Just In
- 3 hrs ago உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- 5 hrs ago சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- 8 hrs ago எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- 10 hrs ago சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
Don't Miss!
- Finance தங்கம் விலை வரலாற்று உச்சம்.. மீண்டும் மீண்டுமா.. எப்பதான் தங்கம் வாங்க முடியும்..?!
- Movies தமிழக வெற்றிக் கழகத்தின் தலைவராச்சே.. ஓட்டுப் போடாமல் விட்டுடுவாரா.. சென்னைக்கு விரைந்த விஜய்!
- News தமிழக போக்குவரத்து ஆணையர் சண்முக சுந்தரம் ஐஏஎஸ் சென்னை போலீசில் பரபரப்பு புகார்
- Technology பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது!
- Sports PBKS vs MI : பும்ரா பந்தில் அடித்த அந்த சிக்ஸ்.. எனது ரொம்ப நாள் ஆசை.. ஓபனாக சொன்ன அஷுதோஷ் சர்மா!
- Lifestyle சுக்கிரனின் நட்சத்திர பெயர்ச்சி: ஏப்ரல் 25 முதல் அடுத்த 10 நாட்கள் இந்த 3 ராசிக்கு அதிர்ஷ்டமா இருக்கப் போகுது.
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
புதிய முகப்பு டிசைனில் வரும் ரெனோ க்விட் கார்... ஸ்பை படங்கள்!
ரெனோ க்விட் ஃபேஸ்லிஃப்ட் மாடலின் ஸ்பை படங்கள் வெளியாகி இருக்கின்றன. டிசைனிலும், வசதிகளிலும் பல்வேறு கூடுதல் சிறப்புகளுடன் இந்த கார் வர இருக்கிறது.
அதிக சிறப்பம்சங்களுடன் மேம்படுத்தப்பட்டு இருக்கும் புதிய ரெனோ க்விட் காரின் ஃபேஸ்லிஃப்ட் மாடல் விரைவில் விற்பனைக்கு வர இருக்கிறது. பட்ஜெட் கார் வாங்க திட்டமிட்டிருப்போர் மத்தியில் அதிக ஆவலை ஏற்படுத்தி இருக்கும் இந்த புதிய மாடலின் ஸ்பை படங்கள் வெளியாகி இருக்கின்றன.
சீனாவில் அண்மையில் விற்பனைக்கு வந்த க்விட் காரின் எலெக்ட்ரிக் வெர்ஷனான K-ZE காரின் டிசைன் அம்சங்கள் அதிகம் பயன்படுத்தப்பட்டுள்ளன. இந்த காரில் முகப்பு டிசைன் முற்றிலும் மாறி இருக்கிறது.
புதிய ரெனோ க்விட் காரின் டாப் வேரியண்ட்டாக விற்பனையில் இருக்கும் க்ளிம்பர் மாடலின் படங்கள் வெளியாகி இருக்கின்றன. இதில், முகப்பு டிசைன் முற்றிலும் புதிதாக மாறி இருக்கிறது.
புதிய அலாய் வீல்கள், ரூஃப் ரெயில்கள், ஆகியவை மாறி இருக்கின்றன. இதைத்தவிர்த்து, பெரிய மாற்றங்கள் தென்படவில்லை.
பின்புறத்தில், டெயில் லைட் டிசைனில் சிறிய மாற்றங்களுடன் புதுப்பொலிவு பெற்றுள்ளது. ஸ்கிட் பிளேட்டும் உள்ளன. சாதாரண மாடலைவிட கூடுதல் வசீகரம் மிக்கதாக ஆரஞ்ச் வண்ண அலங்காரத்துடன் க்ளைம்பர் மாடல் வர இருக்கிறது.
ட்ரைபர் காரில் பயன்படுத்தப்பட்டு இருக்கும் ஸ்டீயரிங் வீல் அமைப்பு மற்றும் தொடுதிரையுடன் கூடிய இன்ஃபோடெயின்மென்ட் சிஸ்டம் புதிய ரெனோ க்விட் காரிலும் பயன்படுத்தப்பட இருப்பதாக தெரிகிறது. இதைத்தவிர்த்து, பெரிய மாற்றங்கள் தெரியவில்லை.
புதிய ரெனோ க்விட் காரில் 1.0 லிட்டர் பெட்ரோல் எஞ்சின் பயன்படுத்தப்படும் என்று தெரிகிறது. இந்த எஞ்சின் அதிகபட்சமாக 67 பிஎச்பி பவரையும், 91 என்எம் டார்க் திறனையும் வெளிப்படுத்தும். இது பிஎஸ்-6 மாசு உமிழ்வு தரத்திற்கு இணையாக எதிர்பார்க்கப்படுகிறது. மேனுவல் கியர்பாக்ஸ் மற்றும் ஏஎம்டி கியர்பாக்ஸ் தேர்வுகளில் எதிர்பார்க்கப்படுகிறது.
புதிய ரெனோ க்விட் காரில் டிரைவர் பக்கத்துக்கான ஏர்பேக், இபிடியுடன் கூடிய ஏபிஎஸ் பிரேக்கிங் சிஸ்டம், ரியர் பார்க்கிங் சென்சார்கள், ஸ்பீடு அலர்ட் சிஸ்டம், சீட் பெல்ட் ரிமைன்டர் ஆகியவை இடம்பெற்றிருக்கும்.
புதிய ரெனோ க்விட் கார் விரைவில் விற்பனைக்கு வர இருக்கும் மாருதி எஸ் பிரெஸ்ஸோ, ஹூண்டாய் சான்ட்ரோ, டாடா டியாகோ உள்ளிட்ட கார் மாடல்களுடன் போட்டிபோடும். விலையும் சற்று அதிகமாக நிர்ணயிக்கப்படும்.
ஸ்பை படங்கள் உதவி: காடிவாடி