Just In
- 1 hr ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 2 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 3 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 3 hrs ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
Don't Miss!
- News மதுரை சித்திரை திருவிழா சனாதன பெருவிழா.. பாஜக பொதுச் செயலாளர் ராம ஸ்ரீனிவாசன் ஒரே போடு
- Technology Dish TV டிடிஎச் சேவையில் திடீர் மாற்றம்.. ரூ.200-ஐ ரெடியா வச்சிக்கோங்க.. இனி எல்லாமே இந்த Smart Plus தான்!
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Lifestyle உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
- Movies Gnanavel Raja: தயாரிப்பாளர் ஞானவேல் ராஜா வீட்டு பணிப்பெண் தற்கொலை முயற்சி.. என்ன காரணம்?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
2018 மெர்சிடிஸ் ஏஎம்ஜி ஜி63 எஸ்யூவி இந்தியாவில் விற்பனைக்கு அறிமுகம்!!
மெர்சிடிஸ் ஏஎம்ஜி ஜி63 எஸ்யூவியின் மேம்படுத்தப்பட்ட மாடல் இன்று இந்தியாவில் விற்பனைக்கு வந்துள்ளது. வடிவமைப்பில் மாற்றங்கள் செய்யப்பட்டுள்ளன.
2018 மெர்சிடிஸ் ஏஎம்ஜி ஜி63 எஸ்யூவி இந்தியாவில் விற்பனைக்கு அறிமுகம் செய்யப்பட்டு இருக்கிறது. இந்த புதிய சொகுசு ரக எஸ்யூவியின் சிறப்பம்சங்கள் மற்றும் விலை விபரங்களை இந்த செய்தியில் காணலாம்.
மெர்சிடிஸ் பென்ஸ் ஜி கிளாஸ் எஸ்யூவியின் சக்திவாய்ந்த மாடலாக மெர்சிடிஸ் ஏஎம்ஜி ஜி63 விற்பனை செய்யப்படுகிறது. இந்த நிலையில், சந்தைப் போட்டியை மனதில் வைத்து மெர்சிடிஸ் ஏஎம்ஜி ஜி63 எஸ்யூவியில் ஏராளமான கூடுதல் அம்சங்களுடன் மேம்படுத்தப்பட்டு இருக்கிறது. இந்த புதிய மாடல் இன்று இந்தியாவில் அறிமுகமாகி இருக்கிறது.
வடிவமைப்பில் மாற்றங்கள் செய்யப்பட்டு மிக நேர்த்தியான தோற்றத்தை பெற்றிருக்கிறது. செங்குத்தாக அமையப்பெற்ற சிறிய சட்டங்களுடன் கூடிய வலிமையான க்ரில் அமைப்பானது முகப்பை அலங்கரிக்கிறது. பளபளப்பு மிகுந்த இந்த கருப்பு வண்ண க்ரில் அமைப்பை பான் அமெரிக்கா க்ரில் அமைப்பை மிக உயரிய கார்களில் மெர்சிடிஸ் பென்ஸ் பயன்படுத்துகிறது. அதற்கு இணையான பம்பர் மற்றும் ஸ்கிட் பிளேட் ஆகியவையும் சிறப்பு சேர்க்கிறது.
முழுவதுமான எல்இடி விளக்குகள் கொண்ட வட்ட வடிவி ஹெட்லைட்டுகள், பானட்டில் இண்டிகேட்டர் விளக்குகள் முகப்பை எடுப்பாக காட்டுகிறது. பக்கவாட்டில் கொடுக்கப்பட்டு இருக்கும் மடிப்பு போன்ற டிசைனும் பழைய எஸ்யூவி மாடல்களின் பாரம்பரியத்தை பரைசாற்றும் விஷயம். சைடு பீடிங் சட்டங்கள், பிரம்மாண்ட வீல் ஆர்ச்சுகள் ஆகியவை இந்த காரின் வசீகரத்தை கூட்டுகின்றன.
ஜி கிளாஸ் மாடல்களின் பாரம்பரிய அட்டைப்பெட்டி வடிவ அமைப்பு இந்த எஸ்யூவியிலும் தொடர்ந்து பின்பற்றப்பட்டு இருப்பதால், பின்புறம் சதுர வடிவத்தில் எளிமையாக காட்சி அளிக்கிறது. ஸ்பேர் வீல் பின்புற கதவில் பொருத்தப்பட்டு இருப்பதால் எஸ்யூவி மாடலுக்குரிய அந்தஸ்தை எளிதாக பெறுகிறது. எல்இடி டெயில் லைட்டுகள் பம்பருக்கு மேலே மிக தாழ்வாக கொடுக்கப்பட்டு இருக்கிறது.
