Just In
- 4 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 5 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 5 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 6 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
புதிய டாடா கிராவிட்டாஸ் எஸ்யூவி க்ராஷ் டெஸ்ட் மறைப்புடன் சோதனை ஓட்டம்...
டாடா நிறுவனத்தில் இருந்து அடுத்த ஆண்டு அறிமுகமாகவுள்ள கிராவிட்டாஸ் எஸ்யூவி க்ராஷ் டெஸ்ட்டிற்கு பயன்படுத்தக்கூடிய மறைப்புடன் சோதனை ஓட்டத்தில் ஈடுப்படுத்தப்பட்டுள்ளது. இதுகுறித்த தகவல்களை இந்த செய்தியில் காணலாம்.
டாடா கிராவிட்டாஸ் காரின் பொது சாலை சோதனை ஓட்ட புகைப்படங்களை கடந்த வாரங்களில் பல முறை பார்த்திருப்போம். ஆனால் இந்த கார் இவ்வாறு க்ராஷ் டெஸ்ட் மறைப்புடன் ஈடுப்படுவது இதுவே முதல்முறை.
வாடிக்கையாளர்களின் பெரிய எதிர்பார்ப்பில் அடுத்த ஆண்டு அறிமுகமாகவுள்ள கார்களில் ஒன்றாக விளங்கும் டாடா கிராவிட்டாஸ் இந்த சோதனை ஓட்டத்தில் அதிக உருவ மறைப்புடன் ஈடுப்படுத்தப்பட்டுள்ளது. இவ்வளவு ஏன், காரின் வடிவம் கூட சரியாக இல்லை.
பொது மக்களின் விற்பனைக்கு ஒரு கார் செல்வதற்கு முன்னதாக கண்டிப்பாக க்ராஷ் டெஸ்ட்டில் அந்த கார் ஈடுப்படுத்தப்பட்டிருக்க வேண்டும். அந்த வகையில் டாடா கிராவிட்டாஸ் காரும் விரைவில் க்ராஷ் டெஸ்ட்டிற்கு அனுப்பப்படலாம். இது அதற்கு முந்தைய சோதனை ஓட்டமாக இருக்கலாம்.
க்ராஷ் டெஸ்ட்டிற்கு அனுப்பப்படும் கார்களில் இத்தகைய மறைப்புகள், ஸ்பெஷல் கோட்டிங்கில் பெயிண்ட்களாகவோ அல்லது காருக்கு சரியான அங்கீகாரம் கிடைக்க வேண்டும் என்பதற்காக பிரகாசமான நிறங்களாகவோ கொடுக்கப்படுகின்றன.
பெயிண்ட் மட்டுமில்லாமல் டேட்டா அனலைசிஸ் மற்றும் அளவீடுகளை துல்லியமாக காட்டும் கருவிகள் போன்றவையும் இந்த க்ராஷ் டெஸ்ட் மறைப்பில் கொடுக்கப்பட்டிருக்கும். ஆனால் இத்தகைய க்ராஷ் டெஸ்ட் மறைப்புடன் சோதனை ஓட்டத்தில் கார் ஈடுப்படுத்தப்படுவது அரிதானது.
டாடா ஹெரியர் மாடலின் அடுத்த தலைமுறை காராக கிராவிட்டாஸ் அறிமுகமானாலும் தனக்கென சில தனித்துவங்களையும் பெற்றுள்ளது. அதாவது இந்த கிராவிட்டாஸ் எஸ்யூவி காரில் கூடுதல் இருக்கை வரிசை மற்றும் பொருட்களை ஏற்றி செல்ல மேற்புறத்தில் தண்டவாளங்களை கொண்டுள்ளது. மேலும் கூடுதல் இருக்கை வரிசையினால் காரின் நீளம் அதிகரிக்கப்பட்டிருப்பது மட்டுமில்லாமல் வெளிப்புறத்தில் கூடுதலாக பேனல் சேர்க்கப்பட்டிருக்கிறது.
காரின் பின்புற டிசைன் சிறிது டாடா சவாரியில் இருந்து எடுக்கப்பட்டிருக்கிறது. நவீன தொழிற்நுட்பங்கள் லேண்ட் ரோவரின் டிஸ்கவரி மாடலில் இருந்து கொடுக்கப்பட்டுள்ளது. மற்றப்படி முன்புற ஹெட்லைட் பொசிஷன் உள்ளிட்டவற்றில் ஹெரியரை தான் கிராவிட்டாஸ் எஸ்யூவி பின்பற்றியுள்ளது.
ஏனெனில் இந்த இரு மாடல்களும் டாடா நிறுவனத்தின் புதிய ஒமேகா ஆர்க் ப்ளாட்ஃபாரத்தில் தான் தயாரிக்கப்பட்டுள்ளன. டாடாவின் இந்த புதிய ஒமேகா ஆர்க் ப்ளாட்ஃபாரம் லேண்ட் ரோவரின் டி8 கட்டமைப்பில் இருந்து பெறப்பட்டது குறிப்பிடத்தக்கது.
அதேபோல் டாடா ஹெரியரில் உள்ள 2.0 லிட்டர் டீசல் என்ஜின் தான் இந்த 2020 கிராவிட்டாஸ் எஸ்யூவியிலும் பொருத்தப்பட்டுள்ளது. இந்த என்ஜின் டாடா ஹெரியரில் 138 பிஎச்பி பவரையும் 350 என்எம் டார்க் திறனையும் வெளிப்படுத்துகிறது. எம்ஜி ஹெக்டர் மற்றும் ஜீப் கேம்பஸிலும் இந்த என்ஜின் அமைப்பு தான் பொருத்தப்பட்டுள்ளது. ஆனால் அவற்றில் வெவ்வேறான ஆற்றல்களை வெளிப்படுத்துகிறது.
இதனால் இந்த என்ஜின் கிராவிட்டாஸ் எஸ்யூவி-லும் அதிக ஆற்றலை வெளிப்படுத்தும் என எதிர்பார்க்கலாம். அதாவது 170 பிஎச்பி வரையில் ஆற்றலை கூடுதலாக வெளிப்படுத்தும் வகையில் இருக்கலாம். ட்ரான்ஸ்மிஷன் தேர்வுகளாக 6-ஸ்பீடு மேனுவல் கியர்பாக்ஸ் நிலையாகவும் டாப் வேரியண்ட்களுக்கு மட்டும் ஆட்டோமேட்டிக் கியர்பாக்ஸ் கூடுதலாகவும் வழங்கப்படவுள்ளது.
2020 ஆட்டோ எக்ஸ்போவில் அறிமுகமாகவுள்ள இந்த கார் இந்திய சந்தையில் ரூ.14 லட்சம் வரையில் விற்கப்படலாம் என எதிர்பார்க்கப்படுகிறது. 2019 ஜனவரி மாதத்தில் அறிமுகப்படுத்தப்பட்ட டாடா ஹெரியரின் ஆரம்ப விலை ரூ.12.69 லட்சமாக நிர்ணயிக்கப்பட்டது குறிப்பிடத்தக்கது.
-
வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
-
இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
-
20கிலோ அரிசி மூட்டையை 4ஏத்திகிட்டு நீங்களும் அமர்ந்து போகலாம்! டெலிவரி சேவைக்கான சூப்பரான இ-சைக்கிள் அறிமுகம்!