Just In
- 2 hrs ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 3 hrs ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- 3 hrs ago மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
- 7 hrs ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
Don't Miss!
- News மாஸ் காட்டிய சென்னைவாசிகள்! 40 ஆண்டுகளில் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
உலகின் முதல் எலெக்ட்ரிக் ஹைப்பர் காரை வெளியிட்ட பினின்ஃபரீனா!
உலகின் அதிசக்திவாய்ந்த முதல் மின்சார ஹைப்பர் கார் மாடலை பினின்ஃபரீனா நிறுவனம் உருவாக்கி இருக்கிறது.
மஹிந்திரா நிறுவனத்தின் அங்கமாக செயல்படும் பினின்ஃபரீனா நிறுவனம் பேட்டரியில் இயங்கும் உலகின் சக்திவாய்ந்த ஹைப்பர் காரை வெளியிட்டு இருக்கிறது. புகாட்டி சிரோன் காரைவிட சக்திவாய்ந்த இந்த மின்சார காரின் சிறப்பம்சங்கள் உள்ளிட்ட கூடுதல் தகவல்களை பார்க்கலாம்.
ஃபெராரி, பிஎம்டபிள்யூ உள்பட உலகின் பல முன்னணி கார் நிறுவனங்களின் பிரபல கார் மாடல்களை வடிவமைத்து கொடுத்த பெருமை இத்தாலியை சேர்ந்த பினின்ஃபரீனா நிறுவனத்திற்கு உண்டு. இந்த நிறுவனம் தற்போது மஹிந்திரா நிறுவனத்தின் கீழ் செயல்பட்டு வருகிறது.
இந்தநிலையில், மஹிந்திரா வசம் வந்தபின் பொருளாதாரத்தில் வலுவாக மாறி இருக்கும் பினின்ஃபரீனா நிறுவனம் தற்போது சொந்தமாக கார்களை தயாரிக்கும் முயற்சியில் இறங்கி இருக்கிறது. முதல் முயற்சியிலேயே உலகையே திரும்பி பார்க்க வைத்துள்ளது மஹிந்திரா - பினின்ஃபரீனா கூட்டணி.
ஆம். உலகின் அதிசக்திவாய்ந்த முதல் மின்சார ஹைப்பர் கார் மாடலை பினின்ஃபரீனா நிறுவனம் உருவாக்கி இருக்கிறது. பேட்டிஸ்டா என்ற பெயரில் அழைக்கப்படும் இந்த மின்சார கார் ஜெனிவா மோட்டார் ஷோவின் மூலமாக பொது பார்வைக்கு கொண்டு வரப்படுகிறது.
கிரான்ட் டூரர் ரகத்தில் வடிவமைக்கப்பட்டு இருக்கும் இந்த மின்சார கார் மாடல் ஜெனிவா மோட்டார் ஷோ வரும் பார்வையாளர்களை பெரிதும் கவரும் என்று கருதப்படுகிறது. மொத்தம் 3 கார்களை காட்சிக்கு நிறுத்தியுள்ளது பினின்ஃபரீனா நிறுவனம்.
மொத்தம் 150 பினின்ஃபரீனா பேட்டிஸ்டா கார்கள் உற்பத்தி செய்து விற்பனை செய்யப்பட இருக்கின்றன. அமெரிக்கா, ஐரோப்பா மற்றும் கிழக்காசிய பிராந்தியங்களை குறிவைத்து விற்பனை செய்யப்பட இருக்கிறது.
இந்த சக்திவாய்ந்த மின்சார கார் மாடலானது கார்பன் ஃபைபரிலான மோனோகாக் எனப்படும் ஒற்றை உடற்கூடு அமைப்பை பெற்றிருக்கிறது. எனவே, மிக உறுதியானதாகவும், சிறந்த கையாளுமையை வழங்கும் மாடலாகவும் இருக்கும்.
இந்த காரில் T வடிவிலான 120 kWh பேட்டரி பொருத்தப்பட்டு இருக்கிறது. இந்த காரில் 4 மின் மோட்டார்கள் மூலமாக 4 சக்கரங்களுக்கும் சக்தி செலுத்தப்படுகிறது. டார்க் வெக்டரிங் அடிப்படையில் 4 சக்கரங்களுக்கும் போதுமான டார்க் திறன் கொடுக்கப்டும்.
இந்த காரின் சக்கரங்களில் 390 மிமீ டிஸ்க்குகள் கொண்ட கார்பன் செராமிக் 6 பிஸ்டன் பிரேக்குகள் கொடுக்கப்பட்டுள்ளன. பிரேக் பிடிக்கும்போது விரயமாகும் ஆற்றல் பேட்டரியில் சேமிக்கக்கூடிய ரீஜெனரேட்டிவ் பிரேக் சிஸ்டமும் உள்ளது. அதன் ஆக்டிவ் ஏர் விங் அமைப்பும், ஏர் பிரேக் போன்று செயல்படும்.
சொகுசுடன் சிறந்த கையாளுமையையும் வழங்கும் விதத்தில் இதன் சஸ்பென்ஷன் சிஸ்டம் மிகச் சிறப்பாக ட்யூனிங் செய்யப்படடு இருப்பதாக பினின்ஃபரீனா தெரிவிக்கிறது. மின்னணு தொழில்நுட்ப முறையில் ஓட்டுனர் விரும்பும் டிரைவிங் மோடில் வைத்து ஓட்ட முடியும்.
இது மின்சார கார் என்பதால், சைலென்சர் சப்தத்திற்கு வேலை இல்லை. ஆனால், ஓட்டுபவருக்கும், இந்த காரை பார்ப்போருக்கும் அது ஏமாற்றத்தை தரலாம். இதற்காகவே, செயற்கையாக சைலெசன்சர் சப்தத்தை வழங்கும் விதத்தில் சிறப்பு சப்த உருவாக்க கருவி பயன்படுத்தப்பட்டு இருக்கிறது.
பினின்ஃபரீனா பேட்டிஸ்டா எலெக்ட்ரிக் ஹைப்பர் காரில் இருக்கும் மின்மோட்டார்கள் அதிகபட்சமாக 1,900 குதிரை சக்தி திறனையும், 2,300 என்எம் டார்க் திறனையும் வழங்க வல்லது. அதாவது, புகாட்டி சிரோன் ஹைப்பர் காரைவிட இது மிக சக்திவாய்ந்த மாடல்.
இந்த கார் 0 -100 கிமீ வேகத்தை வெறும் 2 வினாடிகளிலும், 0 -300 கிமீ வேகத்தை 12 வினாடிகளிலும் எட்டிவிடும் வல்லமை வாய்ந்தது. இந்த கார் 350 கிமீ வேகத்தை எட்டும் திறன் வாய்ந்தது. ஒருமுறை பேட்டரியை சார்ஜ் செய்தால் 450 கிமீ தூரம் வரை பயணிக்க முடியும். எல்லாவற்றையும் விட இந்த கார் புகையை வெளிப்படுத்தாது என்பதுதான் ஆகச்சிறந்த விஷயமாக பார்க்கப்படுகிறது.
-
ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
-
சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
-
சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!