சன்ரூஃப், ஆட்டோ ட்ரைவ் எல்லாம் இருக்கு... வெறும் ரூ.7 லட்சத்தில் சீனாவில் அறிமுகமான புதிய இவி கார்..

சீன சந்தையில் 65,800- 75,800 யுவான்களை விலையாக பெற்றுள்ள இந்த காரின் இந்திய மதிப்பு ரூ.8.08 லட்சமாகும். இந்த எலக்ட்ரிக் மாடலுக்கு 400 ஸ்டாண்டர்ட் எடிசன், 400 காம்ஃபர்ட் எடிசன் மற்றும் 400 டீலக்ஸ் எடிசன் என்ற மூன்று விதமான வேரியண்ட்களை லீப்மோட்டார் நிறுவனம் வழங்கியுள்ளது.

இந்த மூன்று வேரியண்ட்களிலும் இயக்க ஆற்றலை வழங்குவதற்கு 74 பிஎச்பி மற்றும் 155 என்எம் டார்க் திறனை வெளிப்படுத்தக்கூடிய 55 கிலோவாட்ஸ் மோட்டார், அதிக செயல்திறனை வழங்கக்கூடிய 36.5 கிலோவாட்ஸ்.நேரம் லித்தியம்-இரும்பு பேட்டரி தொகுப்புடன் வழங்கப்பட்டுள்ளது.

MOST READ: விமானங்களில் இனி இதுக்கெல்லாம் தடையாமுங்கோ... இதோ லிஸ்ட் - செய்ய வேண்டியவை, செய்ய கூடாதவை!

இதன் பேட்டரியின் ஆற்றல் அடர்த்தி 171 வாட்ஸ்.நேரம்/கிலோ ஆகும். மேலும் பேட்டரி மூன்று-நிலை ஆற்றல் மீட்பு அமைப்பையும் பெற்றுள்ளது. இந்த எலக்ட்ரிக் மோட்டார் அமைப்பின் மூலமாக டி03 மாடல் சிங்கிள் சார்ஜில் 400 கிலோ தூரம் வரை இயங்கும் என புதிய ஐரோப்பிய ட்ரைவிங் சைக்கிள் என்ற அமைப்பு சான்றளித்துள்ளது.

வேகமான சார்ஜர் மூலமாக 0-விலிருந்து 80 சதவீத சார்ஜரை வெறும் 36 நிமிடங்களில் எட்டிவிடும் இந்த காருக்கு லீப்மோட்டார் நிறுவனம் 8 வருட அல்லது 150,000 கிலோமீட்டர் உத்தரவாதத்தை வழங்கியுள்ளது. இதுமட்டுமின்றி முதல் 1000 வாடிக்கையாளர்கள் காரி வாழ்நாள் முழுவதற்குமான இலவச சாலையோர உதவி மற்றும் பேட்டரி பராமரிப்புடன் 15 இன்ச் சக்கரங்களுக்கு இலவச அப்கிரேட்டையும் பெறலாம்.

MOST READ: அறிமுகமாகி 2 வருடங்களான போதிலும் ஜப்பானில் ஆட்சி செய்து கொண்டிருக்கும் சுசுகி ஜிம்னி...

இருப்பினும் புதிய டி03 எலக்ட்ரிக் மாடல் இவ்வாறான இலவச வசதிகளை காட்டிலும் அதனுள் கொண்டிருக்கின்ற தொழிற்நுட்ப அம்சங்களில் தான் கவனிக்கத்தக்க மாடலாக விளங்குகிறது. எந்த அளவிற்கு என்றால், லீப்மோட்டார் டி03 மாடல் தான் அதன் பிரிவில் நிலை 2 தன்னிச்சையான ட்ரைவிங் திறனை கொண்ட ஒரே காராகும்.

இதன் காரணமாக மூன்று கேமிராக்கள் மற்றும் 12 ரேடார்களை (மில்லிமீட்டர்-அலைக்கு ஒன்று, அல்ட்ராசோனிக் யூனிட்களுக்கு 11) இந்த எலக்ட்ரிக் கார் பெற்றுள்ளது. இவற்றுடன் அடாப்டிவ் க்ரூஸ் கண்ட்ரோல், லேன்-கீப்பிங், ஆட்டோமேட்டிக் எமர்ஜென்சி ப்ரேக்கிங், ஸ்மார்ட் பார்க்கிங் உள்ளிட்டவை அடங்கிய 10 செல்ஃப்-ட்ரைவிங் உதவிகளும் உள்ளன.

MOST READ: போட்டோவை போட்டு ஆசையை தூண்டி விட்ட சமந்தா... கணவர் நாக சைதன்யாவுடன் செஞ்ச காரியத்தை பாருங்க...

8.0 இன்ச்சில் டிஎஃப்டி இன்ஸ்ட்ரூமெண்ட் கன்சோல் மற்றும் 10.1 இன்ச்சில் தொடுத்திரையை கொண்டுள்ள இந்த கார் சில வெளிநாட்டு சந்தைகளில் இணைப்பு தேர்வுகளையும் பெற்றுள்ளது. ஸ்டாண்டர்ட், ஸ்போர்ட்ஸ் மற்றும் எக்கோனமி என்ற மூன்று விதமான ட்ரைவிங் மோட்களை கொண்டுள்ள இந்த எலக்ட்ரிக் மாடலின் பரிணாம அளவு 3620x1652x1577மிமீ ஆக வடிவமைக்கப்பட்டுள்ளது.

காரின் வீல்பேஸ் 2,400மிமீ ஆகும். கவர்ச்சிக்கரமான விலையுடன் டெஸ்லா மாடல்களுக்கு இணையான தொழிற்நுட்பங்களை டி03 மாடல் பெற்றுள்ளதால் சீன சந்தையில் மிக பெரிய அளவிலான வாடிக்கையாளர்கள் எண்ணிக்கையை பெறும் என எதிர்பார்க்கப்படுகிறது.