Just In
- 28 min ago இவ்ளோ அழகா பிக்-அப் டிரக்கா! குடும்பத்தோட மட்டுமல்ல வீட்டையே காலி பண்ணிட்டு போகலாம்.. நிறைய வழிகளில் யூஸ் பண்ண
- 47 min ago கியா களமிறக்கும் புது எலெக்ட்ரிக் காரின் விலை இவ்ளோதானா! பெட்டி கடைல கடலை மிட்டாய் விக்கற மாதிரி விக்க போகுது!
- 3 hrs ago இவ்வளவு கம்மி விலையா? பஜாஜ் பல்சர் 400 பைக்கின் அறிமுக தேதி உறுதியானது!
- 3 hrs ago இந்தியாவை தாண்டினால் டாடா கார்களுக்கு மவுசு கிடையாது!! 5-ஸ்டார் ரேட்டிங் கார்களுக்கு இப்படியொரு நிலைமையா!
Don't Miss!
- Technology SBI வங்கி கணக்குடன் உங்களது புதிய மொபைல் எண் இணைக்க வேண்டுமா? இதோ எளிய வழிமுறைகள்..
- Sports ஒதுக்கி வைக்கப்பட்டாரா? ஐபிஎல் தொடரின் நம்பர் 1 பவுலருக்கு இந்திய அணியில் இடமில்லை.. காரணம் என்ன?
- Movies Actor Kamal haasan: டெல்லியில் துவங்கிய தக் லைஃப் பட சூட்டிங்.. கமல் எப்ப ஜாயின் ஆகுறாரு தெரியுமா?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- News ஆக்கிரமிப்பு நிலமா? எவ வேலுவின் மனைவி தலைவராக உள்ள கல்லூரி உரிமத்தை ரத்து செய்ய மறுத்த ஹைகோர்ட்
- Lifestyle இரத்தத்தில் ஹீமோகுளோபின் அளவு அதிகரிக்கனுமா?.. இதை சாப்பிடுங்கள்..!
- Finance புது ATM கார்டு ரூல்ஸ்.. இனி ஆன்லைன் மோசடிக்கு வாய்ப்பே இல்ல!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
சுஸுகி ஜிம்னி எஸ்யூவி மிக விரைவில் இந்தியாவில் விற்பனைக்கு வருகிறது
புதிய தலைமுறை சுஸுகி ஜிம்னி எஸ்யூவி மிக விரைவில் இந்தியாவில் விற்பனைக்கு அறிமுகம் செய்யப்பபட இருப்பது தெரிய வந்துள்ளது.
மாருதியின் தாய் நிறுவனமான சுஸுகி வெளிநாடுகளில் ஜிம்னி என்ற அடக்க வகை எஸ்யூவி மாடலை விற்பனை செய்து வருகிறது. ஆஃப்ரோடு அம்சங்கள் நிறைந்த இந்த புத்தம் புதிய மினி எஸ்யூவி இந்தியாவில் அறிமுகம் செய்யப்பட இருப்பதாக சில தினங்களுக்கு முன் செய்தி வெளியிட்டு இருந்தோம்.
இந்த நிலையில், கடந்த ஆண்டு வெளிநாடுகளில் அறிமுகம் செய்யப்பட்ட புதிய தலைமுறை சுஸுகி ஜிம்னி எஸ்யூவி இந்த ஆண்டு இறுதிக்குள் இந்தியாவில் அறிமுகம் செய்யப்பட இருப்பதாக கார் அண்ட் பைக் தளம் செய்தி வெளியிட்டு இருக்கிறது.
இந்தியாவில் மிக நீண்ட காலமாக இருந்து வரும் மாருதி சுஸுகி ஜிப்ஸி எஸ்யூவிக்கு மாற்றாக புதிய சுஸுகி ஜிம்னி எஸ்யூவி விற்பனைக்கு கொண்டு வரப்பட இருக்கிறது. ஆனால், இந்தியாவில் ஜிப்ஸி பெயரில்தான் விற்பனை செய்யப்பட இருப்பதாகவும் தகவல்கள் கூறுகின்றன.
மேலும், வெளிநாடுகளில் விற்பனையில் இருக்கும் மாடலைவிட இந்தியாவில் விற்பனைக்கு வர இருக்கும் மாடலின் வடிவம் சற்றே பெரிதாக இருக்கும் என்றும் தெரிகிறது. இதற்காக, சில மாற்றங்களுடன் இந்தியாவில் புதிய தலைமுறை ஜிப்ஸி மாடலாக ஜிம்னி வர இருக்கிறது.
சுஸுகி ஜிம்னி சியாரா மாடலில் பயன்படுத்தப்படும் எஞ்சின், கியர்பாக்ஸ் உள்ளிட்ட முக்கிய பாகங்கள் இந்தியாவில் அறிமுகம் செய்யப்பட இருக்கும் மாடலிலும் பயன்படுத்தப்படும்.
புதிய சுஸுகி ஜிம்னி எஸ்யூவி இந்தியாவில் நெக்ஸா பிரிமீயம் ஷோரூம்கள் வாயிலாக விற்பனை செய்யப்பட இருப்பதாகவும் தகவல்கள் தெரிவிக்கின்றன. இதனால், பிரிமீயம் வகை மினி எஸ்யூவி மாடலாக நிலைநிறுத்தப்படும்.
வெளிநாடுகளில் சுஸுகி ஜிம்னி சியாரா எஸ்யூவி 3 கதவுகள் பொருத்தப்பட்ட மாடலாக விற்பனை செய்யப்படுகிறது. ஆனால், இந்தியாவில் 5 கதவுகள் பொருத்தப்பட்ட மாடலாக மாற்றங்கள் செய்யப்பட்டு ஜிப்ஸி பிராண்டில் வர இருக்கிறது.
அதேநேரத்தில், புதிய தலைமுறை சுஸுகி ஜிம்னி எஸ்யூவி இந்தியாவில் 4 மீட்டருக்கும் குறைவான நீளத்தை பெற்றிருக்கும். இதனால், வரிச்சலுகை பெறுவதற்கான வாய்ப்பையும் பெற இயலும்.
புதிய சுஸுகி ஜிம்னி எஸ்யூவியில் 1.5 லிட்டர் கே-15 சீரிஸ் பெட்ரோல் எஞ்சின் பயன்படுத்தப்படும் என்று தெரிகிறது. இதே எஞ்சின்தான் எர்டிகா, சியாஸ் கார்களில் பயன்படுத்தப்படுகிறது. 5 ஸ்பீடு மேனுவல் கியர்பாக்ஸ் அல்லது 4 ஸ்பீடு ஆட்டோமேட்டிக் கியர்பாக்ஸ் தேர்வுகளில் கிடைக்கும்.
குஜராத்தில் உள்ள சுஸுகி கார் ஆலையில் புதிய தலைமுறை மாருதி ஜிப்ஸி கார் உற்பத்தி செய்யப்படும். இந்த புதிய மினி எஸ்யூவியை மிக சவாலான விலையில் இந்தியாவில் மாருதி சுஸுகி அறிமுகம் செய்யும் என்று எதிர்பார்க்கப்படுகிறது.