Just In
- 35 min ago தேர்தல் வர நேரத்துல பிரம்மாஸ்திரத்தை கையில எடுத்துட்டாங்க! சுங்கசாவடிகளை தூக்க முடிவு பண்ணிட்டாங்க!
- 1 hr ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 1 hr ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 4 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
Don't Miss!
- News இத்தனை நாளா எங்க போனீங்க? ஓட்டுக்கேட்க போன ஜோதிமணிக்கு கரூரில் எதிர்ப்பு! சமாளித்த திமுக
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Movies Rajinikanth: வாவ் சூப்பர் கெட்டப்பில் ரஜினி.. தலைவர் 171 டைட்டில் ரிலீஸ்.. தேதியை அறிவித்த லோகேஷ்!
- Sports ஆர்சிபி வேண்டாம் என ஒதுக்கிய 3 வீரர்கள்.. ஐபிஎல் 2024 சீசனில் பட்டையை கிளப்பும் அதிசயம்
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
ஆசைப்பட்டு வாங்கிய எலெக்ட்ரிக் காரால் படாதபாடுபடும் பில் கேட்ஸ்... என்ன ஆச்சுனு தெரியுமா?
ஆசைப்பட்டு வாங்கிய முதல் எலெக்ட்ரிக் கார் பில் கேட்சுக்கு ஏமாற்றத்தை கொடுத்துள்ளது. இதனை அவரே தெரிவித்துள்ளார்.
பெட்ரோல், டீசலில் இயங்கும் வாகனங்களால் பல்வேறு பிரச்னைகள் ஏற்படுகின்றன. இதில், காற்று மாசுபாடு மிக முக்கியமான பிரச்னையாக உள்ளது. இதுதவிர பெட்ரோல், டீசலில் மூலப்பொருளான கச்சா எண்ணெய் இறக்குமதிக்காக பெரும் தொகையை செலவிட வேண்டியுள்ளது. இதனால் பொருளாதாரத்தில் கடுமையான பாதிப்புகள் ஏற்படுகின்றன.
எனவே இவ்விரு பிரச்னைகளையும் சமாளிக்க எலெக்ட்ரிக் வாகனங்களுக்கு தற்போது அதிக முக்கியத்துவம் கொடுக்கப்படுகிறது. இந்தியா மட்டுமல்லாது, உலகின் அனைத்து நாடுகளும் எலெக்ட்ரிக் வாகனங்களின் பயன்பாட்டை அதிகரித்து வருகின்றன. எலெக்ட்ரிக் வாகனங்களில் ஏராளமான நன்மைகள் உள்ளன. பெட்ரோல், டீசல் வாகனங்களை போல் மின்சார வாகனங்கள் காற்று மாசுபாட்டை ஏற்படுத்தாது.
மேலும் பெட்ரோல், டீசல் வாகனங்களுடன் ஒப்பிடும்போது எலெக்ட்ரிக் வாகனங்களை இயக்குவதற்கு ஆகும் செலவு மிகவும் குறைவு. அதே சமயம் எலெக்ட்ரிக் வாகனங்களில் குறைகளும் இல்லாமல் இல்லை. மின்சார வாகனங்களின் ரேஞ்ச் மிகவும் குறைவாக இருப்பது ஒரு பெரிய பிரச்னை. இதுதவிர சார்ஜ் நிரப்ப அதிக நேரம் எடுத்து கொள்வதும் முக்கியமான பிரச்னையாக உள்ளது.
இந்த 2 முக்கிய பிரச்னைகளால், எலெக்ட்ரிக் வாகனங்களை வாங்குவதை பலர் தவிர்த்து வருகின்றனர். இந்த பிரச்னைகளை, உலகின் பெரும் பணக்காரர்களில் ஒருவரான பில் கேட்ஸ் தற்போது சுட்டி காட்டியுள்ளார். Marques 'MKBHD' Brownlee என்ற யூ-டியூபருக்கு, பில் கேட்ஸ் தற்போது இன்டர்வியூ கொடுத்துள்ளார். அப்போது எலெக்ட்ரிக் வாகனங்கள் குறித்து பில் கேட்ஸ் பேசியுள்ளார்.
