Just In
- 1 hr ago இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- 2 hrs ago வெறும் 1 மணி நேரத்தில் சென்னைல இருந்து பெங்களூர் போயிரலாம்! உலகையே மிரள வைக்கும் புல்லட் ரயில் சீறி பாய போகுது
- 3 hrs ago பெட்ரோல் போடுவதை போல ஹைட்ரஜனை நிரப்பிட்டா 3,000 கிமீ நிற்காம போகும்! உலக சாதனை படைத்த ரயில்!
- 4 hrs ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
Don't Miss!
- Movies குழந்தை இருந்தாலும் பரவாயில்லை..மீனாவை திருமணம் செய்ய தயார்.. புயலை கிளப்பிய யூட்யூபர்
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
- Lifestyle April Horoscope 2024: ஏப்ரல் மாதம் இந்த ராசிக்காரர்களுக்கு பண மழை பொழியப் போகுது...
- Technology ரூ.17,000 பட்ஜெட்ல பரபரப்பு! 70W சார்ஜிங், 6000mAh பேட்டரி, 24GB ரேம், 1TB மெமரி, 5G ஆதரவு.. ஏப்.4 முதல் SALE!
- News தேனி அருகே ஒரு குடும்பத்தைச் சேர்ந்த 3 பேர் அடுத்தடுத்து உயிரிழப்பு.. போலீசார் தீவிர விசாரணை
- Sports ரூ.8.4 கோடியை மறந்துவிடு.. உன்னோட வேலை அதுமட்டும் தான்.. தோனியின் வார்த்தை குறித்து சிஎஸ்கே சிங்கம்!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
சவாலான விலையில், ஹூண்டாய் ஐ20 டர்போ காருக்கு போட்டியாக டாடாவின் அல்ட்ராஸ் டர்போ!!
ஹூண்டாய் ஐ20 டர்போ காருக்கு சரியான போட்டி விலையுடன் டாடா அல்ட்ராஸ் டர்போ கார் விற்பனைக்கு வரவுள்ளதாக தகவல்கள் வெளியாகியுள்ளன. அவற்றை பற்றி இந்த செய்தியில் பார்ப்போம்.
டாடா மோட்டார்ஸ் நிறுவனம் முற்றிலும் புதிய அல்ட்ராஸ் மாடலை ப்ரீமியம் ஹேட்ச்பேக் காராக இந்த 2020ஆம் ஆண்டின் துவக்கத்தில் இந்திய சந்தையில் அறிமுகப்படுத்தியது. இதற்கு விற்பனையில் போட்டியாக மாருதி சுஸுகி பலேனோ மற்றும் ஹூண்டாய் ஐ20 கார்கள் உள்ளன.
இதில் ஹூண்டாய் ஐ20 காரின் அடுத்த தலைமுறை சமீபத்தில்தான் இந்தியாவில் விற்பனைக்கு வந்தது. இருப்பினும் கடந்த மாதங்களில் டாடா அல்ட்ராஸ் சந்தையில் தனது பெயரை வலுவாக பதித்து வருகிறது.
ஆல்ஃபா கட்டமைப்பின் அடிப்படையில் உருவாக்கப்பட்டுள்ள அல்ட்ராஸ் 5 இருக்கைகள் கொண்ட காராகும். உலகளாவிய என்சிஏபி சோதனையில் முழு ஐந்து நட்சத்திரங்களையும் பெற்று மிகவும் பாதுகாப்பான காராக உலாவரும் அல்ட்ராஸின் எக்ஸ்ஷோரூம் விலைகள் மிகவும் மலிவாக ரூ.5.44 லட்சத்தில் இருந்து ரூ.8.95 லட்சம் வரையில் உள்ளன.
