Just In
- 1 hr ago என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
- 6 hrs ago ஸ்விஃப்ட் காரை வாங்க ஆள் இல்லனு நெனைக்கறவங்க வேடிக்கைய மட்டும் பாருங்க... சபதம் எடுத்த மாருதி சுஸுகி...
- 6 hrs ago சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
- 7 hrs ago குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
Don't Miss!
- Lifestyle Today Rasi Palan 18 April 2024: இன்று இந்த ராசிக்காரர்கள் கடன் வாங்குவதைத் தவிர்ப்பது நல்லது...
- News ‛‛இளையராஜா எல்லோருக்கும் மோலானவர்கள் இல்லை’’.. பாடல் காப்புரிமை வழக்கில் சென்னை ஹைகோர்ட் கருத்து
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Movies அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
பொருளாதார மந்த நிலையிலும் ஹோண்டா சிவிக் காருக்கு இப்படியொரு வரவேற்பா!
ஹோண்டா கார் இந்தியா நிறுவனத்தின் செடான் பிரிவில் உள்ள சிவிக் மாடல் கடந்த அக்டோபரை விட இந்த அக்டோபரில் 30 சதவீதம் கூடுதலாக விற்பனையாகியுள்ளது. இதுகுறித்த விரிவான தகவல்களை இந்த செய்தியில் காண்போம்.
2018 அக்டோபரில் 336 யூனிட்கள் விற்பனையாகி இருந்த இந்த சிவிக் மாடல் கடந்த மாதத்தில் 30 சதவீதம் கூடுதலாக 436 யூனிட்கள் விற்பனையாகியுள்ளது. இந்த செடான் பிரிவில் ஹோண்டா சிவிக்கின் 2019 அக்டோபர் மாதத்திற்கான மார்க்கெட் ஷேர் 53 சதவீதமாகும்.
கடந்த மார்ச் மாதத்தில் சிவிக் மாடலின் புதிய வெர்சன் கார் அறிமுகப்படுத்தப்பட்டது. இதன் அறிமுகத்தில் இருந்து கடந்த மாதம் வரை மொத்தம் 4,375 யூனிட் சிவிக் புதிய வெர்சன் கார்களை ஹோண்டா நிறுவனம் விற்பனை செய்துள்ளது.
செடான் பிரிவு கார்களின் விற்பனையில் எப்போதும் முன்னிலை வகிக்கும் ஹோண்டா சிவிக் மாடல் 2019 ஏப்ரல்- அக்டோபர் கால இடைவெளியில் 4,763 யூனிட்கள் விற்பனையாகியுள்ளது. இது 4,350 யூனிட்கள் விற்பனையான 2018 ஏப்ரல்- அக்டோபர் கால இடைவெளியை விட 9.5 சதவீதம் அதிகமாகும்.
சிவிக் மாடலின் இந்த விற்பனை வளர்ச்சி குறித்து ஹோண்டா கார்ஸ் இந்தியா நிறுவனத்தின் சேல்ஸ் அண்ட் மார்க்கெட்டிங் முதன்மை துணை இயக்குனர் ராஜேஷ் கோயல் கூறுகையில், சிவிக் மாடல் மீண்டும் இவ்வாறு விற்பனையில் வளர்ச்சி அடைந்து இருப்பது, பொருளாதார மந்த நிலையால் பாதிக்கப்பட்டு வரும் பிரிவில் ஒன்றாக இருக்கும் செடான் பிரிவு கார்களின் தயாரிப்பிற்கு உத்வேகம் அளித்தது போல் உள்ளது.
செடான் கார்களில் உள்ள ஸ்டைலிஷ் மற்றும் டைனாமிக் தோற்றம் தான் இந்தளவிற்கு வாடிக்கையாளர்களை கவர்ந்துள்ளது என்று கூற வேண்டும். இதற்காக இத்தகைய செடான் கார்களை தேர்வு செய்த வாடிக்கையாளர்களுக்கு நன்றி கூறி கொள்கிறேன் என கூறினார்.
1.8 லிட்டர் ஐ-விடிஇசி பெட்ரோல் என்ஜின் உடன் விற்பனையாகி வரும் சிவிக் மாடலின் தற்போதைய தலைமுறை கார், 140 பிஎச்பி பவரையும் 174 என்எம் டார்க் திறனையும் வெளிப்படுத்தும் திறன் கொண்டது. இந்த என்ஜினுடன் சிவிடி ஆட்டோமேட்டிக் கியர்பாக்ஸ் இணைக்கப்பட்டுள்ளது.
இந்த பெட்ரோல் என்ஜின் மட்டுமல்லாமல் 1.6 லிட்டர் ஐ-டிடிஇசி டர்போ-டீசல் என்ஜின் தேர்வும் வழங்கப்பட்டுள்ளது. 6-ஸ்பீடு மேனுவல் ட்ரான்ஸ்மிஷன் அமைப்புடன் இணைக்கப்பட்டுள்ள இந்த என்ஜின் 119 பிஎச்பி பவரையும் 300 என்எம் டார்க் திறனையும் வெளிப்படுத்த கூடியது.
சிவிக் மாடலில் உள்ள மிக முக்கியமான தொழிற்நுட்பமே 17 இன்ச் தொடுத்திரை இன்போடெயின்மெண்ட் அமைப்பு தான். ஆப்பிள் கார்ப்ளே மற்றும் ஆண்ட்ராய்டுடன் இணைக்கும் வசதியுடன் உள்ள இந்த இன்போடெயின்மெண்ட் அமைப்புடன் ஸ்மார்ட் எண்ட்ரி அமைப்பு, இரு விதமாக மாறக்கூடிய ஆட்டோமேட்டிக் கிளைமேட் கண்ட்ரோல், 8 நிலைகளில் அட்ஜெஸ்ட் செய்யக்கூடிய ஓட்டுனர் இருக்கை, எலக்ட்ரிக் பார்க்கிங் ப்ரேக் மற்றும் காரின் பின்புறத்தை பல கோணங்களில் காட்டக்கூடிய கேமிரா போன்றவையும் இந்த காரில் உள்ளன.
இபிடியுடன் கூடிய ஏபிஎஸ் ப்ரேக்கிங், ஆறு காற்றுப்பைகள், காரை நிலையாக வைத்திருக்க உதவும் அமைப்பு, ஹில் ஸ்டார்ட் அசிஸ்ட், ஹோண்டா லேன் வாட்ச் மற்றும் ஐசோஃபிக்ஸ் குழந்தை இருக்கை ஆங்கர்ஸ் போன்ற எண்ணற்ற பாதுகாப்பு தொழிற்நுட்பங்கள் உள்ளதால் இந்த காருக்கு ஆசியன் என்கேப் அமைப்பு 5-ஸ்டார் ரேட்டிங்கை வழங்கியுள்ளது.
இந்திய எக்ஸ்ஷோரூம்களில் ரூ.17.94 லட்சத்தில் இருந்து ரூ.22.35 லட்சம் வரை விற்பனை செய்யப்பட்டு வரும் இந்த ஹோண்டா சிவிக் காரின் இந்த வளர்ச்சியால், ஹோண்டா நிறுவனம் செடான் பிரிவில் புதிய மைல்கல்லை அடைந்துள்ளது என்று தான் சொல்ல வேண்டும். இதனால் இந்த பிரிவில் சில புதிய அறிமுகங்களை இந்த நிறுவனத்தில் இருந்து எதிர்பார்க்கலாம்.