Just In
- 9 min ago கொடுக்கல், வாங்கலில் பிரச்னை.. காருக்கு தீ வைத்த கோவகார கும்பல்! கோடி ரூபா மதிப்புள்ள கார் பைசாவுக்கு தேரல!
- 5 hrs ago 35 கிமீ மைலேஜ் குடுக்கற மாருதி கார்லாம் இந்தியால இருக்குதா! விலை இதை விட ஆச்சரியப்படுத்துதே! அவ்ளோ கம்மி!
- 6 hrs ago மாருதி கார்களை வாங்க எப்போதுமே ஒரு பெரிய கூட்டம் இருக்கு!! மார்ச் மாதத்தில் நடந்தது என்ன?
- 7 hrs ago டீசலை எதிர்பாக்காதீங்க.. பெட்ரோல் மட்டும்தான் கிடைக்கும்.. ரொம்ப நாளா எதிர்பார்க்கப்படும் காரில் டுவிஸ்ட்!
Don't Miss!
- Lifestyle Today Rasi Palan 17 April 2024: இன்று இந்த ராசிக்காரர்கள் பெரிய நிதி பரிவர்த்தனைகளைத் தவிர்ப்பது நல்லது...
- News ‛‛29 இடங்கள்''.. திமுக கூட்டணிக்கு வெற்றி வாய்ப்புள்ள தொகுதிகள் இதுதான்! தந்தி டிவி கருத்து கணிப்பு
- Sports டை ஆன 2 டெஸ்ட்.. இரண்டிலும் பங்குபெற்ற ஆஸி. வீரர்.. இந்தியாவுக்கு எதிராக ஒரு இன்னிங்சில் 9 விக்கெட்
- Movies Actor Vikram: நான் சொல்லாமலேயே என்னுடைய தேவைகளை புரிந்து கொண்ட விக்ரம்.. பாலா ஓபன்!
- Finance ஒன்றுக்கும் மேற்பட்ட UAN நம்பர்களை ஆன்லைனில் இணைப்பது எப்படி? ரொம்ப ஈசி இதை பாலோ பண்ணுங்க..!
- Technology BSNL சூப்பர் பிளான்.. 50GB டேட்டா.. 3600 SMS.. 36 நாள் வேலிடிட்டி.. தரமான ப்ரீபெய்ட் திட்டம்? என்ன விலை?
- Travel தமிழ்நாட்டுக்கு உள்ளேயும், பக்கத்துலயும் இவ்வளோ அழகான பெரிய நீர்வீழ்ச்சிகள் இருக்கு தெரியுமா?
- Education யுபிஎஸ்சி தேர்வு முடிவுகள் ரிலீஸ்..லக்னோ இளைஞர் ஆதித்யா ஸ்ரீவஸ்தவா முதலிடம்
ஏற்றுமதியிலும் கலக்கும் கியா செல்டோஸ் எஸ்யூவி... டாப் - 3 இடத்திற்குள் வந்து அசத்தல்!
உள்நாட்டு விற்பனையில் கலக்கி வரும் கியா செல்டோஸ் கார் ஏற்றுமதியிலும் டாப் - 3 இடங்களுக்குள் வந்து அசத்தி உள்ளது.
கடந்த ஆகஸ்ட் மாதம் விற்பனைக்கு கொண்டு வரப்பட்ட கியா செல்டோஸ் கார் விற்பனையில் சிறப்பான இடத்தை பிடித்துள்ளது. அறிமுகம் செய்யப்பட்ட ஓரிரு மாதங்களிலேயே எஸ்யூவி மார்க்கெட்டில் விற்பனையில் நம்பர்-1 மாடல் என்ற பெருமையை பெற்றது.
இந்த நிலையில், கியா செல்டோஸ் காருக்கு உள்நாட்டு சந்தையில் மிகப்பெரிய வரவேற்பு கிடைத்திருக்கும் நிலையில், கியா மோட்டார்ஸ் இந்தியா நிறுவனம் 40 நாடுகளுக்கு செல்டோஸ் ஏற்றுமதியையும் துவங்கி இருக்கிறது.
கடந்த மாதம் மட்டும் 6,341 கியா செல்டோஸ் கார்கள் ஏற்றுமதி செய்யப்பட்டன. இதன்மூலமாக, இந்தியாவின் அதிகம் ஏற்றுமதியாகும் கார் மாடல்களில் மூன்றாவது இடத்தை பிடித்து அசத்தி உள்ளது.
