Just In
- 1 hr ago இது பஸ்ஸா இல்ல பென்ஸ் காரா? சென்னைக்கு வரப்போகும் புதிய அரசு பஸ் பற்றி தெரியுமா?
- 2 hrs ago காருக்கு இன்சூரன்ஸ் எடுக்கும் போது இதெல்லாம் செக் பண்ணலேன்னா காசெல்லாம் வீணா போயிடும்!
- 4 hrs ago இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- 5 hrs ago வெறும் 1 மணி நேரத்தில் சென்னைல இருந்து பெங்களூர் போயிரலாம்! உலகையே மிரள வைக்கும் புல்லட் ரயில் சீறி பாய போகுது
Don't Miss!
- Sports "கப் ஜெயிக்கலை ஆனா தெனாவெட்டு மட்டும்.." கோலி, ஆர்சிபிக்கு எதிராக பொங்கிய கவுதம் கம்பீர்
- News ‛‛பெரிய டாஸ்க்’’.. அண்ணாமலையை அதிகம் நம்பும் பிரதமர்! பாஜக கலந்துரையாடலில் மோடி ஓபன்டாக்!
- Movies GOAT: தளபதி ’கோட்’ படத்துல ’தல’ நடிக்கிறாரா?.. தீயாய் பரவும் தகவல்.. உண்மை என்ன?
- Technology iPhone SE 4 இல் OLED டிஸ்பிளே.. Samsung-கிற்கு டேக்கா கொடுத்த ஆப்பிள்.. OLED டிஸ்பிளேவை தயாரிக்க போவது யார்?
- Finance அமெரிக்காவையே அதிர வைத்த நிதி மோசடி.. கிரிப்டோ கிங் பேங்க்மேன் ஃபிரைடுக்கு 25 ஆண்டுகள் சிறை
- Education நெட் தேர்வு மதிப்பெண் அடிப்படையில் பிஎச்.டி. படிப்பில் சேரலாம்: யுஜிசியின் புதிய அறிவுறுத்தல
- Travel தமிழ்நாட்டுக்குள் இருக்கிற தாஜ்மஹாலுக்கு நீங்க போய் இருக்கீங்களா – தாய்க்காக தாஜ்மஹால் கட்டிய மகன்!
- Lifestyle இந்தியாவிலிருந்து ஆங்கிலேயர்கள் திருடிட்டு போன விலைமதிப்பில்லாத பொக்கிஷங்கள்... இதோட மதிப்பு என்ன தெரியுமா?
சொகுசு காருக்கு வரி கட்டுவதை தவிர்க்க இந்த அரசியல்வாதி செய்த காரியத்தை பார்த்தீங்களா?
மெர்சிடிஸ் பென்ஸ் சொகுசு காருக்கான வரி கட்டுவதை தவிர்க்கும் விதத்தில், நூதன மோசடியில் ஈடுபட்ட அரசியல்வாதியை போலீசார் தேடி வருகின்றனர்.
பெங்களூர், யஷ்வந்த்பூர் வட்டார போக்குவரத்து அதிகாரியின் அலுவலகத்திற்கு அடுத்தடுத்த நாட்களில் வந்த இரண்டு சொகுசு கார்களின் பதிவு எண்களும் ஒரே மாதிரி இருந்துள்ளது. மேலும், இரண்டும் மெர்சிடிஸ் பென்ஸ் இ க்ளாஸ் கார்கள் என்பதும் தெரிய வந்தது. இதனை ஆர்டிஓ அதிகாரிகள் கண்டறிந்துள்ளனர். இதையடுத்து, இதுதொடர்பாக, போலீசார் உதவியுடன் விசாரணையில் இறங்கினர்.
இதில், ஒரு காரின் நம்பர் பிளேட் உண்மையானது என்பது தெரிய வந்தது. இதையடுத்து, அதே எண்ணில் வலம் வந்த மற்றொரு சொகுசு காரை வலைவீசி தேடியுள்ளனர்.
சிசிடிவி கேமராக்களின் உதவியுடன் அந்த காரை பெங்களூர் போக்குவரத்து போலீசார் தீவிரமாக கண்காணித்தனர். இதில், அந்த கார் பெங்களூர் கெங்கேரி பகுதியில் இருப்பது தெரிய வந்தது.