எக்ஸ்இ, எக்ஸ்எம், எக்ஸ்எம்+, எக்ஸ்டி, எக்ஸ்இசட் மற்றும் எக்ஸ்இசட் (O) என்ற வேரியண்ட்களில் கிடைக்கும் இந்த டாடா கார், 1.2 லிட்டர் பெட்ரோல் மற்றும் 1.5 லிட்டர் 4-சிலிண்டர் டீசல் என்ற என்ஜின் தேர்வுகளுடன் விற்பனை செய்யப்படுகிறது.
மூன்றாம் தலைமுறை ஹூண்டாய் ஐ20 கார் வெளிவருவதற்கு முன்பு வரை டீசல் என்ஜின் உடன் கிடைக்கும் ஒரே ப்ரீமியம் ஹேட்ச்பேக் காராக அல்ட்ராஸ் விளங்கி வந்தது. டாடா டியாகோவிலும் வழங்கப்படும் இந்த 1.5 லிட்டர் டீசல் என்ஜின் அல்ட்ராஸில் 4 பிஎஸ் மற்றும் 87 என்எம் டார்க் திறன் கூடுதலாக வெளிப்படுத்துகிறது.
இந்த நிலையில் அல்ட்ராஸின் பலத்தை மேலும் கூட்டும் விதமாக இந்த காரில் 1.2 லிட்டர் ரெவோட்ரோன் என்ஜின் உடன் டர்போசார்ஜ்டு பெட்ரோல் வெர்சனை கொண்டுவர டாடா மோட்டார்ஸ் திட்டமிட்டுள்ளது. இதே யூனிட் தான் டாடா நெக்ஸான் காம்பெக்ட் எஸ்யூவி காரிலும் வழங்கப்படுகிறது.
ஆனால் அல்ட்ராஸில் சற்று குறைவாக 110 எச்பி மற்றும் 140 என்எம் டார்க் திறனை அதிகப்பட்சமாக வெளிப்படுத்தும் வகையில் வழங்கப்படும். இதனுடன் 5-ஸ்பீடு மேனுவல் மற்றும் டிசிடி கியர்பாக்ஸ் தேர்வு வழங்கப்படலாம். அல்ட்ராஸ் டர்போவின் எடை வெறும் 980 கிலோவாக இருக்கும் என்று தகவல்கள் கூறுகின்றன.
டாடா அல்ட்ராஸ் டர்போ காருக்கு ஃபோக்ஸ்வேகன் போலோ 1.0 டிஎஸ்ஐ மற்றும் 1.0 லிட்டர் 3-சிலிண்டர் டர்போ ஜிடிஐ பெட்ரோல் என்ஜின் உடன் விற்பனை செய்யப்படும் ஹூண்டாய் ஐ20 கார்கள் போட்டியாக விளங்கும். ஹூண்டாய் ஐ20-ல் வழங்கப்படும் டர்போ என்ஜின் அதிகப்பட்சமாக 120 பிஎஸ் மற்றும் 172 என்எம் டார்க் திறனை வெளிப்படுத்தும் வகையில் வடிவமைக்கப்பட்டுள்ளது.
இதனுடன் 6-ஸ்பீடு ஐஎம்டி மற்றும் 7-ஸ்பீடு டிசிடி என்ற கியர்பாக்ஸ் தேர்வுகள் வழங்கப்படுகின்றன. ஐ20 டர்போ காரின் விலைகள் ரூ.8.79 லட்சத்தில் இருந்து ரூ.11.32 லட்சம் வரையில் உள்ளன. விற்பனை போட்டிகாக அல்ட்ராஸ் டர்போ காரின் விலைகளை இதனை விட சற்று குறைவாக டாடா நிர்ணயிக்கும் என தற்போது தகவல்கள் கிடைத்துள்ளன.
இதன் காரணமாக அல்ட்ராஸ் டர்போவின் அறிமுகத்திற்கு பிறகு இவை இரண்டிற்கும் இடையே விற்பனையில் அனல் பறக்கும் மோதல் இருக்கும் என்பது உறுதி.