Just In
- 49 min ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 1 hr ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
- 2 hrs ago அரபு நாடுகளின் பொழப்பில் மண்ணை அள்ளி போட்ட டாடா... ஒட்டுமொத்த உலகமும் இந்தியாவை உத்து பாக்குது...
- 3 hrs ago மோடியின் பாதுகாப்புக்கு செல்லும் இந்த டீசல் காரை இனி பயன்படுத்த கூடாது! வெளியான புதிய உத்தரவு
Don't Miss!
- News அண்ணாமலை வேட்பு மனுவில் செய்த 2 மிகப்பெரிய தவறு.. திமுக எதுவுமே பேசல.. கொந்தளித்த நாதக வழக்கறிஞர்!
- Technology Jio-வை பொலி போட்ட BSNL.. ரூ.600 க்கு 4000GB டேட்டா.. 125 Mbps ஸ்பீட்.. இலவச OTT.. 2 புதிய திட்டங்கள் அறிமுகம்!
- Movies சித்தார்த் - அதிதி ராவ் நிச்சயதார்த்தம்.. ராஷி கன்னா முதல் சத்யராஜ் மகள் வரை.. குவியும் வாழ்த்து!
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Finance முதல்ல மகன், இப்போ அம்மா.. காங்கிரஸ் விட்டு விலகிய சாவித்ரி ஜிண்டால்..!!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
மலிவான விலையில் களமிறங்கி இந்தியாவை ஆச்சரியத்தில் ஆழ்த்திய ஹூண்டாய் கார்... டெலிவரி தொடங்கியது
மிகவும் மலிவான விலையில் களமிறங்கி இந்தியாவை ஆச்சரியத்தில் ஆழ்த்திய புதிய ஹூண்டாய் வெனியூ காரின் டெலிவரி தொடங்கப்பட்டுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்திய வாடிக்கையாளர்கள் அனைவரும் மிகவும் ஆவலுடன் எதிர்பார்த்து கொண்டிருந்த கார் ஹூண்டாய் வெனியூ (Hyundai Venue). உச்சகட்ட எதிர்பார்ப்புகளுக்கு மத்தியில் ஹூண்டாய் நிறுவனம் நேற்றுதான் (மே 21) வெனியூ காரை இந்திய மார்க்கெட்டில் விற்பனைக்கு அறிமுகம் செய்தது.
மிகவும் மலிவான விலையில் களமிறக்கப்பட்டுள்ளதால், ஹூண்டாய் வெனியூ விற்பனையில் பெரிதாக சாதிக்கும் என எதிர்பார்க்கப்படுகிறது. இந்த சூழலில் விற்பனைக்கு அறிமுகம் செய்யப்பட்ட உடனேயே ஹூண்டாய் வெனியூ காரின் டெலிவரி தொடங்கப்பட்டுள்ளது.
இந்தியா முழுவதும் உள்ள ஹூண்டாய் டீலர்ஷிப்கள், வெனியூ கார்களை டெலிவரி செய்யும் பணிகளை தொடங்கியுள்ளன. இந்த சூழலில், உத்தரபிரதேச மாநிலம் லக்னோ நகரில் உள்ள ஒரு டீலர்ஷிப்பில் வாடிக்கையாளர் ஒருவர் வெனியூ காரை டெலிவரி எடுக்கும் வீடியோ வெளியாகியுள்ளது.
இந்திய அளவில் பார்த்தால், முதல் ஹூண்டாய் வெனியூ டெலிவரிகளில் இதுவும் ஒன்றாக கருதப்படுகிறது. லக்னோ என்ற அளவில் பார்த்தால், இதுதான் முதல் டெலிவரி என தகவல்கள் தெரிவிக்கின்றன. Mr Car Lover வெளியிட்டுள்ள அந்த வீடியோவை நீங்கள் கீழே காணலாம்.
சம்பந்தப்பட்ட வாடிக்கையாளருக்கு டெலிவரி கொடுப்பதற்காக சிறப்பு நிகழ்ச்சி ஒன்றை அந்த டீலர்ஷிப் நடத்தியுள்ளதை நம்மால் பார்க்க முடிகிறது. வீடியோவில் காட்டப்பட்ட கார், 7-ஸ்பீடு டிசிடி ஆட்டோமெட்டிக் டிரான்ஸ்மிஷனுடன் கூடிய 1.0 லிட்டர் டர்போசார்ஜ்டு பெட்ரோல் இன்ஜின் வேரியண்ட் ஆகும்.
இது புத்தம் புதிய இன்ஜின் ஆகும். அத்துடன் இந்த செக்மெண்ட்டில் ஹூண்டாய் நிறுவனம் முதல் முறையாக ட்யூயல்-க்ளட்ச் டிரான்ஸ்மிஷனை வழங்கியுள்ளது. இது ஹூண்டாய் நிறுவனத்தின் மிகப்பெரிய முயற்சிகளில் ஒன்றாக பார்க்கப்படுகிறது.
அதே சமயம் டெஸ்ட் டிரைவ் கூட செய்யாமல் வாடிக்கையாளர்கள் இந்த காரை வாங்கியிருப்பதன் மூலமாக, ஹூண்டாய் நிறுவனத்தின் மீது அவர்கள் வைத்திருக்கும் அளவு கடந்த நம்பிக்கையையும் நம்மால் புரிந்து கொள்ள முடிகிறது.
