Just In
- 15 min ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 55 min ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 3 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
- 4 hrs ago இந்தியா மட்டுமல்ல வெளிநாட்டுலயும் இந்த கார்கள் தான் செம ஃபேமஸ்! டாப் 10 லிஸ்ட் இதோ!
Don't Miss!
- Technology பொளக்குது ஆர்டர்.. ரூ.7,599 பட்ஜெட்ல 12GB ரேம்.. அல்ட்ரா பிரீமியம் கேமரா லுக்.. 1டிபி மெமரி.. எந்த மாடல்?
- Movies Blue Sattai Maran: ஆடு ஜீவிதம் படத்தில் இதுதான் பெரிய குறை.. ப்ளூ சட்டை மாறன் கொடுத்த விமர்சனம்!
- News பில் கேட்ஸுக்கு தூத்துக்குடி முத்துகளை பரிசளித்த மோடி.. கையில் உள்ள மற்றொரு கிப்ட் என்ன பாருங்க
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Lifestyle சாணக்கிய நீதி படி ஒருவர் நூறு வயசுவரைக்கும் ஆரோக்கியமா வாழ இந்த விஷயங்களை பாலோ பண்ணுனா போதுமாம்...!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
எம்ஜி ஹெக்டர் காரை வாங்கிய பழம் பெரும் நடிகை... யார் என தெரிஞ்சா ஆச்சரியப்படுவீங்க!
கடந்த சில மாதங்களுக்கு முன்பு இந்தியாவில் களமிறங்கி புக்கிங்கில் தற்போது இமாலய அளவில் வெற்றி நடைப் போட்டுக்கொண்டிருக்கும் எம்ஜி ஹெக்டர் கார், பிரபல பழம்பெரும் நடிகைக்கு டெலிவரி செய்யப்பட்டிருப்பதாக தகவல் வெளியாகியுள்ளது. இதுகுறித்த கூடுதல் தகவலை இந்த பதிவில் காணலாம்.
இங்கிலாந்து நாட்டைச் சேர்ந்த எம்ஜி நிறுவனம் இந்தியாவில் கால் தடம் பதிக்கும் விதமாக, அதன் ஹெக்டர் என்ற நடுத்தர அளவுடைய எஸ்யூவி ரக காரை கடந்த ஜூன் மாதம் 27ம் தேதி விற்பனைக்கு அறிமுகம் செய்தது. இந்நிறுவனம், இந்தியாவில் அறிமுகம் செய்த முதல் கார் இதுவே ஆகும்.
ரூ. 12.18 லட்சம் என்ற ஆரம்ப விலையில் களமிறங்கிய இந்த கார் பல்வேறு நவீன மற்றும் சொகுசு வசதிகளை உள்ளடக்கியதாக காணப்படுகின்றது.
இதனால், எம்ஜி மோட்டார் நிறுவனம் எதிர்பாராத இமலாய அளவிலான வரவேற்பினை அது இந்தியாவில் பெற்று வருகின்றது. தொடர்ந்து, அந்நிறுவனமே திக்குமுக்காடி போகின்ற வகையில் புக்கிங் குவிந்த வண்ணம் இருந்தது. இதனால், தற்காலிகமாக ஹெக்டர் காருக்கான புக்கிங்கை அந்நிறுவனம் நிறுத்தி வைத்தது.
தொடர்ந்து, முன்பதிவு செய்த வாடிக்கையாளர்களுக்கு டெலிவரி செய்யும் பணியில் தீவிரம் காட்டப்பட்டு வருகின்றது.
இந்நிலையில், பிரபல பாலிவுட் திரைப்பட நடிகையும், தற்போதைய உத்தரபிரதேச மாநிலம், மதுரா தொகுதியின் பாஜக எம்பியுமான ஹேம மாலினிக்கு, எம்ஜி ஹெக்டர் கார் டெலிவரி செய்திருப்பதாக தகவல் வெளியாகியுள்ளது.
ஹேம மாலினி 70's மற்றும் 80's காலகட்டத்தில் இந்திய இளைஞர்களின் கனவு கன்னியாக இருந்தவர். இவர் எம்ஜி ஹெக்டர் காரை வாங்கியிருப்பது அந்நிறுவனத்திற்கு மேலும் சிறப்பு சேர்க்கும் வகையில் அமைந்துள்ளது.
ஏற்கனவே, எம்ஜி ஹெக்டர் நிறுவனத்திற்கு இமாலய அளவில் வரவேற்பு கிடைத்து வருகின்றது. இதன்காரணமாக, போட்டி நிறுவனங்கள் வாயடைத்து நின்றிருக்கின்றன.
இந்நிலையில், எம்ஜி நிறுவனம் ஹெக்டர் காருக்கான இரண்டாம் கட்ட முன் பதிவை அண்மையில் தொடங்கியது. மேலும், புக்கிங் செய்யும் வாடிக்கையாளர்களுக்கு உடனடியாக கார்களை டெலிவரி செய்யும் விதமாக உற்பத்தியளவையும் அதிகரித்துள்ளது.