போர்ஷே டைகன் (Porsche Taycan) எலெக்ட்ரிக் காரை பில் கேட்ஸ் வாங்கியுள்ளார். அவர் வாங்கிய முதல் எலெக்ட்ரிக் கார் இதுதான். இந்த தகவலை பேட்டியின் போது பில் கேட்ஸ் வெளியிட்டார். அத்துடன் கார்பன் உமிழ்வை குறைக்கும் வல்லமை, எலெக்ட்ரிக் வாகனங்களுக்கு இருப்பதாகவும் பேட்டியில் பில் கேட்ஸ் தெரிவித்தார்.
ஆனால் எலெக்ட்ரிக் வாகனங்களில் ஒரு சில தடைகள் இருப்பதாகவும் பில் கேட்ஸ் கூறினார். தனது மின்சார கார் பிரிமீயம் வாகனமாக இருப்பதாகவும், எனவே அதனை ஓட்டுவது மகிழ்ச்சியளிப்பதாகவும் பில் கேட்ஸ் தெரிவித்தார். ஆனால் புதிய போர்ஷே டைகன் எலெக்ட்ரிக் காரில் ஏதேனும் பிரச்னைகள் உள்ளதா? என யூ-டியூபர் கேள்வி எழுப்பினார்.
இதற்கு பில் கேட்ஸ் கூறிய பதில் தெரிந்தால், போர்ஷே டைகன் எலெக்ட்ரிக் காரை வாங்கும் முடிவை மக்கள் மறுபரிசீலனை செய்யக்கூடும். ஆம், ஒரு முறை முழுமையாக நிரப்பும் சார்ஜை வைத்து இந்த கார் கடக்கும் தொலைவு எதிர்பார்ப்புகளை பூர்த்தி செய்யும் வகையில் இல்லை என பில் கேட்ஸ் அதிரடியாக தெரிவித்துள்ளர்.
அதேபோல் யாரேனும் நீண்ட தொலைவு பயணிக்க விரும்பினால், பேட்டரியை ரீசார்ஜ் செய்வதில் இருக்கும் குறைகள் காரணமாக, அவர்கள் சில பிரச்னைகளை சந்திக்க நேரிடலாம் எனவும் பில் கேட்ஸ் கூறியுள்ளார். மேலும் எரிபொருள் நிரப்புவதுடன் ஒப்பிடுகையில், பேட்டரியை ரீசார்ஜ் செய்வது அதிக நேரம் எடுத்து கொள்வதாகவும் பில் கேட்ஸ் தெரிவித்துள்ளார்.
ஆம், உண்மைதான். பெட்ரோல், டீசல் என்றால், வெறும் ஐந்து நிமிடங்களில் முழு டேங்க்கையும் நிரப்பி விட்டு சென்று கொண்டே இருக்கலாம். ஆனால் எலெக்ட்ரிக் வாகனங்களின் பேட்டரியை முழுமையாக நிரப்ப அதிக நேரம் ஆகிறது. எலெக்ட்ரிக் வாகனங்களில் இருக்கும் மிகப்பெரிய குறைபாடாக இந்த பிரச்னை பார்க்கப்படுகிறது.
போர்ஷே டைகன் காரின் டாப் மாடலான டர்போ எஸ் (Turbo S), பூஜ்ஜியத்தில் இருந்து 100 கிலோ மீட்டர் என்ற வேகத்தை வெறும் 2.8 வினாடிகளில் எட்டி விடக்கூடிய அளவிற்கு திறன் வாய்ந்தது. மேலும் போர்ஷே நிறுவனத்தில் இருந்து வெளிவரும் முதல் எலெக்ட்ரிக் கார் இதுதான் என்பதும் குறிப்பிடத்தக்கது.
-
ரூ.5 லட்சத்தை கையில் வைத்துக்கொண்டு அல்லாடுறீங்களா? பவர்ஃபுல் பைக்ஸுக்கு நம் நாட்டில் எப்போதுமே குறை இல்லை!!
-
குடிநீரில் கழுவினால் அபராதம்! பெங்களூர் கார் ஓனர்கள் கையில் எடுத்த புதிய ட்ரிக்! இது நமக்கு தெரியாம போச்சே!
-
இது ஏப்ரல் ஃபூல் கிடையாது.. டாடா அல்ட்ராஸ் ரேஸர் கார் ஏப்ரல்ல அறிமுகமாக போகுது! இறங்கி அடிக்க தயாராகும் டாடா!