இதையடுத்து, போலீசார் நடத்திய விசாரணையில், கெங்கேரியிலுள்ள மைலசந்திரா பகுதியில் உள்ள ஒரு வீட்டில் அந்த சொகுசு கார் இருப்பதை போலீசார் கண்டறிந்தனர்.இதையடுத்து, காலை 5 மணியளவில் அந்த கார் நிற்கும் வீட்டிற்கு சென்ற போலீசார், அந்த சொகுசு காரை பறிமுதல் செய்ததுடன், காரின் உரிமையாளரான ராஜூ கவுடா என்பவரையும் பிடித்தனர்.
அவரிடம் நடத்திய முதல் கட்ட விசாரணையில், அவர் வைத்திருந்த மெர்சிடிஸ் பென்ஸ் இ க்ளாஸ் காரில் போலி நம்பர் பிளேட் இருப்பது உறுதியானது. மேலும், ராஜு கவுடா மண்டியாவை அடுத்த கெரகோடு பகுதியை சேர்ந்தவர் என்றும் தெரிய வந்தது.
இவர் மண்டியா அருகே கல் குவாரிகளை நடத்தி வருவதுடன் அரசியலிலும் ஈடுபட்டு வருகிறார். இவருக்கு கெங்கேரியிலும் வீடு உள்ளது. இதையடுத்து, அவரை விசாரணைக்காக, போலீசாரும், வட்டாரப் போக்குவரத்துத் துறை உயர் அதிகாரிகளும் யஷ்வந்த்பூர் ஆர்டிஓ அலுவலத்திற்கு அழைத்து வந்தனர்.
அந்த சொகுசு கார் வாங்கி மூன்று ஆண்டுகள் ஆன நிலையில், இதுவரை வட்டாரப் போக்குவரத்து அலுவலகத்தில் பதிவு செய்யப்படாமல், தற்காலிக பதிவு எண்ணுடன் ஓடியதும் தெரிய வந்துள்ளது. அவர் வைத்திருந்த மெர்சிடிஸ் பென்ஸ் இ க்ளாஸ் காருக்கு சாலை வரி, மூன்று ஆண்டுகளுக்கான அபராதம் எல்லாம் சேர்த்து, ரூ.22 லட்சம் சாலை வரி கட்ட வேண்டியிருந்தது.
இதனை தவிர்ப்பதற்காக, அவர் இவ்வாறு போலி பதிவு எண்ணை பயன்படுத்தி தனது மெர்சிடிஸ் பென்ஸ் இ க்ளாஸ் சொகுசு காரை கடந்த மூன்று ஆண்டுகளாக பயன்படுத்தி வந்துள்ளார்.
இதனிடையே, சொகுசு கார் பறிமுதல் செய்யப்பட்ட நிலையில், யஷ்வந்த்பூர் வட்டாரப் போக்குவரத்து அலுவலகத்தில் வைத்து விசாரணை நடத்தப்பட இருந்தது. இந்த நிலையில், ராஜூ கவுடா அந்த அலுவலகத்திலிருந்து சுவர் ஏறி குதித்து தப்பிவிட்டார். இதையடுத்து, அவரை பிடிப்பதற்கான முயற்சிகளில் போலீசார் ஈடுபட்டுள்ளனர்.
சொகுசு கார்களுக்கு பல லட்சம் ரூபாய் சாலை வரியாக விதிக்கப்படுகிறது. இதனை தவிர்ப்பதற்காக, அரசியல்வாதிகளும், சினிமா நட்சத்திரங்களும் பல்வேறு மோசடிகளில் ஈடுபடும் சம்பவங்கள் தொடர்கதையாகிவிட்டது. கடந்த ஆண்டு நடிகை அமலாபால் இதேபோன்று தனது மெர்சிடிஸ் பென்ஸ் சொகுசு காருக்கு வரி கட்டுவதை தவிர்க்க மோசடி செய்ததாக வெளியான சம்பவம் பெரும் பரபரப்பை ஏற்படுத்தியது.
Source: Bangalore Mirror
-
சொகுசு வாழ்க்கையில் மிதக்கும் விஜய் பட வில்லன்!! கார்களை விற்றாலே பல தலைமுறைக்கு உட்கார்ந்து சாப்பிடலாம்!
-
6ம் மாசத்துக்கு அப்புறம் எப்பே வேணும்னாலும் இந்த காரை இந்தியாவில் எதிர்பார்க்கலாம்! சிட்ரோன் பசால்டு வெளியீடு!
-
ரோட்டோர ஒர்க் ஷாப்பில் 8 கோடி ரூபாய் ரோல்ஸ் ராய்ஸ் கார்! வாங்கறது பெருசு இல்ல! மெயின்டெயின் பண்றதுதான் பெருசு!