Just In
- 22 min ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 1 hr ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- 2 hrs ago எவ்வளவு பெரிய கிரிக்கெட்டர், குழந்தை போல் ராயல் என்ஃபீல்டு பைக்கில் ரைடு!! ஓட்டி பார்த்த பின் அவர் சொன்னது...
- 3 hrs ago உலகமே எதிர்பார்த்த சியோமி மின்சார கார் விற்பனைக்கு வந்தாச்சு! அதோட செல்போன்களை போலவே இதோட விலையும் ரொம்ப கம்மி
Don't Miss!
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Sports அஸ்வின் நீங்க செஞ்சது பெரிய தப்பு.. உங்க தவறை மறைக்க ஜெய்ஸ்வாலை திட்டுவதா? என்ன நடந்தது?
- News திருச்சி நபர் உள்பட 3 பேர் பலி! சென்னையை அதிரவைத்த கேளிக்கை விடுதி விபத்து! நடந்தது என்ன? பரபர தகவல்
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
மிக மிக சவாலான விலையில் புதிய கியா செல்டோஸ் எஸ்யூவி விற்பனைக்கு அறிமுகம்!
பெரும் எதிர்பார்ப்புக்கு மத்தியில் புதிய கியா செல்டோஸ் எஸ்யூவி கார் மிக சவாலான விலையில் இன்று இந்தியாவில் விற்பனைக்கு அறிமுகம் செய்யப்பட்டு இருக்கிறது. இந்த விழாவில் இந்தி நடிகர் டைகர் ஷெராஃப் மற்றும் கியா உயரதிகாரிகள் கலந்துகொண்டனர். இந்த காரின் சிறப்பம்சங்கள், எஞ்சின் தேர்வுகள் மற்றும் விலை விபரங்களை இந்த செய்தியில் காணலாம்.
மாடல்கள் விபரம்
கியா மோட்டார் நிறுவனத்தின் முதல் கார் மாடலாக செல்டோஸ் எஸ்யூவி இந்தியாவில் அறிமுகம் செய்யப்பட்டுள்ளது. புதிய கியா செல்டோஸ் கார் டெக் லைன் மற்றும் ஜிடி லைன் என்ற இரண்டு விதமான மாடல்களில் வந்துள்ளது. இதில், ஜிடி லைன் மாடல் கூடுதல் ஆக்சஸெரீகளுடன் பெர்ஃபார்மென்ஸ் வகை மாடல் போன்ற டிசைன் அம்சங்களுடன் மிகவும் வசீகரமாக இருக்கிறது.
வேரியண்ட்டுகள் விபரம்
புதிய கியா செல்டோஸ் காரின் டெக் லைன் மாடலானது 1.5 லிட்டர் பெட்ரோல் மற்றும் 1.5 லிட்டர் டீசல் எஞ்சின் தேர்வுகளில் கிடைக்கும். டெக் லைன் மாடலானது HTE, HTK,HTK+,HTX மற்றும் HTX+ ஆகிய 5 வேரியண்ட்டுகளில் கிடைக்கும். ஜிடி லைன் மாடலானது 1.4 லிட்டர் டர்போ பெட்ரோல் எஞ்சினில் மட்டுமே இப்போது வந்துளளது. இந்த பெட்ரோல் மாடல் GTK,GTX,GTX+ ஆகிய 3 வேரியண்ட்டுகளில் கிடைக்கும். எனினும், ஜிடி லைன் டீசல் மாடலானது விரைவில் விற்பனைக்கு கொண்டு வரப்பட இருக்கிறது.
பெட்ரோல் மாடல்
புதிய கியா செல்டோஸ் எஸ்யூவியில் உள்ள 1.5 லிட்டர் பெட்ரோல் எஞ்சின் 113 பிஎச்பி பவரையும், 144 என்எம் டார்க் திறனையும் வெளிப்படுத்தும். இந்த எஞ்சின் 6 ஸ்பீடு மேனுவல் கியர்பாக்ஸ் அல்லது ஐவிடி ஆட்டோமேட்டிக் கியர்பாக்ஸ் தேர்வில் கிடைக்கும். இந்த மாடல் 0 - 100 கிமீ வேகத்தை 11.8 வினாடிகளில் எட்டும்.
