Just In
- 5 min ago 20கிலோ அரிசி மூட்டையை 4ஏத்திகிட்டு நீங்களும் அமர்ந்து போகலாம்! டெலிவரி சேவைக்கான சூப்பரான இ-சைக்கிள் அறிமுகம்!
- 1 hr ago குடும்பத்தோட போகலாம்னு சொல்றாங்களே இந்த கார் பாதுகாப்பானதா இருக்குமா? மோதல் ஆய்வுல வச்சு செஞ்சிருக்காங்க!
- 2 hrs ago வெறும் 1 ஸ்டார் ரேட்டிங்கை பெற்ற மஹிந்திரா கார்! இந்த காருக்கா இப்படி ஒரு நிலைமை?
- 2 hrs ago பிரம்மாண்டத்துக்கு மறுபெயர் இதுதான்!! ஏர் இந்தியாவில் இனி இப்படியொரு பிளைட்டில் போக முடியாது!
Don't Miss!
- Sports சிக்சர் மன்னன் சிவம் துபே சாதனை.. 27 பந்தில் 66 ரன்கள் குவிப்பு.. 7 சிக்சர் விளாசி ரெக்கார்ட்
- News ‛‛முஸ்லிம் முதல் தாலி வரை’’.. திடீரென பிரசார யுக்தியை மாற்றிய பிரதமர் மோடி.. பின்னணியில் 2 காரணம்
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Lifestyle மணமணக்கும்.. ருசியான... கையேந்தி பவன் பரோட்டா சால்னாவை எப்படி செய்யணும் தெரியுமா?
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Finance நீங்க கிரெடிட் கார்டு வச்சிருக்கீங்களா.. ஆன்லைன் மோசடியில் இருந்து தப்பிக்க நச்சுனு 4 டிப்ஸ்!
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இந்தியர்கள் ஆவலுடன் எதிர்பார்த்து கொண்டிருக்கும் புதிய கார் சேலத்தில் சோதனை... வீடியோ
இந்திய வாடிக்கையாளர்கள் ஆவலுடன் எதிர்பார்த்து கொண்டிருக்கும் புதிய கார் சேலத்தில் வைத்து சோதனை செய்யப்படும் வீடியோ டிரைவ்ஸ்பார்க் குழுவினரால் பதிவு செய்யப்பட்டுள்ளது.
பிரான்ஸை சேர்ந்த ரெனால்ட் நிறுவனம், க்விட் ஹேட்ச்பேக் காரின் ஃபேஸ்லிஃப்ட் வெர்ஷனை (Renault Kwid Facelift) இந்தியாவில் விற்பனைக்கு அறிமுகம் செய்ய தயாராகி வருகிறது. புதிய ரெனால்ட் க்விட் ஃபேஸ்லிஃப்ட் வெர்ஷன் வரும் அக்டோபர் 1ம் தேதி இந்திய மார்க்கெட்டில் முறைப்படி விற்பனைக்கு அறிமுகம் செய்யப்படவுள்ளது.
இந்த சூழலில் ரெனால்ட் க்விட் ஃபேஸ்லிஃப்ட் வெர்ஷன் சாலை சோதனைகளுக்கு உட்படுத்தப்படும்போது, நமது டிரைவ்ஸ்பார்க் குழுவின் கேமரா கண்களில் சிக்கியுள்ளது. க்விட் ஃபேஸ்லிஃப்ட் வெர்ஷனை சாலை சோதனைகளுக்கு உட்படுத்தப்படும் புகைப்படங்கள் இதற்கு முன்னதாகவும் பல முறை வெளியாகியுள்ளன என்பது குறிப்பிடத்தக்கது.
தற்போது நமது குழுவினரால் பதிவு செய்யப்பட்டுள்ள வீடியோ, மூன்று க்விட் ஃபேஸ்லிஃப்ட் வெர்ஷன் கார்கள் இந்தியாவில் சாலை சோதனை செய்யப்படும் தகவலை நமக்கு கூறியுள்ளன. அவை அனைத்தும் முழுவதும் உருமறைக்கப்பட்ட நிலையில்தான் இருந்தன. தமிழகத்தில் சேலத்திற்கு அருகே இந்த வீடியோ பதிவு செய்யப்பட்டுள்ளது.