மேலும், ஓர் முழுமையான ஆஃப்ரோடு மாடலுக்கு உரிய 241 மிமீ கிரவுண்ட் கிளியரன்ஸ், ஸ்கிட் பிளேட் உள்ளிட்ட விஷயங்களை பெற்றிருக்கிறது. புதிய மெர்சிடிஸ் ஏஎம்ஜி ஜி63 எஸ்யூவியில் 21 அங்குல விட்டமுடைய பிரம்மாண்ட அலாய் சக்கரங்கள், காரின் பக்கவாட்டில் கொடுக்கப்பட்டு இருக்கும் இரட்டை சைலென்சர்கள் ஆகியவை முத்தாய்ப்பான அம்சங்கள்.
உட்புறத்தில் உயர்தர லெதர் இருக்கைகள், கார்பன் ஃபைபர் மற்றும் ஸ்டீல் ஆகியவற்றிலான உயர்தர பாகங்கள் மூலமாக இன்டீரியர் வேலைப்பாடு மிக தரமாக செய்யப்பட்டு இருக்கிறது. இந்த காரில் 12.3 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் டேஷ்போர்டில் நடுநாயகமாக அமர்ந்து இதன் உட்புற அந்தஸ்தை உயர்த்துகிறது.
அதனைத்தொடர்ந்து, அகலமான மின்னணு திரையுடன் கூடிய இன்ஸ்ட்ரூமென்ட் க்ளஸ்ட்டரும் இந்த காரின் மிக முக்கிய அம்சம். காரின் இயக்கம் குறித்த பல்வேறு தகவல்களை இதில் பெற முடியும். புதிய மெர்சிடிஸ் பென்ஸ் மாடல்களில் இந்த டிஜிட்டல் இன்ஸ்ட்ரூமென்ட் க்ளஸ்ட்டர் பயன்படுத்தப்படுகிறது. விமான விசிறிகள் போன்ற ஏசி வென்ட்டுகள் இந்த காரின் பாரம்பரியத்தை உணர்த்தும் விஷயம்.
புதிய மெர்சிடிஸ் ஏஎம்ஜி ஜி63 எஸ்யூவியில் இரட்டை டர்போசார்ஜர்கள் துணையுடன் இயங்கும் 4.0 லிட்டர் வி8 எஞ்சின் பொருத்தப்பட்டு இருக்கிறது. இந்த எஞ்சின் அதிகபட்சமாக 585 பிஎச்பி பவரையும், 850 என்எம் டார்க் திறனையும் வாரி வழங்க வல்லது.
இந்த சக்திவாய்ந்த எஞ்சினின் சக்தியை சிந்தாமல், சிதறாமல் சக்கரங்களுக்கு எடுத்துச் செல்வதற்காக மெர்சிடிஸ் பென்ஸ் நிறுவனத்தின் நவீன வகை 9 ஸ்பீடு ஆட்டோமேட்டிக் கியர்பாக்ஸ் இணைக்கப்பட்டு இருக்கிறது. மற்றொரு முக்கிய விஷயம், ஆஃப்ரோடு சாகசங்களுக்கு துணை நிற்கும் 4 மேட்டிக் ஆல் வீல் டிரைவ் சிஸ்டமும் உண்டு.
ஆஃப்ரோடில் இயக்குவதற்கான தொழில்நுட்ப அம்சங்கள் நிறைந்த இந்த எஸ்யூவி சாதாரண சாலைகளிலும் சிறப்பான செயல்திறனை வெளிப்படுத்தும். இந்த பிரம்மாண்ட எஸ்யூவி 0 - 100 கிமீ வேகத்தை 4.4 வினாடிகளில் தொட்டு அசரடிக்கும் வல்லமை பொருந்தியது. அதேபோன்று, மணிக்கு 220 கிமீ வேகம் வரை செல்லும் திறன் வாய்ந்தது. எனவே, சாதாரண சாலைகளிலும் பின்னி பெடலெடுக்கும்.
மெர்சிடிஸ் பென்ஸ் நிறுவனத்தின் ஜி - வேகன் வரிசையில் இந்தியாவில் விற்பனைக்கு கிடைக்கும் ஒரே மாடல் இதுதான் என்பது குறிப்பிடத்தக்கது. இறக்குமதி செய்து விற்பனை செய்யப்பட இருக்கிறது. ரூ.2.19 கோடி எக்ஸ்ஷோரூம் விலையாக நிர்ணயிக்கப்பட்டு இருக்கிறது. ரேஞ்ச்ரோவருக்கு போட்டியாக இருக்கும்.