Just In
- just now மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 22 min ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
- 1 hr ago அரபு நாடுகளின் பொழப்பில் மண்ணை அள்ளி போட்ட டாடா... ஒட்டுமொத்த உலகமும் இந்தியாவை உத்து பாக்குது...
- 2 hrs ago மோடியின் பாதுகாப்புக்கு செல்லும் இந்த டீசல் காரை இனி பயன்படுத்த கூடாது! வெளியான புதிய உத்தரவு
Don't Miss!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- News நடுவானில் பெங்களூர் விமானத்தை நெருங்கிய எமிரேட்ஸ் விமானம்.. மிக பெரிய விபத்து தவிர்ப்பு! பகீர்
- Movies Pandian stores 2: இப்படியே திரும்பிப் பார்க்காம ஓடிடனும் போல இருக்கு.. சரவணன் சொன்ன விஷயம்!
- Finance தங்கம் விலை மீண்டும் உயர்வு.. இனி இதுதான் நிரந்தரமா? சாமானிய மக்களால் தங்கத்தை வாங்கவே முடியாதா..?
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Technology மீண்டும் மீண்டுமா.. 50MP கேமரா.. 100W சார்ஜிங்.. புதிய போனை கொண்டுவரும் OnePlus.. எந்த மாடல்?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
2வது சுற்றிலும் மிரட்டும் எம்ஜி ஹெக்டர்... வெறும் பத்தே நாட்களில் குவிந்த புக்கிங் எவ்வளவு தெரியுமா?
2வது சுற்றிலும் எம்ஜி ஹெக்டர் கார் முன்பதிவுகளை வாரி குவித்து வருகிறது. இதுகுறித்த விரிவான தகவல்களை இந்த செய்தியில் பார்க்கலாம்.
இந்தியாவின் முதல் இன்டர்நெட் கார் என்ற பெருமையுடன் கடந்த ஜூன் 27ம் தேதியன்று எம்ஜி ஹெக்டர் கார் விற்பனைக்கு அறிமுகம் செய்யப்பட்டது. இங்கிலாந்தை சேர்ந்த எம்ஜி நிறுவனம் இந்திய மார்க்கெட்டில் விற்பனைக்கு அறிமுகம் செய்துள்ள முதல் கார் இதுதான். மிக சவாலான விலை நிர்ணயம், ஏராளமான வசதிகள் உள்ளிட்ட காரணங்களால் எம்ஜி ஹெக்டர் கார் நல்ல வரவேற்பை பெற்றுள்ளது.
வாடிக்கையாளர்கள் போட்டி போட்டு கொண்டு முன்பதிவு செய்த காரணத்தால், இடையில் ஹெக்டர் காரின் புக்கிங்கை எம்ஜி நிறுவனம் தற்காலிகமாக நிறுத்தியது. முதல் சுற்று முன்பதிவு நிறுத்தப்பட்ட சமயத்தில் 28 ஆயிரம் புக்கிங்குகளை எம்ஜி ஹெக்டர் கார் வாரி குவித்திருந்தது. இதன்பின் சமீபத்தில் அதன் 2வது சுற்று புக்கிங் மீண்டும் தொடங்கியது.
புதிய கியா செல்டோஸ், டாடா ஹாரியரின் மேம்படுத்தப்பட்ட வெர்ஷன்களின் அறிமுகம் காரணமாக எம்ஜி ஹெக்டர் காருக்கு இனி பெரிய அளவில் முன்பதிவு குவியாது என எதிர்பார்க்கப்பட்டது. இதுபோதாதென்று எம்ஜி ஹெக்டர் காருக்கான காத்திருப்பு காலம் மிக அதிகம். மேலும் எம்ஜி ஹெக்டர் காரின் விலை வேறு 40,000 ரூபாய் வரை உயர்த்தப்பட்டுள்ளது.
இவை அனைத்தையும் வைத்து பார்க்கையில், 2வது சுற்றில் எம்ஜி ஹெக்டர் கார் முன்பதிவுகளை குவிக்குமா? என்ற சந்தேகம் எழுந்தது. ஆனால் இந்த தடைகள் அனைத்தையும் கடந்து 2வது சுற்றிலும் முன்பதிவுகளை வாரி குவித்து கொண்டுள்ளது எம்ஜி ஹெக்டர் கார். எம்ஜி ஹெக்டர் காருக்கான டிமாண்ட் சரியவில்லை என்பது இதன் மூலம் தெளிவாக தெரிகிறது.
2வது சுற்று முன்பதிவு தொடங்கிய வெறும் பத்தே நாட்களில் 8 ஆயிரத்திற்கும் அதிகமான முன்பதிவுகளை எம்ஜி ஹெக்டர் கார் பெற்றுள்ளது. ஏற்கனவே வந்திருந்த 28 ஆயிரம் முன்பதிவுகள் மற்றும் 2வது சுற்றின் முதல் 10 நாட்களில் வந்த 8 ஆயிரத்திற்கும் அதிகமான முன்பதிவுகள் என தற்போது மொத்தம் 36 ஆயிரத்திற்கும் அதிகமான முன்பதிவுகள் எம்ஜி ஹெக்டர் காருக்கு குவிந்துள்ளன.
இதில், 6 ஆயிரம் பேருக்கு எம்ஜி நிறுவனம் ஹெக்டர் கார்களை ஏற்கனவே டெலிவரி செய்துள்ளது. அதாவது 30 ஆயிரம் வாடிக்கையாளர்கள் இன்னும் டெலிவரிக்காக காத்து கொண்டுள்ளனர். தற்போது எம்ஜி ஹெக்டர் காரின் உற்பத்தி ஒரு மாதத்திற்கு 3 ஆயிரம் யூனிட்களாக அதிகரிக்கப்பட்டுள்ளது. என்றாலும் தற்போது புக்கிங் செய்துள்ள வாடிக்கையாளர்கள் டெலிவரிக்கு 10 மாதங்கள் காத்திருக்க வேண்டும்.
இது சாத்தியமுள்ள காத்திருப்பு காலமாக கூறப்படுகிறது. எம்ஜி ஹெக்டர் காரில் 143 எச்பி பவரை உருவாக்க கூடிய 1.5 லிட்டர் பெட்ரோல் இன்ஜின் மற்றும் 170 எச்பி பவரை உருவாக்க கூடிய 2.0 லிட்டர் டீசல் இன்ஜின் ஆப்ஷன்கள் கிடைக்கின்றன. அதே சமயம் பெட்ரோல் இன்ஜின் 48V மைல்டு ஹைப்ரிட் ஆப்ஷனையும் பெற்றுள்ளது.
ஸ்டாண்டர்டு மாடல்களுடன் ஒப்பிடுகையில் இது எரிபொருள் சிக்கனத்தில் 12 சதவீதம் சிறந்து விளங்கும். எம்ஜி நிறுவனம் அடுத்ததாக புதிய இஸட்எஸ் எலெக்ட்ரிக் எஸ்யூவி காரை இந்தியாவில் விற்பனைக்கு அறிமுகம் செய்யவுள்ளது. 20 லட்ச ரூபாய் என்ற எக்ஸ் ஷோரூம் விலையில் எம்ஜி இஸட்எஸ் கார் எதிர்பார்க்கப்படுகிறது. ஹூண்டாய் கோனா எலெக்ட்ரிக் எஸ்யூவி காருடன் இது போட்டியிடும்.