Just In
- 41 min ago அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- 5 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 5 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 6 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
Don't Miss!
- Lifestyle Today Rasi Palan 29 March 2024: இன்று இந்த ராசிக்காரர்களின் நிதி நிலை வழக்கத்தை விட சிறப்பாக இருக்கும்...
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
புதிய தலைமுறை லேண்ட்ரோவர் டிஃபென்டர் எஸ்யூவி அறிமுகம்!
புதிய தலைமுறை லேண்ட்ரோவர் டிஃபென்டர் எஸ்யூவி பிராங்க்ஃபர்ட் மோட்டார் ஷோ மூலமாக அறிமுகம் செய்யப்பட்டு இருக்கிறது.
லேண்ட்ரோவர் நிறுவனத்தின் டி7எக்ஸ் கட்டமைப்பு கொள்கையின் முற்றிலும் புதிய மாடலாக உருவாக்கப்பட்டு இருக்கிறது புதிய டிஃபென்டர். அலுமினியம் மோனோகாக் சேஸீயில்தான் புதிய டிஃபென்டர் கட்டமைக்கப்பட்டு இருக்கிறது. பழைய மாடலைவிட இந்த சேஸீ மூன்று மடங்கு அதிக உறுதித்தன்மையையும், இலகுவானதாகவும் தெரிவிக்கப்படுகிறது.
புதிய லேண்ட்ரோவர் டிஃபென்டர் எஸ்யூவி 90 மற்றும் 110 என்ற இரண்டு மாடல்களில் கிடைக்கிறது. இதில், 90 மாடலானது 6 சீட்டர் மாடலாகவும், 110 மாடலில் 7 பேர் செல்வதற்கான வாய்ப்பையும் பெற்றிருக்கிறது. மூன்றாவது வரிசை இருக்கையை மடக்கும்போது 1,075 லிட்டர் கொள்திறன் கொண்ட பூட் ரூம் இடவசதியையும், இரண்டாவது வரிசை இருக்கையை மடக்கினால் 2,380 லிட்டர் பூட்ரூம் இடவசதியையும் பெற முடியும்.
புதிய லேண்ட்ரோவர் டிஃபென்டர் எஸ்யூவி சிறந்த ஆஃப்ரோடு மாடல் என்பது தெரிந்த விஷயம்தான். புதிய தலைமுறை மாடலானது 900 மிமீ ஆழமுடைய நீர் நிலைகளை கடந்து செல்லும் சிறப்பு தொழில்நுட்ப அம்சங்களை பெற்றிருக்கிறது.
இந்த கார் 3,720 கிலோ எடையுடைய ட்ரெயிலரை இழுத்துச் செல்லும் திறனையும் பெற்றிருக்கிறது.இதன் கூரையில் மட்டும் 300 கிலோ எடையை தாங்கும் வலிமையுடன் கட்டமைக்கப்பட்டுள்ளது.
புதிய லேண்ட்ரோவர் டிஃபென்டர் எஸ்யூவியானது 291 மிமீ கிரவுண்ட் கிளியரன்ஸ் கொண்டது. இதனால், எந்தவொரு சாலைகளையும் அனாயசமாக கடந்து செல்லும். ஏற்ற, இறக்கமான சாலைகளிலும் வெகு எளிதாக முன்னேறுவதற்கும், இறங்குவதற்குமான வடிவமைப்பு சிறப்புகளை இந்த கார் பெற்றுள்ளது.
புதிய லேண்ட்ரோவர் டிஃபென்டர் எஸ்யூவியானது இரண்டு பெட்ரோல் மற்றும் இரண்டு டீசல் எஞ்சின்கள் என 4 விதமான தேர்வுகளில் கிடைக்கும். பெட்ரோல் மாடலில் மைல்டு ஹைப்ரிட் தொழில்நுட்பம் இடம்பெற்றுள்ளது. பிளக் இன் ஹைப்ரிட் மாடலிலும் வர இருப்பதாக லேண்ட்ரோவர் தெரிவித்துள்ளது. 8 ஸ்பீடு ஆட்டோமேட்டிக் கியர்பாக்ஸ் இணைக்கப்பட்டு இருக்கிறது.
இந்த ஆஃப்ரோடு எஸ்யூவியில் நிரந்தரமான ஆல் வீல் டிரைவ் சிஸ்டம் கொடுக்கப்பட்டு இருப்பதுடன், எந்நேரமும் இயங்கு நிலையில் உள்ள ரியர் லாக்கிங் டிஃபரென்ஷியல் இருப்பது் இதனை முழுமையான ஆஃப்ரோடு மாடலாக பரைசாற்றுகிறது. இந்த காரில் டெர்ரெயின் 2 ரெஸ்பான்ஸ் சிஸ்டம் என்ற ஆஃப்ரோடு தொழில்நுட்பமும் உள்ளது.
புதிய லேண்ட்ரோவர் டிஃபென்டர் எஸ்யூவியில் இனன்ஃபோடெயின்மென்ட் சிஸ்டம் இடம்பெற்றிருக்கிறது. நேரடியாக இதன் சாஃப்ட்வேரை அப்டேட் செய்்யும் வசதியையும் வழங்குகிறது. அதேநேரத்தில், சாதாரண வகை ஏசி கட்டுப்பாட்டு சுவிட்சுகள் இடம்பெற்றுள்ளது.
புதிய லேண்ட்ரோவர் டிஃபென்டர் எஸ்யூவியானது ஸ்டான்டர்டு, இ, எஸ்இ மற்றும் எச்எஸ்இ ஆகிய நான்கு வேரியண்ட்டுகளில் கிடைக்கும். அத்துடன், எக்ஸ்ப்ளோரர், அட்வென்ச்சர், கன்ட்ரி மற்றும் அர்பன் பேக் ஆகிய நான்குவிதமான ஆக்சஸெரீ பேக்கேஜ்களுடன் வர இருக்கிறது.