Just In
- 48 min ago 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
- 3 hrs ago டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- 3 hrs ago மஹிந்திரா ஸ்கார்பியோ, பெயருக்கே காரை வாங்க கூட்டம் குவியுது!! டாடா நிறுவனத்தால் கிட்ட கூட நெருங்க முடியல!
- 3 hrs ago இப்ப மீட் பண்ணா தேர்தல்ல மோடி ஜெயிச்சிருவாரு! எலான் மஸ்க் - மோடி சந்திப்பு தள்ளி வைப்பு!
Don't Miss!
- Finance நரேந்திர மோடி ஆட்சி மீண்டும் பிடித்தால்.. முதல் வேலையாக 3 அரசு நிறுவன பங்குகளை விற்பது தான்..!
- Movies விரட்டி விட்ட விஷால்.. கடுப்பான பயில்வான் ரங்கநாதன்.. மனுவே நிரப்ப தெரியாது என மரண கலாய்!
- News ‛‛திமுக கண்ணில் வந்த தோல்வி பயம்’’.. வாக்காளர்கள் பெயர்களை நீக்கியது ஏன்? எல் முருகன் விமர்சனம்
- Technology 75 நாளுக்கு ஒரே ரீசார்ஜ்.. தினசரி டேட்டா.. அன்லிமிடெட் வாய்ஸ் கால் நன்மை.. ரூ.500 விலைக்குள் எந்த திட்டம்?
- Sports வன்மத்தை கக்கிட்டாரு.. தோனியை வம்புக்கு இழுத்த கவுதம் கம்பீர்.. கொந்தளிக்கும் சிஎஸ்கே ரசிகர்கள்!
- Lifestyle இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
பாதுகாப்பில் உலகையே திரும்பி பார்க்க வைத்த 'மேட் இன் இந்தியா' கார்கள்... விலை ரொம்ப அதிகம்லா இல்லீங்க...
குளோபல் என்சிஏபி மோதல் சோதனைகளில், முழுமையாக 5 நட்சத்திர பாதுகாப்பு ரேட்டிங்கை பெற்று, உலகின் கவனத்தை ஈர்த்த 'மேட் இன் இந்தியா' கார்கள் குறித்த தகவல்களை இந்த செய்தியில் பார்க்கலாம்.
இந்தியாவில் முன்பெல்லாம் கார் வாங்கும் ஒருவர், விலை, மைலேஜ், டிசைன், வசதிகள் ஆகியவற்றுக்குதான் பெரும்பாலும் முக்கியத்துவம் கொடுப்பார். ஆனால் பாதுகாப்பும் தற்போது கார் வாங்குவதை தீர்மானிக்கும் முக்கியமான காரணியாக மாறியுள்ளது. எனினும் அனைத்து நிறுவனங்களும், மிகவும் பாதுகாப்பான கார்களை தயாரிப்பதில்லை.
குளோபல் என்சிஏபி அமைப்பு, இந்தியாவில் உற்பத்தி செய்யப்படும் கார்களை தொடர்ச்சியாக மோதல் சோதனைகளுக்கு உட்படுத்தி வருகிறது. இந்த மோதல் சோதனைகளில் இதுவரை 3 'மேட் இன் இந்தியா' கார்கள் மட்டுமே முழுமையாக 5 நட்சத்திர பாதுகாப்பு ரேட்டிங்கை பெற்று அசத்தியுள்ளன. அவை என்னென்ன கார்கள்? என்பது குறித்த விரிவான தகவல்களை இந்த செய்தியில் பார்க்கலாம்.
ராயல் என்பீல்டு ஹிமாலயன் பிஎஸ்6 - இப்படி ஒரு ரிவியூ வீடியோ இதுக்கு முன்னாடி பாத்திருக்க மாட்டீங்க!!!
