Just In
- 1 hr ago குடும்பத்தோட போகலாம்னு சொல்றாங்களே இந்த கார் பாதுகாப்பானதா இருக்குமா? மோதல் ஆய்வுல வச்சு செஞ்சிருக்காங்க!
- 2 hrs ago வெறும் 1 ஸ்டார் ரேட்டிங்கை பெற்ற மஹிந்திரா கார்! இந்த காருக்கா இப்படி ஒரு நிலைமை?
- 2 hrs ago பிரம்மாண்டத்துக்கு மறுபெயர் இதுதான்!! ஏர் இந்தியாவில் இனி இப்படியொரு பிளைட்டில் போக முடியாது!
- 3 hrs ago ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!
Don't Miss!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Sports 14 கோடி வீரரை நம்பி ஏமாந்த தோனி.. 10 பந்தை காலி செய்த நியூசிலாந்து வீரர்.. என்ன நடந்தது?
- News 8 வருஷமாக கட்டப்பட்டு வந்த பாலம்.. வேகமா காற்றடித்ததில் உடைந்து விழுந்தது.. தெலுங்கானாவில்
- Lifestyle மணமணக்கும்.. ருசியான... கையேந்தி பவன் பரோட்டா சால்னாவை எப்படி செய்யணும் தெரியுமா?
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Finance நீங்க கிரெடிட் கார்டு வச்சிருக்கீங்களா.. ஆன்லைன் மோசடியில் இருந்து தப்பிக்க நச்சுனு 4 டிப்ஸ்!
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
எலெக்ட்ரிக் வாகனங்களின் விலை அதிகமாக இருப்பதற்கு காரணம் இதுதான்... மாருதி சுஸுகி அதிகாரி பேட்டி!
எலெக்ட்ரிக் வாகனங்களின் விலை அதிகமாக இருப்பதற்கான காரணம் குறித்து, மாருதி சுஸுகி நிறுவனத்தின் அதிகாரி பேட்டியளித்துள்ளார். இதுகுறித்த விரிவான தகவல்களை இந்த செய்தியில் பார்க்கலாம்.
பிரதமர் மோடி தலைமையிலான மத்திய அரசு எடுத்து வரும் பல்வேறு ஆக்கப்பூர்வமான நடவடிக்கைகள் காரணமாக, இந்தியாவில் எலெக்ட்ரிக் வாகன மார்க்கெட் ஒரு வழியாக தற்போது சூடுபிடிக்க தொடங்கியுள்ளது. பல்வேறு முன்னணி கார் நிறுவனங்களும் தங்கள் எலெக்ட்ரிக் மாடல்களை இந்தியாவில் விற்பனைக்கு அறிமுகம் செய்ய தயாராகி வருகின்றன.
ஹூண்டாய் நிறுவனம் கோனா எலெக்ட்ரிக் எஸ்யூவியை சமீபத்தில் இந்திய மார்க்கெட்டில் விற்பனைக்கு அறிமுகம் செய்தது. வரும் மாதங்களில் எம்ஜி இஇஸட்எஸ் எலெக்ட்ரிக் எஸ்யூவி, நிஸான் லீஃப் உள்ளிட்ட எலெக்ட்ரிக் கார்களும் விற்பனைக்கு களமிறங்கவுள்ளன. இந்தியாவின் நம்பர்-1 கார் உற்பத்தி நிறுவனமான மாருதி சுஸுகியும் இந்த ரேஸில் உள்ளது.
மாருதி சுஸுகி நிறுவனத்தின் முதல் எலெக்ட்ரிக் கார் மாடலான வேகன் ஆர் எலெக்ட்ரிக், வரும் 2020ம் ஆண்டு இந்தியாவில் விற்பனைக்கு அறிமுகம் செய்யப்படுவது உறுதியாகியுள்ளது. 50 யூனிட்களுடன் இந்த கார் தற்போது இந்திய சாலைகளில் சோதனை செய்யப்பட்டு வருகிறது. மாருதி சுஸுகி நிறுவனத்தின் சேல்ஸ் மற்றும் மார்க்கெட்டிங் நிர்வாக இயக்குனர் சசாங்க் ஸ்ரீவத்ஸவா இந்த முன்னேற்றத்தை உறுதி செய்துள்ளார்.
புத்தம் புதிய வேகன் ஆர் கார் ஏற்கனவே பெட்ரோல் மற்றும் சிஎன்ஜி-பெட்ரோல் என இரட்டை எரிபொருள் ஆப்ஷன்களில் கிடைத்து வருகிறது. அத்துடன் வரும் மாதங்களில், வேகன் ஆர் காரின் எல்பிஜி வேரியண்ட்களும் இந்தியாவின் பல்வேறு பகுதிகளிலும் விற்பனைக்கு கிடைக்கும் எனவும் எதிர்பார்க்கப்படுகிறது.
இந்த சூழலில் வேகன் ஆர் எலெக்ட்ரிக் காருக்கு டிமாண்ட் எப்படி இருக்கும் என திட்டமிட்டுள்ளீர்கள்? என்ற கேள்விக்கு, மாருதி சுஸுகி நிறுவனத்தின் சேல்ஸ் மற்றும் மார்க்கெட்டிங் நிர்வாக இயக்குனர் சசாங்க் ஸ்ரீவத்ஸவா, சிஎன்பிசி டிவி18-யிடம் பின்வருமாறு கூறினார். ''2020ம் ஆண்டு எலெக்ட்ரிக் வாகனங்களை விற்பனைக்கு அறிமுகம் செய்வோம்.