எனினும் முழுவதுமாக உருமறைக்கப்பட்டிருந்ததால், காரின் எக்ஸ்டீரியர் குறித்த விரிவான தகவல்களை நம்மால் அறிய முடியவில்லை. தற்போது சர்வதேச மார்க்கெட்களில் விற்பனை செய்யப்படும் கே-இஸட்இ எலெக்ட்ரிக் ஹேட்ச்பேக் காரை மனதில் வைத்துதான், புதிய க்விட் ஃபேஸ்லிஃப்ட் மாடல் டிசைன் செய்யப்பட்டுள்ளது.
இதன் முன்பகுதியில் ஸ்பிளிட் ஹெட்லேம்ப்ஸ் யூனிட் வழங்கப்பட்டுள்ளது. எல்இடி டிஆர்எல்கள் முன்பக்க க்ரிலுக்கு அடுத்தபடியாக இடம்பெற்றுள்ளன. அதே சமயம் கே-இஸட்இ மாடலில் இருப்பதை போன்று, புதிய சி-வடிவ எல்இடி யூனிட்களுடன் பின்பக்க டெயில் லேம்ப் மாற்றியமைக்கப்பட்டுள்ளது. இனி இன்டீரியர் குறித்து பார்க்கலாம்.
இன்டீரியரை பொறுத்தவரை தற்போதைய தலைமுறை மாடலுடன் ஒப்பிடும்போது, பல்வேறு விதங்களில் புதிய ரெனால்ட் க்விட் ஃபேஸ்லிஃப்ட் மேம்பட்டுள்ளது. இதில், முழு டிஜிட்டல் இன்ஸ்ட்ரூமெண்ட் க்ளஸ்டர் யூனிட், ஆப்பிள் கார்பிளே மற்றும் ஆண்ட்ராய்டு ஆட்டோ வசதிகளுடன் கூடிய புதிய 8 இன்ச் டச் ஸ்க்ரீன் இன்போடெயின்மெண்ட் சிஸ்டம் ஆகியவை அடங்கும்.
அதே நேரத்தில் ட்ரைபர் எம்பிவியிடம் இருந்து ஸ்டியரிங் பெறப்பட்டுள்ளது. ஆனால் மெக்கானிக்கல் ரீதியாக, க்விட் ஃபேஸ்லிஃப்ட் மாடல்களில் எவ்வித மாற்றமும் செய்யப்படவில்லை. தற்போதைய மாடல்களில் உள்ள அதே இன்ஜின்தான் புதிய மாடல்களிலும் வழங்கப்பட்டுள்ளது. தற்போதைய தலைமுறை க்விட் காரில் 2 பெட்ரோல் இன்ஜின்கள் கிடைக்கின்றன.
இதில், 800 சிசி யூனிட் அதிகபட்சமாக 54 எச்பி பவர் மற்றும் 72 என்எம் டார்க் திறனை உருவாக்க கூடியது. அதே சமயம் 1.0 லிட்டர் இன்ஜின் 68 எச்பி பவர் மற்றும் 91 என்எம் டார்க் திறனை வெளிப்படுத்த வல்லது. இந்திய மார்க்கெட்டில் அதிகம் விற்பனையாகும் ரெனால்ட் நிறுவன கார்களில் ஒன்றாக க்விட் திகழ்ந்து வருகிறது.
எண்ட்ரி-லெவல் ஹேட்ச்பேக் செக்மெண்ட்டில் போட்டியாளர்களுக்கு வலுவான போட்டியை ரெனால்ட் க்விட் வழங்கி வருகிறது. எனினும் ரெனால்ட் க்விட் காரின் ஃபேஸ்லிஃப்ட் வெர்ஷன், மாருதி சுஸுகி நிறுவனத்தின் புத்தம் புதிய மாடலான எஸ்-பிரெஸ்ஸோ உடனும் போட்டியிடும். மாருதி சுஸுகி எஸ்-பிரெஸ்ஸோ கார் வரும் செப்டம்பர் 30ம் தேதி விற்பனைக்கு அறிமுகம் செய்யப்படவுள்ளது.
அதற்கு ஒரு நாள் கழித்து, அதாவது அக்டோபர் 1ம் தேதி புதிய ரெனால்ட் க்விட் ஃபேஸ்லிஃப்ட் வெர்ஷன் களமிறக்கப்படுகிறது என்பது குறிப்பிடத்தக்கது. இந்திய வாடிக்கையாளர்கள் மத்தியில் பெரும் எதிர்பார்ப்பை ஏற்படுத்தியுள்ள புதிய க்விட் ஃபேஸ்லிஃப்ட் வெர்ஷன், ரெனால்ட் நிறுவனத்திற்கு சிறப்பான விற்பனை எண்ணிக்கையை ஈட்டி தரும் என எதிர்பார்க்கப்படுகிறது.