இந்திய மார்க்கெட்டில் ஒரு மாதத்திற்கு சராசரியாக 10 ஆயிரம் வெனியூ கார்களை விற்பனை செய்ய வேண்டும் என இலக்கு நிர்ணயித்து ஹூண்டாய் நிறுவனம் சுறுசுறுப்பாக பணியாற்றி வருகிறது. இது நடந்தால், இந்தியாவின் மிகப்பெரிய எஸ்யூவி உற்பத்தியாளர் என்ற அந்தஸ்தை ஹூண்டாய் அடையும்.
ஏனெனில் அந்த நிறுவனம் ஏற்கனவே ஒரு மாதத்திற்கு 10 ஆயிரம் கிரெட்டா எஸ்யூவி கார்களை விற்பனை செய்து வருகிறது. இந்த சூழலில் சப்-4 மீட்டர் காம்பேக்ட் எஸ்யூவி காரான வெனியூ, நடப்பு மாதம் முதல் சேல்ஸ் சார்ட்டில் இணையவுள்ளது.
இதன்மூலம் ஹூண்டாய் நிறுவனம் விற்பனை செய்யும் ஒட்டுமொத்த எஸ்யூவி கார்களின் எண்ணிக்கை, இந்திய மார்க்கெட்டில் வேறு எந்த நிறுவனத்தை காட்டிலும் அதிகமாக இருப்பதற்கான வாய்ப்புகள் இருப்பதாக கூறப்படுகிறது.
ஹூண்டாய் வெனியூ கார் மொத்தம் 11 வேரியண்ட்களில் கிடைக்கிறது. இதன் பேஸ் வெர்ஷனின் விலை 6.5 லட்ச ரூபாய் மட்டுமே. வெனியூ காரின் மிகவும் விலை உயர்ந்த வேரியண்ட்டின் விலை 11.10 லட்ச ரூபாயாக நிர்ணயம் செய்யப்பட்டுள்ளது. இவை அனைத்தும் எக்ஸ் ஷோரூம் விலையாகும்.
2 பெட்ரோல் மற்றும் 1 டீசல் வெர்ஷன் என மொத்தம் மூன்று இன்ஜின் ஆப்ஷன்கள் ஹூண்டாய் வெனியூ காரில் வழங்கப்பட்டுள்ளன. இனி இந்த மூன்று இன்ஜின்கள் குறித்த விரிவான தகவல்களை தெரிந்து கொள்ளலாம்.
ஹூண்டாய் வெனியூ காரில் வழங்கப்படும் 1.2 லிட்டர் நேச்சுரலி அஸ்பிரேட்டட் பெட்ரோல் இன்ஜின் அதிகபட்சமாக 82 பிஎச்பி பவர் மற்றும் 115 என்எம் டார்க் திறனை வெளிப்படுத்தக்கூடியது. இந்த இன்ஜின் 5 ஸ்பீடு மேனுவல் டிரான்ஸ்மிஷனை ஸ்டாண்டர்டாக பெற்றுள்ளது. அதிகபட்சமாக ஒரு லிட்டருக்கு 17.52 கிலோ மீட்டர் மைலேஜை வழங்கும்.
அதேசமயம் ஹூண்டாய் வெனியூ காரின் டீசல் வேரியண்ட்கள், 1.4 லிட்டர் நான்கு-சிலிண்டர் இன்ஜினை பெற்றுள்ளன. இந்த இன்ஜின் அதிகபட்சமாக 89 பிஎச்பி பவர் மற்றும் 220 என்எம் டார்க் திறனை உற்பத்தி செய்யக்கூடியது. இது 6 ஸ்பீடு மேனுவல் டிரான்ஸ்மிஷனை ஸ்டாண்டர்டாக பெற்றுள்ளது. ஒரு லிட்டருக்கு அதிகபட்சமாக 23.7 கிலோ மீட்டர் மைலேஜ் வழங்கும்.
1.0 லிட்டர் மூன்று-சிலிண்டர் டர்போசார்ஜ்டு பெட்ரோல் யூனிட்தான் ஹூண்டாய் வெனியூ காரில் கிடைக்கும் பவர்ஃபுல் இன்ஜின் ஆப்ஷன் ஆகும். இந்த இன்ஜின் அதிகபட்சமாக 118 பிஎச்பி பவரையும், 172 என்எம் டார்க் திறனையும் வழங்கும். இது 6 ஸ்பீடு மேனுவல் டிரான்ஸ்மிஷன் (மைலேஜ் லிட்டருக்கு 18.27 கிமீ) மற்றும் 7 ஸ்பீடு டிசிடி ஆட்டோமெட்டிக் (மைலேஜ் லிட்டருக்கு 18.15 கிமீ) ஆப்ஷன்களை பெற்றுள்ளது. இவை அராய் சான்று அளித்த மைலேஜ் ஆகும்.
எச்டி 8-இன்ச் ஸ்கீரின், ப்ரொஜெக்டர் பனி விளக்குகள், ஏர் ப்யூரிஃபையர், 3 ஆண்டுகள் அன்லிமிடெட் வாரண்டி ஆகியவை ஹூண்டாய் வெனியூ காரில் வழங்கப்படுகின்றன. இதுதவிர சன் ரூஃப், க்ரூஸ் கண்ட்ரோல், லெதர் இருக்கைகள், ப்ரொஜெக்டர் ஹெட்லேம்ப்ஸ், 6 ஏர் பேக்குகள் ஆகியவையும் ஹூண்டாய் வெனியூ காரில் வழங்கப்படும் குறிப்பிடத்தகுந்த வசதிகள் ஆகும்.