டீசல் மாடல்
இந்த காரில் கொடுக்கப்படும் 1.5 லிட்டர் டீசல் எஞ்சின் அதிகபட்சமாக 113 பிஎச்பி பவரையும், 250 என்எம் டார்க் திறனையும் வழங்கும். இந்த மாடலிலும் 6 ஸ்பீடு மேனுவல் கியர்பாக்ஸ் அல்லது 6 ஸ்பீடு டார்க் கன்வெர்ட்டர் ஆட்டோமேட்டிக் மாடலில் கிடைக்கும். இந்த மாடல் 0 - 100 கிமீ வேகத்தை 11.5 வினாடிகளில் எட்டும் திறன் கொண்டது.
டர்போ பெட்ரோல் மாடல்
ஜிடி லைன் மாடலில் கொடுக்கப்பட இருக்கும் 1.4 லிட்டர் டர்போ பெட்ரோல் எஞ்சின் அதிகபட்சமாக 138 பிஎச்பி பவரையும், 242 என்எம் டார்க் திறனையும் வெளிப்படுத்தும். இந்த மாடலில் 6 ஸ்பீடு மேனுவல் கியர்பாக்ஸ் அல்லது 7 ஸ்பீடு டிசிடி கியர்பாக்ஸ் தேர்வுகள் வழங்கப்பட இருக்கின்றன. இந்த மாடலானது 0 - 100 கிமீ வேகத்தை 9.7 வினாடிகளில் எட்டிவிடும்.
மைலேஜ் விபரம்
புதிய கியா செல்டோஸ் எஸ்யூவியின் 1.5 லிட்டர் பெட்ரோல் எஞ்சினுடன் இணைக்கப்பட்ட மேனுவல் கியர்பாக்ஸ் மாடல் லிட்டருக்கு 16.4 கிமீ மைலேஜையும், ஆட்டோமேட்டிக் மாடல் 16.3 கிமீ மைலேஜையும் வழங்கும். 1.5 லிட்டர் டீசல் எஞ்சினுடன் கூடிய மேனுவல் கியர்பாக்ஸ் மாடல் லிட்டருக்கு 20.8 கிமீ மைலேஜையும், ஆட்டோமேட்டிக் மாடல் 17.8 கிமீ மைலேஜையும் வழங்கும். இந்த காரின் 1.4 லிட்டர் பெட்ரோல் எஞ்சினுடன் கூடிய மேனுவல் கியர்பாக்ஸ் மாடல் லிட்டருக்கு 16.1 கிமீ மைலேஜையும், ஆட்டோமேட்டிக் மாடல் லிட்டருக்கு 16.2 கிமீ மைலேஜையும் வழங்க வல்லதாக தெரிவிக்கப்பட்டு இருக்கிறது.
வெளிப்புற அம்சங்கள்
புதிய கியா செல்டோஸ் காரில் புலிமூக்கு வடிவிலான விசேஷ க்ரில் அமைப்பு, எல்இடி ஹெட்லைட்டுகள், எல்இடி பகல்நேர விளக்குகள், எல்இடி பனி விளக்குகள் கொடுக்கப்பட்டுள்ளன. பக்கவாட்டில் அழகிய டிசைனிலான அலாய் வீல்கள், ரூஃப் ரெயில்கள் இந்த காரின் வசீகரத்தை கூட்டுகின்றன.
இன்டீரியர்
புதிய கியா செல்டோஸ் காரில் 10.25 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் கொடுக்கப்பட்டு இருக்கிறது. இந்த இன்ஃபோடெயின்மென்ட் சிஸ்டத்துடன் இணைத்துக் கொள்ளக்கூடிய யுவோ என்ற செயலி மூலமாக 37 விதமான தொழில்நுட்ப வசதிகளை பெற முடியும்.
