Just In
- 31 min ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 1 hr ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 3 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
- 4 hrs ago இந்தியா மட்டுமல்ல வெளிநாட்டுலயும் இந்த கார்கள் தான் செம ஃபேமஸ்! டாப் 10 லிஸ்ட் இதோ!
Don't Miss!
- Lifestyle இந்த 5 ராசிகளில் பிறந்த பெண்கள் வீட்டையும், நாட்டையும் ஆள்வதற்கு பிறந்தவர்களாம்... உங்க ராசி இதுல இருக்கா?
- News 370 இடங்கள்.. அடித்து சொன்ன மோடி.. டார்கெட் வச்ச பாஜக.. ஆனால் இந்த கணக்கு இடிக்குதே? கவனிச்சீங்களா?
- Movies விபத்துதான் கருங்காலி மாலை அணிய காரணம்.. லோகேஷ் கனகராஜ் சொன்ன தகவல்!
- Technology பொளக்குது ஆர்டர்.. ரூ.7,599 பட்ஜெட்ல 12GB ரேம்.. அல்ட்ரா பிரீமியம் கேமரா லுக்.. 1டிபி மெமரி.. எந்த மாடல்?
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
இன்னோவா, எர்டிகாவை முந்த முடியாமல் தடுமாறும் மஹிந்திரா மராஸ்ஸோ!
கடந்த செப்டம்பர் மாதத்தில் 2,829 மஹிந்திரா மராஸ்ஸோ கார்கள் விற்பனை செய்யப்பட்டுள்ளன. அதேநேரத்தில், 3,926 மாருதி எர்டிகா கார்களும், 6,477 டொயோட்டா இன்னோவா க்ரிஸ்ட்டா கார்களும் விற்பனையாகி இருக்கின்றன.
கடந்த மாதம் விற்பனைக்கு அறிமுகம் செய்யப்பட்ட, புதிய மஹிந்திரா மராஸ்ஸோ கார் முதல் மாதத்தில் சுமாரான விற்பனையை பதிவு செய்துள்ளது. மஹிந்திரா மராஸ்ஸோ காரின் விற்பனை எண்ணிக்கை மற்றும் கூடுதல் தகவல்களை தொடர்ந்து காணலாம்.
டொயோட்டா இன்னோவா க்ரிஸ்ட்டா மற்றும் மாருதி எர்டிகா கார்களின் மார்க்கெட்டை குறிவைத்து புத்தம் புதிய மஹிந்திரா மராஸ்ஸோ 7 சீட்டர் கார் கடந்த மாதம் 3ந் தேதி விற்பனைக்கு அறிமுகம் செய்யப்பட்டது. ரூ.9.99 லட்சம் ஆரம்ப விலையில் வந்ததால், வாடிக்கையாளர்கள் மத்தியில் அதிக வரவேற்பு பெறும் என எதிர்பார்க்கப்பட்டது.
எர்டிகாவை விட சற்று கூடுதல் இடவசதியுடன், இன்னோவா க்ரிஸ்ட்டா காரைவிட குறைவான விலை வித்தியாசத்தில் வந்தது. மேலும், விற்பனைக்கு முன்பே முன்பதிவு துவங்கி இருந்ததால், முதல் மாதத்தில் விற்பனை சிறப்பாக இருக்கும் என்று எதிர்பார்க்கப்பட்டது. ஆனால், எதிர்பார்த்த அளவு முதல் மாத விற்பனை ஆஹோ, ஓஹோ என்று சொல்லிக்கொள்ளும்படி இல்லை.
கடந்த செப்டம்பர் மாதத்தில் 2,829 மஹிந்திரா மராஸ்ஸோ கார்கள் விற்பனை செய்யப்பட்டுள்ளன. அதேநேரத்தில், 3,926 மாருதி எர்டிகா கார்களும், 6,477 டொயோட்டா இன்னோவா க்ரிஸ்ட்டா கார்களும் விற்பனையாகி இருக்கின்றன.
இந்த விற்பனை எண்ணிக்கையின் மூலமாக டொயோட்டா இன்னோவா க்ரிஸ்ட்டா மற்றும் மாருதி எர்டிகா கார்களின் விற்பனை புதிய மஹிந்திரா மராஸ்ஸோ வரவால் கடுகளவும் பாதிக்கப்படவில்லை என்பது தெரிகிறது.
மேலும், நவம்பரில் புதிய மாருதி எர்டிகா கார் அறிமுகம் செய்யப்பட இருக்கும் நிலையிலும், மாருதி எர்டிகா காரின் விற்பனை மிகச் சிறப்பான எண்ணிக்கைய பதிவு செய்துள்ளது. மாதத்திற்கு 4,000 கார்கள் என்ற விற்பனை இலக்குடன் மஹிந்திரா மராஸ்ஸோ கார் அறிமுகம் செய்யப்பட்டது.
ஆனால், முதல் மாதத்திலேயே விற்பனை 3,000 கூட தாண்டவில்லை. மேலும், நாசிக்கில் உள்ள மஹிந்திரா ஆலையில் மாதத்திற்கு 7,000 மராஸ்ஸோ கார்கள் வரை உற்பத்தி செய்யும் திறன் உள்ளது. ஆனால், மஹிந்திரா எதிர்பார்ப்பை புதிய மராஸ்ஸோ பூர்த்தி செய்யவில்லை.
எனினும், மஹிந்திரா மராஸ்ஸோ காரில் பெட்ரோல் எஞ்சின் ஆப்ஷன் மற்றும் ஏஎம்டி கியர்பாக்ஸ் ஆப்ஷன்கள் அறிமுகம் செய்யப்படும்போது, விற்பனை எண்ணிக்கை மாதத்திற்கு 1,000 யூனிட்டுகள் கூடுதலாகும் என்று எதிர்பார்க்கப்படுகிறது.
புதிய மஹிந்திரா மராஸ்ஸோ கார் 1.5 லிட்டர் டீசல் எஞ்சினுடன் 6 ஸ்பீடு மேனுவல் கியர்பாக்ஸ் ஆப்ஷனில் மட்டுமே கிடைக்கிறது. இந்த எஞ்சின் 121 பிஎச்பி பவரையும், 300 என்எம் டார்க் திறனையும் வெளிப்படுத்தும்.
விலை உயர்ந்த வேரியண்டில் ஏராளமான வசதிகளும், பாதுகாப்பு அம்சங்களும் இடம்பெற்றுள்ளன. மேலும், காரை அழகுப்படுத்திக் கொள்வதற்காக விசேஷ ஆக்சஸெரீகளும், பாடி கிட்டுகளும் அறிமுகம் செய்யப்பட்டன. எனினும், முதல் மாத விற்பனை மஹிந்திராவுக்கு ஏமாற்றத்தை தந்துள்ளது.
எனினும், பண்டிகை காலம் துவங்கி இருப்பதால், இந்த மாதத்தில் புதிய மஹிந்திரா மராஸ்ஸோ எம்பிவி காரின் விற்பனை அதிகரிக்கும் என எதிர்பார்க்கலாம். அப்படி இருந்தாலும், நவம்பரில் புதிய மாருதி எர்டிகா கார் வர இருப்பதும், டொயோட்டா இன்னோவா க்ரிஸ்ட்டாவின் வலுவான மார்க்கெட்டை தொட்டு கூட பிடிக்க முடியாத நிலையில்தான் மஹிந்திரா மராஸ்ஸோ இருக்கிறது. பொறுத்திருந்து பார்ப்போம்.