Just In
- 21 min ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 2 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 8 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 8 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
Don't Miss!
- News திடீரென "ஆரஞ்சு" நிறத்தில் செவ்வாய் கிரகம் போல் மாறிய ஏதென்ஸ் நகரம்.. மக்கள் பீதி.. நாசா விளக்கம்!
- Sports IPL 2024 DC vs GT: நாடி நரம்பு எல்லாம் தோனி.. உண்மையை போட்டு உடைத்த ரிஷப் பண்ட்
- Technology Youtube சோலி முடிஞ்சு.. இறங்கி அடிச்ச எலான் மஸ்க்.. AI அம்சம்.. ஸ்மார்ட் டிவிகளில் புதிய ஆப்..
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
கியா செல்டோஸ் காருக்கு தொடர்ந்து புக்கிங் குவிகிறது!
கியா செல்டோஸ் காருக்கு புக்கிங் தொடர்ந்து குவிந்து வரும் நிலையில், தற்போது புதிய மைல்கல்லை கடந்துள்ளது. கூடுதல் விபரங்களை இந்த செய்தியில் காணலாம்.
கடந்த ஆகஸ்ட் மாத இறுதியில் விற்பனைக்கு கொண்டு வரப்பட்ட கியா செல்டோஸ் கார் இந்தியாவின் சூப்பர் ஹிட் மாடலாக மாறி இருக்கிறது. அந்நிறுவனத்தின் முதல் கார் மாடலாக வெளியிடப்பட்ட கியா செல்டோஸ் காருக்கு துவக்கத்திலிருந்தே வாடிக்கையாளர்கள் மத்தியில் அதிக வரவேற்பு இருந்து வருகிறது.
அட்டகாசமான டிசைன், ஆர்ப்பரிக்கும் வசதிகள், சரியான விலையில் வந்த இந்த காருக்கு முன்பதிவு தொடர்ந்து கணிசமாக இருந்து வருகிறது. இந்த நிலையில், தற்போது முன்பதிவு 60,000 என்ற புதிய மைல்கல்லை கடந்துள்ளது. இது கியா மோட்டார்ஸ் நிறுவனத்திற்கு பெரும் உற்சாகத்தை அளித்துள்ளது.
இந்த காருக்கு வந்துள்ள 60,000 முன்பதிவுகளில் 60 சதவீதத்திற்கு மேல் நாட்டின் 10 முக்கிய நகரங்களில் இருந்து மட்டும் கிடைத்துள்ளதாகவும், மீதமுள்ள முன்பதிவுகள் இரண்டாம் நிலை நகரங்களிலிருந்து கிடைத்துள்ளதாகவும் கியா மோட்டார்ஸ் தெரிவித்துள்ளது. மேலும், டீலர்கள் எண்ணிக்கையை அதிகரிக்கும் முயற்சிகளையும் மேற்கொண்டுள்ளது. இதன்மூலமாக, அதிக புக்கிங்குகளை பெறும் வாய்ப்பும் ஏற்பட்டுள்ளது.
மேலும், முன்பதிவு செய்து காத்திருக்கும் வாடிக்கையாளர்களுக்கு விரைந்து செல்டோஸ் காரை டெலிவிரி கொடுக்கும் பணிகளிலும் கியா மோட்டார் தீவிரம் காட்டி வருகிறது. ஆந்திர மாநிலம் அனந்த்பூரில் உள்ள கியா கார் ஆலையில் உற்பத்தியை அதிகரிக்கும் நடவடிக்கைகளை கியா எடுத்து வருகிறது.
தற்போது 1,000 தொழிலாளர்களுடன் அனந்த்பூர் ஆலை செயல்பட்டு வருகிறது. இந்த நிலையில், செல்டோஸ் காரின் காத்திருப்பு காலத்தை கட்டுக்குள் வைக்கும் விதத்தில், உற்பத்தியை அதிகரிக்கும் முயற்சிகளில் கியா மோட்டார் தொடர்ந்து ஈடுபட்டு வருகிறது.
