Just In
- 2 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 3 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 3 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 5 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
மலிவான விலையில் டட்சன் ரெடி-கோ லிமிடெட் எடிசன் அறிமுகம்.. பட்ஜெட் வாடிக்கையாளர்கள் ஹேப்பி
புதிய 2018 லிமிடெட் எடிசன் ரெடி-கோ காரை, டட்சன் நிறுவனம் அறிமுகம் செய்துள்ளது. இந்த காரின் விலை, சிறப்பம்சங்கள் உள்ளிட்ட விரிவான தகவல்களை இந்த செய்தியில் பார்க்கலாம்.
புதிய 2018 லிமிடெட் எடிசன் ரெடி-கோ காரை, டட்சன் நிறுவனம் அறிமுகம் செய்துள்ளது. விற்பனையை அதிகரிக்க வேண்டும் என்பதற்காக, பண்டிகை காலத்தை குறி வைத்து களமிறக்கப்பட்டுள்ள இந்த காரின் விலை, சிறப்பம்சங்கள் உள்ளிட்ட விரிவான தகவல்களை இந்த செய்தியில் பார்க்கலாம்.
புதிய 2018 ரெடி-கோ ஹேட்ச்பேக் காரை, டட்சன் நிறுவனம் இந்தியாவில் லான்ச் செய்துள்ளது. லிமிடெட் எடிசன் மாடலாக அறிமுகம் செய்யப்பட்டுள்ள புதிய 2018 ரெடி-கோ கார், 0.8 லிட்டர் பெட்ரோல் மற்றும் 1.0 லிட்டர் பெட்ரோல் என 2 இன்ஜின் ஆப்ஷன்களில் கிடைக்கிறது.
சிறிய 0.8 லிட்டர் வேரியண்ட் 3.58 லட்ச ரூபாய் என்ற விலையிலும், பெரிய 1.0 லிட்டர் வேரியண்ட் 3.85 லட்ச ரூபாய் என்ற விலையிலும் அறிமுகம் செய்யப்பட்டுள்ளன (இரண்டும் டெல்லி எக்ஸ் ஷோரூம் விலை). புதிய 2018 லிமிடெட் எடிசன் ரெடி-கோ காரானது, வெள்ளை, சில்வர், சிகப்பு என 3 வண்ணங்களில் கிடைக்கும்.
நாட்டில் உள்ள அனைத்து நிஸான் மற்றும் டட்சன் டீலர்ஷிப்களில், புதிய 2018 லிமிடெட் எடிசன் ரெடி-கோ கார் தற்போது கிடைக்கிறது. இந்தியாவில் வெகு விரைவில் பண்டிகை காலம் தொடங்கவுள்ளது. எனவே விற்பனையை அதிகரிக்கும் நோக்கில், புதிய 2018 லிமிடெட் எடிசன் ரெடி-கோ அறிமுகம் செய்யப்பட்டுள்ளது.
மாருதி சுஸூகி ஆல்டோ மற்றும் ரெனால்ட் க்விட் உள்ளிட்ட கார்களுக்கு, புதிய 2018 லிமிடெட் எடிசன் ரெடி-கோ கடும் போட்டியை வழங்கும் என எதிர்பார்க்கப்படுகிறது. இந்த காரில், காஸ்மெடிக் அப்கிரேடுகள் மட்டுமே செய்யப்பட்டுள்ளன. மெக்கானிக்கலாக எந்த மாற்றத்தையும் இந்த புதிய மாடல் பெறவில்லை.
புதிய 2018 லிமிடெட் எடிசன் ரெடி-கோ கார் ரூஃப் வ்ராப் (Roof Wrap) உடன் விற்பனைக்கு வந்துள்ளது. காரின் 2 பக்கங்களிலும் பாடி கிராபிக்ஸ் (Body Graphics) செய்யப்பட்டுள்ளது. அத்துடன் முன் மற்றும் பின்பக்க பம்பர்களின் (Bumpers) அன்டர்கவர்களிலும் (undercovers) பாடி கிராபிக்ஸ் இடம்பெற்றுள்ளது.
