Just In
- 1 hr ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 1 hr ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 2 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- 3 hrs ago உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஹூண்டாய் கோனா மின்சார கார்ல இவ்ளோ லாபமா?.. ஆதாரத்துடன் தகவல் வெளியிட்ட உரிமையாளர்..! நம்பவே முடியல!
கோனா மின்சார காரைப் பயன்படுத்தி வரும் இளைஞர் ஒருவர் தன்னுடைய முதலாமாண்டு சர்வீஸ் கட்டணம் பற்றிய தகவலை வெளியிட்டுள்ளார். இதுகுறித்த சுவாரஷ்ய தகவலை தொடர்ந்து காணலாம்.
இந்திய மின்வாகன சந்தையில் கால் தடம் பதிக்கும் விதமாக ஹூண்டாய் நிறுவனம், கோனா எனும் மின்சார காரை களமிறக்கியது. இந்த காரே ஹூண்டாய் நிறுவனத்தின் முதல் மின்சார காராகும். தற்போது மின்சார மாடலில் பல்வேறு தேர்வுகள் இந்தியாவில் கிடைத்து வந்தாலும், முதலில் இந்தியர்களைப் பரவசமூட்டும் வகையில் அறிமுகமாகியது கோனா மட்டுமே. எனவே, இந்தியர்கள் மத்தியில் இக்காருக்கு நல்ல வரவேற்புக் கிடைத்து வருகின்றது.
ஆனால், இதற்கு ஆப்பு வைக்கும் விதமாக எம்ஜி நிறுவனம், அதன் இசட்எஸ் மின்சார காரையும், டாடா நிறுவனம் நெக்ஸான் மாடலிலும் மின்சார கார்களை களமிறக்கின. இருப்பினும், ஹூண்டாய் நிறுவனத்தின் மீது அதிக நம்பிக்கை வைத்திருக்கும் பலர் அந்நிறுவனத்தின் கோனா மின்சார காருக்கு எப்போதும்போல் கணிசமான வரவேற்பை தற்போதும் வழங்கி வருகின்றனர்.
இருப்பினும், இக்காரின் விற்பனைப் பெரியளவில் சூடுபிடிக்காத நிலையிலேயேக் காணப்படுகின்றது. இதற்கு காரின் அதிக விலை முக்கிய காரணமாக தெரிந்தாலும், மின் வாகனங்களுக்கான போதிய கட்டமைப்பு வசதிகள் இல்லாததே மிக மிக முக்கியமான காரணமாக அமைந்திருக்கின்றது. எனவேதான், எரிபொருள் வாகனங்களுக்கு இணையான விற்பனையைப் பெற முடியாமல் மின் வாகனங்கள் தவித்து வருகின்றன.
இந்நிலையில்தான் மின்சார வாகனங்களின் பக்கம் மக்களை ஈர்க்கும் விதமாக ஓர் தகவல் இணையத்தில் உலா வந்த வண்ணம் இருக்கின்றது. அதாவது, ஹூண்டாய் நிறுவனத்தின் கோனா மின்சார காரை பயன்படுத்தி வரும் இளைஞர் ஒருவர் தனது ஒரு வருட சர்வீஸ் (பராமரிப்பு) செலவு பற்றிய தகவலை ஆதாரத்துடன் வெளியிட்டுள்ளார். அதில், அவர் அதிகபட்சமாக ரூ. 1,043 மட்டுமே செலவு செய்திருப்பது தெரிய வந்துள்ளது.
அதாவது, வருடம் முழுவதும் பராமரித்ததற்கான சர்வீஸ் கட்டணமாக, அவர் செலவு செய்த ஒட்டுமொத்த தொகையே ரூ. 1,043 மட்டும்தான் என்பது தெரியவந்துள்ளது. இதுகுறித்த தகவலை அருண் பாத் (@arunbhats) எனும் நபரே அவரது டுவிட்டர் பக்கத்தில் பதிவிட்டுள்ளார். கர்நாடகா மாநிலம், பெங்களூருவில் வசித்து வரும் இந்த இளைஞர், டிரிடெண்ட் ஆட்டோமொபைல்ஸ் வாயிலாகவே தனது ஹூண்டாய் கோனா மின்சார காரை பரமாரித்து வந்துள்ளார்.
