா, ஸ்கோடா குஷாக், ஃபோக்ஸ்வேகன் டைகுன் உள்ளிட்ட கார்களுக்கு நேர் போட்டியான மாடலாக உள்ளது. ஸ்டைலான தோற்றம், செயல்திறன் மிக்க எஞ்சின் தேர்வுகளுடன் போதுமான வசதிகளுடன் தனித்துவமான தேர்வாக இருக்கிறது.