Just In
- 2 hrs ago பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்
- 3 hrs ago 140 பேர் தான் இந்த ஸ்கூட்டரை வாங்க முடியும்! அதுக்கு மேல எவ்வளவு கோடி குடுத்தாலும் கிடைக்காது!
- 4 hrs ago இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- 5 hrs ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
Don't Miss!
- Finance எலான் மஸ்க இந்தியாவுக்கு இப்போ வரலை.. நரேந்திர மோடி அரசுக்கு ஷாக்..!!
- News செட்டில்மென்ட் பத்திரம்.. நீங்க சொத்து வாங்கறீங்களா? தான பத்திரத்தில் இது ரொம்ப மேஜர்.. அடேங்கப்பா
- Movies நடிகருடன் காதல்.. திருமணத்திற்கு முன்பே தெரிந்த உண்மை.. நிதி அகர்வால் எடுத்த அதிரடி முடிவு!
- Sports IPL 2024 : ஐபிஎல் வரலாற்றிலேயே எந்த விக்கெட் கீப்பரும் செய்யாத பிரம்மாண்ட சாதனையை செய்த தோனி
- Lifestyle இந்த 4 ராசிக்காரர்களில் ஒருவர் உங்க நண்பராக இருந்தா நீங்க வாழக்கையில் எதுக்குமே கவலைப்பட வேணாமாம்...!
- Technology ஆர்டர் பிச்சிக்கும் பாருங்க.. ரூ.10,000 போதும்.. 108MP கேமரா.. 256GB மெமரி.. வருகிறது itel போன்.. எந்த மாடல்?
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
இந்தியாவிற்கு கிடைத்த பெருமை... நம்ம ஊரு ஆட்டோக்கள் இங்கிலாந்தில் கெத்தாக வலம் வர காரணம் இதுதான்...
நம்ம ஊரு ஆட்டோ ரிக்ஸாக்கள், இங்கிலாந்து நகர சாலைகளில் பயணிகளை ஏற்றிக்கொண்டு கெத்தாக வலம் வந்து கொண்டுள்ளன.
இந்தியாவை சேர்ந்த ஓலா கேப்ஸ் (Ola Cabs) நிறுவனம் கர்நாடக மாநில தலைநகர் பெங்களூரை தலைமை இடமாக கொண்டு செயல்பட்டு வருகிறது. கடந்த 2010ம் ஆண்டு டிசம்பர் மாதம் தொடங்கப்பட்ட ஓலா கேப்ஸ், இடைப்பட்ட ஆண்டுகளில் பிரம்மாண்ட வளர்ச்சியை சந்தித்துள்ளது. இந்தியா மட்டுமல்லாது, ஆஸ்திரேலியா, நியூசிலாந்து, இங்கிலாந்து உள்ளிட்ட நாடுகளிலும் ஓலா கேப்ஸ் சேவையாற்றி வருகிறது.
ஓலா கேப்ஸ் நிறுவனம் முதல் முறையாக கால் பதித்த வெளிநாடு ஆஸ்திரேலியாதான். கடந்த 2018ம் ஆண்டு ஜனவரி மாதம் ஆஸ்திரேலியாவில் ஓலா கேப்ஸ் தனது சேவையை விரிவுபடுத்தியது. இதன்பின் அதே ஆண்டு ஆகஸ்ட் மாதம் இங்கிலாந்து நாட்டில் ஓலா கேப்ஸின் சேவை தொடங்கப்பட்டது. ஓலா கேப்ஸ் சேவையை பெற்ற முதல் இங்கிலாந்து நகரம் கார்டிப் (Cardiff).
கார்டிப்பை தொடர்ந்து, 2018ம் ஆண்டு அக்டோபர் மாதம் பிரிஸ்டல் (Bristol) நகருக்கும், நவம்பர் மாதம் பாத் (Bath) மற்றும் எக்ஸீடர் (Exeter) ஆகிய நகரங்களுக்கும் ஓலா கேப்ஸ் சேவை விரிவாக்கம் செய்யப்பட்டது. ஆக மொத்தம் இங்கிலாந்து நாட்டின் நான்கு நகரங்களில் ஓலா கேப்ஸ் சேவை வழங்கப்பட்டு வருகிறது.