இங்குதான் வருட பராமரிப்பு செலவாக ரூ. 1,043 மட்டுமே வசூல் செய்யப்பட்டுள்ளது. இதைக் கண்டு மெய் மறந்துபோன அருண், இதுகுறித்த தகவலை பிறருக்கும் தெரியப்படுத்தும் விதமாக புகைப்படத்துடன் பதிவை வெளியிட்டுள்ளார். இதில், ஒரு வருடத்திற்கான கட்டாய பராமரிப்பு கட்டணம் ரூ. 500 என்பது தெரியவந்துள்ளது. இதேபோல், மீத தொகை அனைத்தும் பழுது நீக்கம் மற்றும் பாகம் மாற்றியதற்காக வசூலிக்கப்பட்டிருக்கின்றது.
இதன்படி, பஞ்சர் சீர் செய்யப்பட்டது, கேலிபர் கைட்களுக்கு கிரீஸ் சேர்த்தது, காரை சானிட்டைஸ் (தூய்மைப்படுத்தல்) செய்தது மற்றும் பிற வழக்கமான பரிசோதனைக்களுக்காக ரூ. 543 வசூலிக்கப்பட்டுள்ளது. ஆனால், முந்தை பராமரிப்பின்போது அருண் பூஜ்ஜிய கட்டணத்தை செலுத்தியதாகக் கூறப்படுகின்றது. ஆகையால், அவர் இதுவரை செலுத்தியதிலேயே தற்போதைய 1,043 ரூபாய்தான் அதிக கட்டணம் என தெரிவித்துள்ளார்.
ஹூண்டாய் நிறுவனம் 10 ஆயிரம் கிலோ மீட்டர்கள் வரை பூஜ்ஜியம் கட்டணம் அடிப்படையில் பராமரிப்பினை வழங்கி வருவது குறிப்பிடத்தகுந்தது. ஆகையால், முந்தைய காலங்களில் அருண் ஒரு பைசாகூட செலவில்லாமல் பராமரித்து வந்திருக்கின்றார்.
மின்சார வாகனங்கள் குறைந்த தேய்மானம் திறனைக் கொண்டிருப்பதே இந்தளவிற்கு குறைந்த தொகை செலவாகியிருப்பதற்கு காரணமாக உள்ளது. இதுமட்டுமின்றி, எரிபொருள் வாகனங்களைக் காட்டிலும் மிகக் குறைந்த கூறுகளைக் கொண்டே மின்சார வாகனங்கள் இயங்குகின்றன. எனவேதான் இதைப் பராமரிப்பது மிக சுலபமாக இருக்கின்றது.
ஹூண்டாய் கோனா எலெக்ட்ரிக் கார் அதிக சிறப்பம்சங்களைக் கொண்ட காராக இருப்பதால் அதன் விலையும் உயர்வாகவே உள்ளது. இக்கார் இந்திய மதிப்பில் ரூ. 25.30 லட்சம் என்ற விலையில் விற்பனைக்குக் கிடைக்கின்றது. இது எக்ஸ்-ஷோரூம் விலை மட்டுமே. ஆன்-ரோடில் இது விலையைக் கொண்டிருக்கும்.
இக்காரில் 39.2kWh திறன் கொண்ட லித்தியம் அயன் பேட்டரி பேக் வழங்கப்பட்டுள்ளது. இது ஒரு முழுமையான சார்ஜில் 452 கிமீ தூரம் வரை பயணிக்க உதவும். மேலும், கோனா மின்சார காரில் இருக்கும் மின் மோட்டார் அதிகபட்சமாக 134 பிஎச்பி மற்றும் 395 என்எம் -ஐ வெளிப்படுத்தும். இதேகார் உலக சந்தையில் கூடுதல் திறனில் விற்பனைச் செய்யப்பட்டு வருவது குறிப்பிடத்தகுந்தது.
-
பணங்காரங்க கண்ணு முழுக்க இந்த கார் மேல தான்! பிஒய்டி சீல் கார் எப்படி இருக்குது?
-
ஜிஎஸ்டி கட்டவேணாம்! ரூ1.26 லட்சம் மிச்சம் பண்ண இந்த காரை இப்படியும் வாங்கலாமா? யாருக்குமே இது தெரியாது!
-
செஞ்சது என்னமோ சின்ன உதவிதான்.. ஆனா அந்த சமையல்கார அம்மா குடும்பத்துக்கு அது ரொம்ப பெருசு! செம ஸ்டோரி!!