எம்ஜி ஹெக்டர் நிறுவனத்தின் உற்பத்தி ஆலை மாதம் ஒன்றிற்கு 1,500 யூனிட்டுகளை மட்டுமே தயார் செய்யும் கொள்ளளவைக் கொண்டதாக இருந்தது. இதன்காரணமாகவே, புக்கிங் ஏராளாமாக குவிந்தபோது, திடீரென புக்கிங்கை தற்காலிகமாக நிறுத்தியது.
தொடர்ந்து, உற்பத்தியை மாதம் ஒன்றிற்கு 3 ஆயிரமாக உயர்த்த அந்நிறுவனம் முடிவு செய்தது. இதையடுத்தே கடந்த செப்டம்பர் மாதம் 29ம் தேதி இரண்டாம் கட்ட புக்கிங் மீண்டும் தொடங்கியது. இம்முறை புக்கிங்கிற்காக ரூ. 50 ஆயிரம் வசூலிக்கப்படுகின்றது.
ஆனால், இம்முறை வாடிக்கையாளர்களை கூடுதல் அதிர்ச்சி செய்தியை ஒன்றையும் வெளியிட்டது. அந்தவகையில், அதன் ரசிகர்களை உறைய வைக்கும் வகையில் ஹெக்டர் காரின் விலையை 2.5 சதவீதம் உயர்த்தியது. இதனால், சுமார் 42 ஆயிரம் ரூபாய் வரை அந்த காரின் விலை அதிகரித்துள்ளது.
போட்டி நிறுவனங்கள் தங்கள் கார்களுக்கு மிகப்பெரிய தள்ளுபடிகளை வழங்கி கொண்டிருக்கும் நேரத்தில், எம்ஜி ஹெக்டர் காரின் இந்த விலை உயர்வு அதன் ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது.
எம்ஜி ஹெக்டர் கார் விற்பனைக்கு அறிமுகம் செய்யப்பட்ட 22 நாட்களிலியே 28 ஆயிரம் யூனிட்டுகளுக்கான புக்கிங் நிறவடைந்தது குறிப்பிடத்தகுந்து. இந்த காரணத்தினாலயே இந்த துணிச்சலான நடவடிக்கையில் அது இறங்கியுள்ளது.
எம்ஜி ஹெக்டருக்கு போட்டியாக இந்தியாவில் டாடா ஹாரியர், ஜீப் காம்பஸ் மற்றும் மஹிந்திரா எக்ஸ்யூவி500 உள்ளிட்ட கார்கள் இருக்கின்றன.
இருப்பினும், போட்டி கார்களுக்கு அதிகளவு டஃப் கொடுக்கும் வகையில் தொழில்நுட்பம் மற்றும் சிறப்பம்சங்களில் வல்லவனாக ஹெக்டர் காட்சியளிக்கின்றது.
அந்தவகையில், ஹெக்டர் எஸ்யூவி ரக காரில் 10.4 இன்சிலான இன்ஃபோடெயின்மெண்ட் சிஸ்டம் இணைக்கப்பட்டுள்ளது. இதில், இ-சிம் கார்டைப் பொருத்தி இன்டர்நெட் சேவையை நேரடியாகப் பெற்றுக் கொள்ள முடியும். இதனால், ஹெக்டருடன் எப்போதும் இணைப்பில் இருக்க முடிகின்றது.
அதுமட்டுமின்றி, கூடுதல் சொகுசு மற்றும் சிறப்பு வசதியாக பனோரமிக் சன்ரூஃப், ஹீடட் ஓஆர்விஎம்கள், மழை பெய்தால் தானாக இயங்கும் வைப்பர்கள், எலக்ட்ரானிக்க முறையில் அடைக்கக்கூடிய டெயில்கேட், 360 டிகிரி பார்வை திறன் கொண்ட கேமிரா, 8 நிறங்கள் கொண்ட ஆம்பிசியன்ட் லைட் மற்றும் ரெக்லிங் வசதி கொண்ட பின்னிருக்கை உள்ளிட்ட பல்வேறு பரிமியம் வசதிகள் வழங்கப்பட்டுள்ளன.
மேலும், பாதுகாப்பு வசதியாக இபிடியுடன் கூடிய ஏபிஎஸ், ரிவர்ஸ் பார்க்கிங் சென்சார், சோர்வு நினைவூட்டல், எலக்ட்ரானிக் ஸ்டேபிளிட்டி கன்ட்ரோல், டிராக்சன் கன்ட்ரோல் மற்றும் ஹில் ஹோல்ட் கன்ட்ரோல் ஆகிய வசதிகளும் இதில் இணைக்கப்பட்டுள்ளன. இத்துடன் ஆறு ஏர் பேக்குகளும் வழங்கப்பட்டுள்ளது.