இதர வசதிகள்
ஆம்பியன்ட் லைட் சிஸ்டம், புஷ் பட்டன் ஸ்டார்ட், ஸ்மார்ட் ஏர் ஃப்யூரிஃபயர் சிஸ்டம், வயர்லெஸ் சார்ஜர், வென்டிலேட்டட் இருக்கைகள், 8 வித நிலைகளில் ஓட்டுனர் இருக்கையை அட்ஜெஸ்ட் செய்யும் வசதி, போஸ் சர்ரவுண்ட் சவுண்ட் சிஸ்டம், 8.0 அங்குல ஹெட்ஸ் அப் டிஸ்ப்ளே, ஆட்டோ க்ரூஸ் கன்ட்ரோல் சிஸ்டம் ஆகியவை உள்ளன.
பாதுகாப்பு அம்சங்கள்
புதிய கியா செல்டோஸ் காரில் 360 டிகிரி கேமரா, முன்புற, பக்கவாட்டு மற்றும் கர்டெயின் ஏர்பேக்குகள் கொடுக்கப்பட்டுள்ளன. ஹில் ஹோல்டு அசிஸ்ட், பிளைண்ட் ஸ்பாட் மானிட்டரிங் சிஸ்டம், வெஹிக்கிள் ஸ்டெபிளிட்டி மேனேஜ்மென்ட் சிஸ்டம், ஏபிஎஸ் பிரேக்கிங் சிஸ்டம் உள்ளிட்ட பல்வேறு பாதுகாப்பு அம்சங்கள் உள்ளன.
வண்ணத் தேர்வுகள்
புதிய கியா செல்டோஸ் கார் கிளேசியர் ஒயிட் பியர்ல், ஸ்டீல் சில்வர், கிராவிட்டி க்ரே, இன்டென்ஸ் ரெட், அரோரா பிளாக் பியர்ல், இன்டெலிஜென்சி புளூ, பன்ச்சி ஆரஞ்ச் ஆகிய வண்ணத் தேர்வுகளில் கிடைக்கும்.
உற்பத்தி திறன்
புதிய கியா செல்டோஸ் காருக்கு முன்பதிவு குவிந்து வருகிறது. இந்த நிலையில், புக்கிங் செய்யும் வாடிக்கையாளர்களுக்கு மிக விரைவாக டெலிவிரி கொடுப்பதற்கான உற்பத்தி திறனை கியா நிறுவனம் பெற்றிருக்கிறது. ஆந்திர மாநிலம் அனந்த்பூரில் உள்ள கியா மோட்டார்ஸ் ஆலையில் புதிய செல்டோஸ் கார் உற்பத்தி செய்யப்பட இருக்கிறது. இந்த ஆலை ஆண்டுக்கு 3 லட்சம் கார்களை உற்பத்தி செய்யும் திறன் கொண்டது.
விலை விபரம்
புதிய கியா செல்டோஸ் கார் ரூ.9.69 லட்சம் முதல் ரூ.15.99 லட்சம் வரையிலான எக்ஸ்ஷோரூம் விலையில் விற்பனைக்கு வந்துள்ளது. ஹூண்டாய் க்ரெட்டா, டாடா ஹாரியர், நிஸான் கிக்ஸ், எம்ஜி ஹெக்டர் உள்ளிட்ட மாடல்களுக்கு கடும் போட்டியை தரும் என எதிர்பார்க்கப்படுகிறது.
-
காருக்குள் பறக்கும் வாகனம்.. சாலையில் ஓட்டிக்கலாம்.. தேவைப்பட்டால் வானிலும் பறந்துக்கலாம்!
-
குடிநீரில் கழுவினால் அபராதம்! பெங்களூர் கார் ஓனர்கள் கையில் எடுத்த புதிய ட்ரிக்! இது நமக்கு தெரியாம போச்சே!
-
பைக்கின் விலை பல இலட்சம்... ஆனா ஒருத்தர் மட்டும்தான் போக முடியும்!! பிரபல பாடகர் ஆசையோடு வாங்கிய பைக்!