இந்த சூழலில், ஓலா கேப்ஸ் நிறுவனத்தின் சேவை கிடைக்கும் 5வது நகரமாக உருவெடுத்துள்ளது லிவர்பூல் (Liverpool). லிவர்பூல் நகரில் ஓலா கேப்ஸ் நிறுவனத்தின் சேவை சமீபத்தில் தொடங்கப்பட்டது. அங்கு ஆட்டோ ரிக்ஸாக்கள் மூலம் சேவையாற்றி வருகிறது ஓலா. இதற்காக இந்தியாவின் பஜாஜ் மற்றும் இத்தாலியின் பியாஜியோ ஆகிய நிறுவனங்களின் ஆட்டோ ரிக்ஸாக்களை அங்கு களமிறக்கியுள்ளது.
இந்திய அளவில் ஓலா கேப்ஸ் ஆதிக்கம் செலுத்தினாலும், சர்வதேச அளவில் உபேர் (Uber) நிறுவனத்தின் கையே ஓங்கியுள்ளது. உபேர் நிறுவனம் அமெரிக்காவை சேர்ந்தது. உலகின் பல்வேறு நாடுகளிலும் தற்போது உபேர் நிறுவனத்தின் சேவை கிடைத்து வருகிறது. உபேர் நிறுவனத்தை ஓவர் டேக் செய்யும் விதமாகதான் தற்போது லிவர்பூல் நகரில் ஓலா கேப்ஸ் சேவை தொடங்கப்பட்டுள்ளது.
அங்கு முதல் நாளின்போது பயணிகளுக்கு இலவச சேவை வழங்கி அசத்தியுள்ளது ஓலா கேப்ஸ். இந்திய சாலைகளில் தற்போது பல்லாயிரக்கணக்கான ஆட்டோ ரிக்ஸாக்கள் வலம் வந்து கொண்டுள்ளன. மாநிலத்திற்கு மாநிலம் ஆட்டோ ரிக்ஸாக்களின் நிறம் மாறினாலும், இந்திய மக்களின் மனதிற்கு மிகவும் நெருக்கமானவையாக அவை உள்ளன.
அப்படிப்பட்ட ஆட்டோ ரிக்ஸாக்கள் தற்போது இங்கிலாந்து மக்களையும் கவர்ந்திழுக்க தொடங்கி விட்டன. இந்த ஆட்டோ ரிக்ஸாக்கள் பிரகாசமான நியான் பச்சை நிறத்தில் பெயிண்ட் செய்யப்பட்டுள்ளன. இதன் டாப் கருப்பு நிறத்தில் உள்ளது. ஆட்டோ ரிக்ஸா டிரைவர்கள் அனைவரும் நியான் பச்சை நிற ஜாக்கெட்களைதான் அணிந்துள்ளனர்.
நம்ம ஊர் பஜாஜ் ஆட்டோ ரிக்ஸாக்கள், இங்கிலாந்து நகர சாலைகளில் அந்நாட்டு பயணிகளை சுமந்து சென்று கொண்டிருப்பதற்கு காரணமாக உள்ள ஓலா கேப்ஸ் நிறுவனத்திற்குதான் நன்றி சொல்ல வேண்டும். ஆட்டோ ரிக்ஸா சேவைக்கு லிவர்பூல் மக்களிடையே பெரும் வரவேற்பு கிடைத்துள்ள நிலையில், இந்த கண் கொள்ளா காட்சியை நீங்கள் கீழே காணலாம்.
|
முதல் நாளில் இலவச சேவை வழங்கியதுடன் மட்டுமல்லாது, ஓலா கேப்ஸின் வருகையை குறிக்கும் வகையில், இன்னும் பல அறிமுக சலுகைகளும் வழங்கப்பட்டுள்ளன. இதில், கூகுள் ப்ளே (Google Play) அல்லது ஆப் ஸ்டோரில் (App Store) கிடைக்கும் ஆப்பை, ஏப்ரல் இறுதிக்கு முன்பாக டவுன்லோடு செய்யும் வாடிக்கையாளர்களுக்கு 50 சதவீத தள்ளுபடி என்ற சலுகையும் ஒன்று என தகவல்கள் வெளியாகியுள்ளன.
இது குறித்து ஓலா யுகேவின் (Ola UK) நிர்வாக இயக்குனர் பென் லெக் (Ben Legg) கூறுகையில், ''பயணிகளுடன் பயணம் செய்தேன். இதன்மூலம் பயணிகள் எதிர்கொள்ளும் சவால்கள் குறித்து தெரிந்து கொள்ளவும், அதுகுறித்து விவாதிக்கவும் வாய்ப்பு கிடைத்தது. எங்கள் புதிய தொழில்நுட்பங்கள் மூலம் நாங்கள் அவர்களுக்கு உதவுவோம்'' என்றார்.