காரின் உள்பகுதியில் கருப்பு மற்றும் சிகப்பு நிற இருக்கைகள் வழங்கப்பட்டுள்ளன. அத்துடன் ரியர் பார்க்கிங் அஸிஸ்ட் சென்சார் (Rear Parking Assist Sensors), டிஸ்டன்ஸ் டிஸ்ப்ளே டிவைஸ் (Distance Display Device) உள்ளிட்ட வசதிகளும் இடம்பெற்றுள்ளன.
மேலே குறிப்பிட்டுள்ளபடி, 2 இன்ஜின் ஆப்ஷன்களுடன் புதிய 2018 டட்சன் ரெடி-கோ கார் விற்பனைக்கு வந்துள்ளது. இதில் முதலாவது, 799 சிசி பெட்ரோல் இன்ஜின். இந்த இன்ஜின் அதிகபட்சமாக 53 பிஎச்பி பவர் மற்றும் 72 என்எம் டார்க் திறனை உருவாக்கும் வல்லமை வாய்ந்தது.
இரண்டாவது, 999 சிசி பெட்ரோல் இன்ஜின். இந்த இன்ஜின் அதிகபட்சமாக 67 பிஎச்பி பவர் மற்றும் 91 என்எம் டார்க் திறனை வெளிப்படுத்த கூடியது. இந்த இரண்டு இன்ஜின்களும் ஸ்டாண்டர்டாக, 5 ஸ்பீடு மேனுவல் கியர் பாக்ஸ் உடன் இணைக்கப்பட்டுள்ளன.
அதாவது புதிய 2018 லிமிடெட் எடிசன் ரெடி-கோ மேனுவல் வேரியண்ட்களில் மட்டுமே கிடைக்கும். ஏஎம்டி ஆப்ஷன்கள் வழங்கப்படவில்லை. இந்தியாவில் விற்பனை செய்யப்படும் மிகவும் மலிவான விலை கொண்ட கார்களில் ஒன்றாக இது கருதப்படுகிறது.
எனவே பட்ஜெட் விலையில் ஹேட்ச்பேக் கார் எதிர்பார்க்கும் வாடிக்கையாளர்களுக்கு இது நல்ல தேர்வாக இருக்கும். முன்னதாக டட்சன் நிறுவனம் ரெடி-கோ காரை லான்ச் செய்தபோது, மாதத்திற்கு 10 ஆயிரம் யூனிட்கள் விற்பனையாக வேண்டும் என எதிர்பார்த்தது.
ஆனால் அவ்வாறு எதுவும் நடக்கவில்லை. ஒரு மாதத்திற்கு ஒட்டுமொத்தமாகவே 2,500-3,000 கார்கள் மட்டுமே விற்பனையானது. ஆனால் தற்போது பண்டிகை காலத்திற்கு முன்னதாக லான்ச் செய்யப்பட்டுள்ள புதிய 2018 லிமிடெட் எடிசன் ரெடி-கோ மாடல் மூலமாக, விற்பனை அதிகரிக்கும் என எதிர்பார்க்கப்படுகிறது.
இதனிடையே டட்சன் நிறுவனம் தங்களது அனைத்து கார்களையும், வரும் மாதங்களில் அப்டேட் செய்யவுள்ளது. இதன்படி டட்சன் கோ மற்றும் கோ ப்ளஸ் (Go+) ஃபேஸ்லிஃப்ட் அடுத்த மாதம் லான்ச் ஆகலாம் என எதிர்பார்க்கப்படுகிறது. அதே நேரத்தில், ரெடி-கோ ஃபேஸ்லிஃப்ட் 2019ம் ஆண்டில்தான் லான்ச் ஆகும்.
{document1}