இதுதான் டாடா எச்5எக்ஸ் எஸ்யூவியின் புதிய பெயர்?

டாடா எச்5எக்ஸ் கான்செப்ட்டின் அடிப்படையில் உருவாகும் புதிய எஸ்யூவியின் தயாரிப்பு நிலை மாடலுக்கான பெயர் விபரம் கசிந்துள்ளது. டாடா ஹாரியர் என்ற பெயரில் இந்த புதிய எஸ்யூவி விற்பனைக்கு வர இருப்பதாக தகவல்க

By Saravana Rajan

டாடா எச்5எக்ஸ் கான்செப்ட்டின் அடிப்படையில் உருவாகும் புதிய எஸ்யூவியின் தயாரிப்பு நிலை மாடலுக்கான பெயர் விபரம் கசிந்துள்ளது. கூடுதல் விபரங்களை இந்த செய்தியில் காணலாம்.

இதுதான் டாடா எச்5எக்ஸ் எஸ்யூவியின் புதிய பெயர்?

கடந்த பிப்ரவரி மாதம் நடந்தத டெல்லி ஆட்டோ எக்ஸ்போவில் எச்5எக்ஸ் என்ற பெயரில் புதிய எஸ்யூவி காரின் மாதிரி மாடலை டாடா மோட்டார்ஸ் காட்சிப்படுத்தி இருந்தது. இந்த எஸ்யூவியின் டிசைன் மிகச் சிறப்பாக இருந்ததால், பார்வையாளர்களை வெகுவாக கவர்ந்தது.

இதுதான் டாடா எச்5எக்ஸ் எஸ்யூவியின் புதிய பெயர்?

மேலும், இந்த புதிய கான்செப்ட் மாடலானது தயாரிப்பு நிலைக்கு உகந்த பல்வேறு அம்சங்களை பெற்றிருந்ததால், விரைவில் அறிமுகமாகும் வாய்ப்புகள் இருந்து வருகின்றன. இந்த நிலையில், இந்த புதிய எஸ்யூவியின் தயாரிப்பு நிலை மாடல் டாடா ஹாரியர் என்ற பெயரில் விற்பனைக்கு அறிமுகம் செய்யப்பட இருப்பதாக ஆட்டோமொபைல் துறை வட்டாரத் தகவல்கள் தெரிவிக்கின்றன.

இதுதான் டாடா எச்5எக்ஸ் எஸ்யூவியின் புதிய பெயர்?

நவீன தொழில்நுட்ப அம்சங்களுடன் புதிய டிசைன் கொள்கையில் இந்த புதிய எஸ்யூவி வடிவமைக்கப்பட்டு இருக்கிறது. டாடா மோட்டார்ஸ் கீழ் செயல்படும் லேண்ட்ரோவர் நிறுவனத்தின் டிஸ்கவரி எஸ்யூவியின் பிளாட்ஃபார்மின் அடிப்படையில் உருவாக்கப்பட்டிருப்பதுடன், பல டிசன் அம்சங்களும் பயன்படுத்தப்பட்டுள்ளன.

இதுதான் டாடா எச்5எக்ஸ் எஸ்யூவியின் புதிய பெயர்?

இந்த புதிய எஸ்யூவியில் ஃபியட் நிறுவனத்தின் புதிய 2.0 லிட்டர் டீசல் எஞ்சின் பயன்படுத்தப்பட இருக்கிறது. இதே எஞ்சின்தான் ஜீப் காம்பஸ் எஸ்யூவியிலும் பயன்படுத்தப்படுகிறது. எனினும், எஞ்சின் திறன் குறித்த தொழில்நுட்ப விபரங்கள் இதுவரை வெளியாகவில்லை.

இதுதான் டாடா எச்5எக்ஸ் எஸ்யூவியின் புதிய பெயர்?

புதிய டாடா எச்5எக்ஸ் எஸ்யூவியானது ஜீப் காம்பஸ் மற்றும் ஹூண்டாய் க்ரெட்டா எஸ்யூவி மாடல்களுடன் போட்டி போடும் ரகத்தில் வருகிறது. மேலும், இந்த புதிய எஸ்யூவி முதலில் 5 சீட்டர் மாடலிலும், பின்னர் 7 சீட்டர் மாடலிலும் விற்பனைக்கு அறிமுகம் செய்யப்பட இருக்கிறது.

இதுதான் டாடா எச்5எக்ஸ் எஸ்யூவியின் புதிய பெயர்?

உட்புறத்தில் மிக நவீன தொழில்நுட்ப வசதிகள் இடம்பெற்றிருக்கும். வழக்கம்போல் டாடா கார்களுக்கு உரித்தான அதிக உட்புற இடவசதியை பெற்றிருப்பதால், போட்டியாளர்களைவிட சிறந்த தேர்வாக அமையும் என்று எதிர்பார்க்கலாம்.

இதுதான் டாடா எச்5எக்ஸ் எஸ்யூவியின் புதிய பெயர்?

ரூ.12 லட்சம் எக்ஸ்ஷோரூம் ஆரம்ப விலையில் இந்த புதிய எஸ்யூவி மாடல் விற்பனைக்கு எதிர்பார்க்கப்படுகிறது. போட்டியாளர்களைவிட சிறந்த அம்சங்களுடன் சவாலான விலையிலும் இந்த புதிய எஸ்யூவி விற்பனைக்கு வரும் என்று எதிர்பார்க்கப்படுகிறது.

Source: Autocarindia

Most Read Articles
English summary
Tata H5X To Be Called Harrier.
Story first published: Monday, July 9, 2018, 10:56 [IST]
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X