Just In
- 42 min ago இந்தியா மட்டுமல்ல வெளிநாட்டுலயும் இந்த கார்கள் தான் செம ஃபேமஸ்! டாப் 10 லிஸ்ட் இதோ!
- 2 hrs ago அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- 7 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 7 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
Don't Miss!
- News "வேட்புமனு தாக்கல் போதே குழப்பம் இருந்தது.." வெடித்த சர்ச்சைக்கு.. அண்ணாமலை தந்த பரபர விளக்கம்!
- Sports எழுதி வச்சிக்கோங்க! ஆளே மாறிட்டான்..நிச்சயம் பெரிய ஆளா வருவான்.. 22 வயது வீரரை பாராட்டிய சூர்யகுமார்
- Lifestyle இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- Technology அடிச்சான் பாரு காப்பி.. அச்சு அசலா Samsung போனை வெளியிட்ட சீன கம்பெனி.. என்ன மாடல்? எப்போது அறிமுகம்?
- Finance ஐஐஎம் பெங்களூரு: 516 பேருக்கு வேலை, சாராசரி சம்பளமே ரூ.32.5 லட்சமாம்..!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
புதிய டர்போ எஞ்சினுடன் ஃபோக்ஸ்வேகன் வென்ட்டோ கார் சோதனை!
புதிய டர்போ எஞ்சினுடன் ஃபோக்ஸ்வேகன் வென்ட்டோ கார் சோதனை ஓட்டம் நடத்தப்பட்டு வருகிறது. அந்த எஞ்சின் விபரங்களை இந்த செய்தியில் காணலாம்.
அடுத்த ஆண்டு ஏப்ரல் 1 முதல் புதிய பிஎஸ்-6 மாசு உமிழ்வு விதிகள் அமலுக்கு வர இருக்கின்றன. இதற்கு தக்கவாறு எஞ்சின்களை மேம்படுத்துவதிலும் அல்லது புதிய எஞ்சின்களை பயன்படுத்துவது குறித்தும் கார் நிறுவனங்கள் தீவிரமான முயற்சிகளில் ஈடுபட்டுள்ளன.
அந்த வகையில், ஃபோக்ஸ்வேகன் நிறுவனம் புதிய 1.0 லிட்டர் டர்போ பெட்ரோல் எஞ்சினை தனது கார்களில் பயன்படுத்துவதற்கு திட்டமிட்டுள்ளது. தற்போது ஃபோக்ஸ்வேகன் வென்ட்டோ, ஸ்கோடா ரேபிட் உள்ளிட்ட கார்களில் பயன்படுத்தப்படும் 1.6 லிட்டர் பெட்ரோல் எஞ்சினுக்கு மாற்றாக இந்த புதிய டர்போ எஞ்சின் பயன்படுத்தப்பட இருக்கிறது.
அதேபோன்று, ஃபோக்ஸ்வேகன் நிறுவனத்தின் பிற கார் மாடல்களான போலோ, வென்ட்டோ கார்களில் பயன்படுத்தப்படும் 1.2 லிட்டர் பெட்ரோல் எஞ்சினுக்கு மாற்றாகவும் இந்த புதிய டர்போ எஞ்சின் பயன்படுத்தப்பட இருக்கிறது.
இந்த நிலையில், பிஎஸ்-6 மாசு உமிழ்வு விதிகளுக்கு ஒப்பான, புதிய 1.0 லிட்டர் டர்போ பெட்ரோல் எஞ்சின் பொருத்தப்பட்ட ஃபோக்ஸ்வேகன் வென்ட்டோ கார் தற்போது தீவிரமான சாலை சோதனைகளுக்கு உட்படுத்தப்பட்டு இருக்கிறது.
இந்தியாவின் பல்வேறு சீதோஷ்ண நிலைகளில் இந்த புதிய எஞ்சின் செயல்பாடு எவ்வாறு உள்ளது? ஏதேனும், மாற்றங்களை செய்து மேம்படுத்த வேண்டி இருக்குமா உள்ளிட்டவை குறித்து சாலை சோதனைகள் மூலமாக ஆய்வுகள் செய்யப்பட்டு வருகின்றன.
இந்த சோதனை ஓட்டங்கள் விரைவில் நிறைவுபெற இருப்பதாகவும் தகவல்கள் கூறுகின்றன. இதைத்தொடர்ந்து, புதிய 1.0 லிட்டர் டர்போ பெட்ரோல் எஞ்சின் உற்பத்தியும் துவங்கப்பட இருப்பதாக ஆட்டோகார் இந்தியா தளம் செய்தி வெளியிட்டு இருக்கிறது.
மூன்று சிலிண்டர்கள் கொண்ட இந்த புதிய 1.0 லிட்டர் டர்போ டிஎஸ்ஐ பெட்ரோல் எஞ்சின் இரண்டுவிதமான திறனில் வர இருக்கிறது. போலோ உள்ளிட்ட கார்களில் பயன்படுத்தப்படும் இந்த எஞ்சின் அதிகபட்சமாக 94 பிஎச்பி பவரையும், வென்ட்டோ உள்ளிட்ட கார்களில் இருக்கும் எஞ்சின் 115 பிஎச்பி பவரையும் வெளிப்படுத்தும் திறன் கொண்டதாக இருக்கும்.
ஃபோக்ஸ்வேகன் நிறுவனத்தின் புதிய பிஎஸ்-6 எஞ்சின்கள் EA211 என்ற குறியீட்டு பெயரில் வர இருக்கின்றன. இந்த எஞ்சின்கள் வார்ப்பு அலுமினிய கட்டமைப்பில் உருவாக்கப்படும். சிலிண்டர் ஹெட்டுகள் கழிவுப் புகை வெளியேற்று அமைப்புடன் இருக்கும்.
அலுமினியத்தாலான கனெக்டிங் ராடுகள் மற்றும் சிலிண்டர் ஹெட்டுகளும் இடம்பெற இருக்கின்றன. இதனால், வடிவத்தில் சிறியதாக இருப்பதோடு, குறைவான உராய்வு கொண்டதாக இந்த எஞ்சின்கள் வர இருக்கின்றன. இதனால், வளிமண்டல காற்றழுத்தத்தில் இயங்கும் சாதாரண எஞ்சின்களை விட சிறந்த செயல்திறனை டர்போ சார்ஜர் உதவியுடன் வெளிக்கொணரும்.
அடுத்த ஆண்டு பிஎஸ்-6 மாசு உமிழ்வு விதிகள் அமலுக்கு வந்தாலும், இந்த புதிய 1.0 லிட்டர் பெட்ரோல் எஞ்சின் அடுத்த சில மாதங்களில் இந்தியாவில் அறிமுகம் செய்யப்படும் வாயப்பு இருப்பதாக கருதப்படுகிறது. இது நிச்சயம் வாடிக்கையாளர்களை திருப்திபடுத்தும் என்று எதிர்பார்க்கப்படுகிறது.