Just In
- 1 hr ago இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- 2 hrs ago வெறும் 1 மணி நேரத்தில் சென்னைல இருந்து பெங்களூர் போயிரலாம்! உலகையே மிரள வைக்கும் புல்லட் ரயில் சீறி பாய போகுது
- 3 hrs ago பெட்ரோல் போடுவதை போல ஹைட்ரஜனை நிரப்பிட்டா 3,000 கிமீ நிற்காம போகும்! உலக சாதனை படைத்த ரயில்!
- 4 hrs ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
Don't Miss!
- Movies குழந்தை இருந்தாலும் பரவாயில்லை..மீனாவை திருமணம் செய்ய தயார்.. புயலை கிளப்பிய யூட்யூபர்
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
- Lifestyle April Horoscope 2024: ஏப்ரல் மாதம் இந்த ராசிக்காரர்களுக்கு பண மழை பொழியப் போகுது...
- Technology ரூ.17,000 பட்ஜெட்ல பரபரப்பு! 70W சார்ஜிங், 6000mAh பேட்டரி, 24GB ரேம், 1TB மெமரி, 5G ஆதரவு.. ஏப்.4 முதல் SALE!
- News தேனி அருகே ஒரு குடும்பத்தைச் சேர்ந்த 3 பேர் அடுத்தடுத்து உயிரிழப்பு.. போலீசார் தீவிர விசாரணை
- Sports ரூ.8.4 கோடியை மறந்துவிடு.. உன்னோட வேலை அதுமட்டும் தான்.. தோனியின் வார்த்தை குறித்து சிஎஸ்கே சிங்கம்!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
உருவத்துக்கும் வேகத்துக்கும் சம்பந்தம் இல்லையே... 150 கிமீ வேகத்தில் பறந்த ரெனோ ட்ரைபர் கார்
கடந்த மாதம் ரெனோ ட்ரைபர் மினி எம்பிவி கார் இந்தியாவில் பொது பார்வைக்கு வந்தது. வெறும் 4 மீட்டர் நீளத்திற்குள் வடிவமைக்கப்பட்டுள்ள இந்த 7 சீட்டர் மாடல் மிக குறைவான பட்ஜெட்டில் எதிர்பார்க்கப்படுகிறது. அதாவது, ரூ.4.5 லட்சம் என்ற மிக சவாலான விலையில் இந்த 7 சீட்டர் கார் வர இருப்பதாக தகவல்கள் கூறுகின்றன.
ஹேட்ச்பேக் கார்களுக்கு மாற்றாக இந்த கார் சிறப்பான நடைமுறை பயன்பாட்டு விஷயங்களுடன் வர இருப்பது வாடிக்கையாளர் மத்தியில் அதிக ஆவலை எழுப்பி இருக்கிறது. மூன்றாவது இருக்கையை எளிதாக கழற்றி மாட்டும் வசதியுடன் வருவதுடன், அதிக அளவிலான பூட் ரூம் இடவசதியையும் பெறும் வாய்ப்பை இந்த மினி எம்பிவி கார் வழங்கும் என்பதே ஆவலை தூண்டும் விஷயம்.
எனினும், இந்த 7 சீட்டர் காரில் 1.0 லிட்டர் பெட்ரோல் எஞ்சின் கொடுக்கப்பட இருப்பது பலருக்கு ஏமாற்றத்தை தரும் விஷயமாக பார்க்கப்பட்டது. முழு பாரத்துடன் செல்லும்போது இதன் எஞ்சின் செயல்திறன் எவ்வாறு இருக்கும், மலைப்பிரதேசங்களில் இதன் செயல்திறன் போதுமானதாக இருக்குமா என்ற கேள்விகள் மனதை துளைத்துக் கொண்டுள்ளன.
இந்த சூழலில், சாலை சோதனைக்கு உட்படுத்தப்பட்டு இருக்கும் ரெனோ ட்ரைபர் கார் ஒன்று நெடுஞ்சாலையில் சீறிப்பாய்ந்து செல்லும் வீடியோவை ஜெகதீஷ் ஜெகன் என்பவர் வெளியிட்டுள்ளார். அதில், அவர் ரெனோ ட்ரைபர் காரை பின்தொடர்ந்து செல்கிறார்.
அப்போது, ரெனோ ட்ரைபர் கார் 100 கிமீ வேகத்தை கடந்து அனாயசமாக பயணிக்கிறது. அத்துடன், சில வாகனங்களையும், கார்களையும் எளிதாக ஓவர்டேக் செய்து செல்வதையும் காண முடிகிறது. இறுதியில் ஜெகதீஸ் ஜெகன் கூறியிருப்பதுபடி, மணிக்கு 150 கிமீ மேல் வேகத்தில் ரெனோ ட்ரைபர் கார் செல்வதாக அவர் தெரிவித்துள்ளார்.
அவரால் கடைசி வரை ரெனோ ட்ரைபர் காரை நெருங்க முடியவில்லை. நெடுஞ்சாலையில் அந்த கார் சிட்டாய் பறந்து செல்வதை வீடியோவை பார்த்த பலரும் ஆச்சர்யத்துடன் கருத்து தெரிவித்து வருகின்றனர்.
நெடுஞ்சாலையில் கார்கள் 100 முதல் 150 கிமீ வேகத்தில் செல்வது புதிய விஷயமல்ல. தலைப்பில் நாம் உருவம் என்று குறிப்பிடுவது இதன்எஞ்சின் திறனைத்தான். ரெனோ ட்ரைபர் காரில் இருப்பது 72 பிஎஸ் பவரை அளிக்கும் 1.0 லிட்டர் பெட்ரோல் எஞ்சின். இதனை வைத்துக்கொண்டு இந்த வேகத்தில் பறப்பதுதான் பலரும் வியப்பாக பார்ப்பதற்கான காரணம். இந்த கார் 5 ஸ்பீடு மேனுவல் கியர்பாக்ஸ் அல்லது ஏஎம்டி கியர்பாக்ஸ் தேர்வுகளில் வர இருக்கிறது.
சாலை சோதனைக்கு உட்படுத்தப்பட்டிருக்கும் காரில் ஓட்டுனர் மட்டுமே இருப்பதால், இந்த வேகத்தில் எளிதாக செல்கிறது. ஆனால், 7 பேர் பயணிக்கும்போது இந்த காரின் கையாளுமை மற்றும் எஞ்சின் செயல்திறன் எவ்வாறு இருக்கும் என்பதை ஓட்டி பார்க்கும்போதுதான் தெரிய வரும்.
புதிய ரெனோ ட்ரைபர் காரில் ஏராளமான சிறப்பு தொழில்நுட்ப வசதிகள் இடம்பெற இருக்கின்றன. தொடுதிரையுடன் கூடிய இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் க்ளஸ்ட்டர் ஆகியவையும் இடம்பெற இருக்கிறது. டட்சன் கோ ப்ளஸ் காரைவிட தோற்றத்தில் மிடுக்காக கூடுதல் சிறப்பம்சங்களை பெற்றிருப்பதால், நிச்சயம் சிறப்பானதாக இருக்கும்.