கடந்த மாதத்தில் 12,607 ஃபோர்டு ஈக்கோஸ்போர்ட் எஸ்யூவிகளும், 9,237 நிஸான் சன்னி கார்களும் ஏற்றுமதி செய்யப்பட்டுள்ளன. இதற்கடுத்த இடத்தில் கியா செல்டோஸ் உள்ளது. உள்நாட்டு விற்பனையில் சிறப்பான இடத்தை பிடித்துள்ள கியா செல்டோஸ் ஏற்றுமதியிலும் டாப் -3 மாடல்களில் ஒன்றாக மாறி இருக்கிறது.
கியா செல்டோஸ் காருக்கு தொடர்ந்து சிறப்பான வரவேற்பு இருந்து வருகிறது. எனவே, இதுவரை ஹூண்டாய் க்ரெட்டா மற்றும் மாருதி விட்டாரா பிரெஸ்ஸா கார்களிடமிருந்து நம்பர்-1 இடத்தை கியா செல்டோஸ் மிக குறுகிய காலத்தில் பிடித்துள்ளது. இதேநிலை தொடர்ந்தால் நம்பர்-1 இடத்தில் சிம்மாசனம் போட்டு அமர்ந்துவிடும்.
கியா செல்டோஸ் காரின் அசத்தலான டிசைன் வாடிக்கையாளர்களை வசியம் செய்துவிட்டது. எல்இடி ஹெட்லைட்டுகள், எல்இடி பகல்நேர விளக்குகள், பனி விளக்குகள், அட்டகாசமான அலாய் வீல்கள், ரூஃப் ரெயில்கள் என அனைத்தும் வசீகரிக்கும் அம்சங்களாக உள்ளன.
புதிய கியா செல்டோஸ் காரின் உட்புறமும் அசத்துகிறது. அழகிய டேஷ்போர்டு அமைப்பு, 10.25 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், யுவோ செயலி மூலமாக 37 விதமான வசதிகளை பெறும் வாய்ப்புகள் உள்ளன.
இந்த காரில் 8.0 அங்குல ஹெட்ஸ் அப் டிஸ்ப்ளே, ஆட்டோ க்ரூஸ் கன்ட்ரோல் சிஸ்டம், சர்ரவுண்ட் சவுண்ட் சிஸ்டம், ஆம்பியன்ட் லைட் சிஸ்டம், புஷ் பட்டன் ஸ்டார்ட், வயர்லெஸ் சார்ஜர் உள்ளிட்ட வசதிகளும் உள்ளன.
புதிய கியா செல்டோஸ் காரில் 360 டிகிரி கேமரா, ஏர்பேக்குகள், ஹில் ஹோல்டு அசிஸ்ட், பிளைன்ட் ஸ்பாட் மானிட்டரிங் சிஸ்டம், ஏபிஎஸ் பிரேக்கிங் சிஸ்டம் என பாதுகாப்பு அம்சங்களும் பஞ்சமில்லாத கார் மாடலாக உள்ளது.
கியா செல்டோஸ் காரில் 113 பிஎச்பி பவரையும், 144 என்எம் டார்க் திறனையும் வழங்கும் 1.5 லிட்டர் பெட்ரோல் எஞ்சின், 113 பிஎச்பி பவரையும், 250 என்எம் டார்க் திறனையும் வழங்கும் 1.5 லிட்டர் டீசல் எஞ்சின் மற்றும் 138 பிஎச்பி பவரையும், 242 என்எம் டார்க் திறனையும் வழங்கும் 1.4 லிட்டர் டர்போ பெட்ரோல் எஞ்சின் தேர்வுகளில் கிடைக்கும். மேனுவல் மற்றும் ஆட்டோமேட்டிக் கியர்பாக்ஸ் தேர்வுகளில் வழங்கப்படுகிறது.
புதிய கியா செல்டோஸ் கார் ரூ.9.89 லட்சம் ஆரம்ப விலையிலிருந்து கிடைக்கிறது. ஹூண்டாய் க்ரெட்டா, எம்ஜி ஹெக்டர் உள்ளிட்ட கார் மாடல்களுடன் போட்டி போடுகிறது.