தற்போது எங்களிடம் அத்தகைய 50 வாகனங்கள் உள்ளன. இந்தியாவின் பல்வேறு பகுதிகளில் உள்ள வெவ்வேறான நிலப்பரப்புகளில் அவை சோதனை செய்யப்பட்டு வருகின்றன. ஆனால் எலெக்ட்ரிக் வாகனங்களுக்கான டிமாண்ட் எவ்வாறு இருக்கும் என்பது எங்களுக்கு உறுதியாக தெரியவில்லை. தற்போதைய நிலையில் பேட்டரியின் விலை மிகவும் அதிகமாக உள்ளது.
காரின் விலையில் 50-60 சதவீதம் பேட்டரிக்கே சென்று விடும். எனவே எலெக்ட்ரிக் வாகனங்களின் விலை அதிகமாக இருப்பதற்கான வாய்ப்புகள் உள்ளன. ஆனால் இந்திய வாடிக்கையாளர்கள் விலைக்குதான் அதிக முக்கியத்துவம் கொடுப்பார்கள். எனவே டிமாண்ட் எப்படி இருக்கும்? என்பது அவ்வளவு உறுதியாக தெரியவில்லை. இதனை பொறுத்திருந்துதான் பார்க்க வேண்டும்'' என்றார்.
மாருதி சுஸுகி வேகன் ஆர் எலெக்ட்ரிக் காரின் விலை 10 லட்ச ரூபாய்க்கு நெருக்கமாக இருக்கலாம் என கூறப்படுகிறது. அல்லது பேட்டரி விலை அதிகமாக இருப்பதால், 10 லட்ச ரூபாய்க்கு அதிகமாக இருந்தாலும் கூட இருக்கலாம். மாருதி சுஸுகி வேகன் ஆர் எலெக்ட்ரிக் காரை ஒரு முறை முழுமையாக சார்ஜ் செய்தால், 150 கிலோ மீட்டர்கள் பயணிக்க முடியும் என கூறப்படுகிறது.
எனவே இது நகர பயன்பாட்டிற்கு உகந்ததாக இருக்கும். நகரங்களில் கார்களை பயன்படுத்துபவர்கள் மற்றும் கேப் நிறுவனங்களை நடத்துபவர்களுக்கு இந்த ரேஞ்ச் போதுமானதுதான். காரை சார்ஜ் செய்வதற்கு இவர்களுக்கு போதுமான அவகாசம் இருக்கும். ஆனால் தனி நபர்கள் மற்றும் கேப் நிறுவனங்கள் எலெக்ட்ரிக் கார்களை பெரிய அளவில் ஏற்றுக்கொள்வதற்கு தடையாக இருப்பது ரேஞ்ச்தான்.
எலெக்ட்ரிக் கார்கள் தொடர்ச்சியாக ஒரு சார்ஜிற்கு 250-300 கிலோ மீட்டர்கள் ரேஞ்சை வழங்கினால் மட்டுமே தனி நபர்கள் மற்றும் கேப் நிறுவனங்களால் பெரிய அளவில் ஏற்றுக்கொள்ளப்படும். இதனிடையே இந்தியா முழுவதும் எலெக்ட்ரிக் வாகனங்களுக்கான 1,000 சார்ஜிங் ஸ்டேஷன்களை அமைக்க மத்திய அரசு டெண்டர் கோரியுள்ளது. இந்த எண்ணிக்கை வெகு விரைவில் 3,000 ஆக உயர்த்தப்படும்.
இந்தியாவில் எலெக்ட்ரிக் வாகனங்களை பிரபலமாக்க மத்திய அரசு பல்வேறு நடவடிக்கைகளை எடுத்து வருகிறது. எலெக்ட்ரிக் வாகனங்களுக்கான ஜிஎஸ்டி வரி 12 சதவீதத்தில் இருந்து 5 சதவீதமாக குறைப்பு, எலெக்ட்ரிக் வாகன கடனுக்கான வட்டிக்கு வருமான வரி சலுகை என அவற்றை அடுக்கி கொண்டே போகலாம். இதுபோன்ற நடவடிக்கைகள் மூலம் எலெக்ட்ரிக் வாகனங்களின் விலை கணிசமாக குறையும். எனவே வழக்கமான பெட்ரோல், டீசல் வாகனங்களுக்கு பதில் மக்கள் எலெக்ட்ரிக் வாகனங்களை தேர்வு செய்வார்கள் என எதிர்பார்க்கப்படுகிறது.
-
கார் கப்பல் மாதிரி இருக்காம்! இவ்ளோ மைலேஜ் வேற தருதா! மொத்த கூட்டமும் மாருதி சுஸுகி ஷோரூம்லதான் இருக்கு!
-
ஹீரோ ஸ்பிளெண்டர் பைக்கிற்கு டிமாண்ட் அதிகமாகிட்டே போகுது!! இந்தியாவின் தேசிய பைக் என சொல்லலாம்!
-
ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?