மேலும், ஆறு மாதத்திற்கு ஒரு புதிய காரை அறிமுகப்படுத்துவதற்கு கியா மோட்டார் நிறுவனம் திட்டமிட்டுள்ளது. இதற்கு தக்கவாறு, தற்போது ஆண்டுக்கு 3 லட்சம் கார்களை உற்பத்தி செய்யும் திறன் கொண்ட அனந்த்பூர் ஆலையை ஆண்டுக்கு 4 லட்சம் கார்களை உற்பத்தி திறன் கொண்டதாக மாற்றுவதற்கான விரிவாக்க முயற்சிகளிலும் ஈடுபட்டுள்ளது.
கியா செல்டோஸ் காரில் எல்இடி ஹெட்லைட்டுகள், பகல்நேர விளக்குகள், இன்டர்நெட் வசதியுடன் இன்ஃபோடெயின்மென்ட் சிஸ்டம், சன்ரூஃப் , சாய்மான வசதியுடன் இருக்கைகள், ஹெட்ஸ் அப் டிஸ்ப்ளே, யுவோ செயலி மூலமாக கட்டுப்படுத்தும் வசதி, 360 டிகிரி கேமரா, ஏர் பியூரிஃபயர், 6 ஏர்பேக்குகள், டயர் பிரஷர் மானிட்டர் உள்ளிட்ட ஏராளமான வசதிகளை பெற்றுள்ளது.
இந்த காரில் 1.5 லிட்டர் பெட்ரோல் எஞ்சின், 1.5 லிட்டர் டீசல் எஞ்சின் மற்றும் 1.4 லிட்டர் டர்போ பெட்ரோல் எஞ்சின் தேர்வுகள் வழங்கப்படுகின்றன. அனைத்து எஞ்சின்களிலுமே மேனுவல் மற்றும் ஆட்டோமேட்டிக் கியர்பாக்ஸ் தேர்வுகள் உள்ளன. மேலும், பிஎஸ்-6 மாசு உமிழ்வு தரத்திற்கு இணையான எஞ்சின் தேர்வுகளில் வருகிறது.
செல்டோஸ் எஸ்யூவிக்கு கிடைத்துள்ள வெற்றியை தொடர்ந்து அடுத்து கார்னிவல் எம்பிவி காரை கியா மோட்டார்ஸ் விற்பனைக்கு அறிமுகம் செய்ய இருக்கிறது. வரும் பிப்ரவரி மாதம் நடைபெற இருக்கும் ஆட்டோ எக்ஸ்போவில் இந்த புதிய கார் விற்பனைக்கு கொண்டு வரப்பட இருக்கிறது. டொயோட்டா இன்னோவா க்ரிஸ்ட்டா காருக்கு போட்டியாக இந்த புதிய மாடல் இருக்கும்.
இதைத்தொடர்ந்து, ஹூண்டாய் வெனியூ காரின் அடிப்படையில் உருவாக்கப்படும் புதிய காம்பேக்ட் எஸ்யூவியை அடுத்த ஆண்டு பண்டிகை காலத்தையொட்டி அறிமுகம் செய்வதற்கும் கியா மோட்டார்ஸ் திட்டமிட்டுள்ளது. இந்த கார் மாருதி விட்டாரா பிரெஸ்ஸா, டாடா நெக்ஸான் மஹிந்திரா எக்ஸ்யூவி300 மற்றும் ஃபோர்டு ஈக்கோஸ்போர்ட் எஸ்யூவிகளுக்கு நேரடி போட்டியாக இருக்கும். இதுவும் ஆட்டோ எக்ஸ்போவில் காட்சிக்கு கொண்டு வரப்படும்.
Source: ET Auto
-
எத்தன பேரு வாங்கி குவிக்க போறாங்களோ! இன்னும் 7நாள்ல டெலிவரி தொடங்க போகுது! வேட்டியை வரிஞ்சுக்கட்டிய ஓலா!
-
ரூ6.13 லட்சம் விலை, 19 கி.மீ மைலேஜ் தரும் இந்த காரை வாங்க லைன் நின்னாலும் உடனே கிடைக்காது! ஏன் தெரியுமா?
-
ஒரு கிமீக்கு வெறும் ரூ3.3 தான் செலவு! 10 பேர் தாராளமா போகலாம்! டாடா மேஜிக் பை ஃப்யூயல் வந்தாச்சு!