1. மஹிந்திரா எக்ஸ்யூவி300
விலை: 7.94 லட்ச ரூபாய் முதல் 12.29 லட்ச ரூபாய் வரை
இது இந்தியாவில் மிகவும் பிரபலமாக உள்ள சப்-4 மீட்டர் காம்பேக்ட் எஸ்யூவி கார்களில் ஒன்றாகும். 7.94 லட்ச ரூபாய் முதல் 12.29 லட்ச ரூபாய் வரையிலான விலைகளில், மஹிந்திரா எக்ஸ்யூவி300 கார் விற்பனையாகி வருகிறது. இது டெல்லி எக்ஸ் ஷோரூம் விலையாகும். தற்போதைய நிலையில், இந்தியாவில் உற்பத்தி செய்யப்பட்டதிலேயே மிகவும் பாதுகாப்பான கார் இதுதான்.
பெரியவர்களுக்கான பாதுகாப்பில் முழுமையாக 5 நட்சத்திரங்களையும், குழந்தைகளுக்கான பாதுகாப்பில் 4 நட்சத்திரங்களையும் மஹிந்திரா எக்ஸ்யூவி300 பெற்றுள்ளது. சப்-4 மீட்டர் காம்பேக்ட் எஸ்யூவி செக்மெண்ட்டில், 7 ஏர்பேக்குகளுடன் கிடைக்கும் ஒரே ஒரு கார் என்ற பெருமையும் மஹிந்திரா எஸ்யூவி300 காரைதான் சேரும். ஆனால் டாப் வேரியண்ட்டில் மட்டுமே 7 ஏர்பேக்குகள் வழங்கப்படுகிறது.
அத்துடன் மஹிந்திரா எக்ஸ்யூவி300 காரின் நான்கு சக்கரங்களிலும் டிஸ்க் பிரேக்குகள் வழங்கப்பட்டுள்ளன. 110 பிஎஸ் பவர் மற்றும் 200 என்எம் டார்க் திறனை உருவாக்க கூடிய 1.2 லிட்டர் டர்போ-பெட்ரோல் இன்ஜின் தேர்வு மஹிந்திரா எக்ஸ்யூவி300 காரில் இடம்பெற்றுள்ளது. இதுதவிர 1.5 லிட்டர் டர்போ-டீசல் இன்ஜின் தேர்வும் வழங்கப்படுகிறது.
இந்த இன்ஜின் அதிகபட்சமாக 115 பிஎஸ் பவரையும், 300 என்எம் டார்க் திறனையும் உருவாக்கும். மாருதி சுஸுகி விட்டாரா பிரெஸ்ஸா, ஹூண்டாய் வெனியூ, கியா சொனெட், டாடா நெக்ஸான், ஃபோர்டு ஈக்கோஸ்போர்ட், டொயோட்டா அர்பன் க்ரூஸர் உள்ளிட்ட கார்களுடன், மஹிந்திரா எக்ஸ்யூவி300 போட்டியிட்டு வருகிறது.
2. டாடா அல்ட்ராஸ்
விலை: 5.44 லட்ச ரூபாய் முதல் 8.95 லட்ச ரூபாய் வரை
இது இந்தியாவில் மிகவும் பிரபலமாக உள்ள பிரீமியம் ஹேட்ச்பேக் கார் ஆகும். 5.44 லட்ச ரூபாய் முதல் 8.95 லட்ச ரூபாய் வரையிலான விலைகளில் டாடா அல்ட்ராஸ் விற்பனையாகி வருகிறது. இது டெல்லி எக்ஸ் ஷோரூம் விலையாகும். பெரியவர்களுக்கான பாதுகாப்பில் 5 நட்சத்திர பாதுகாப்பு ரேட்டிங்கை பெற்ற இந்தியாவின் ஒரே பிரீமியம் ஹேட்ச்பேக் கார் டாடா அல்ட்ராஸ்தான்.
குழந்தைகளுக்கான பாதுகாப்பில், 3 நட்சத்திர பாதுகாப்பு ரேட்டிங்கை டாடா அல்ட்ராஸ் பெற்றுள்ளது. இந்த காரின் அனைத்து வேரியண்ட்களிலும் 2 ஏர்பேக்குகள் வழங்கப்பட்டுள்ளன. டாடா அல்ட்ராஸ் காரில், 86 பிஎஸ் பவர் மற்றும் 113 என்எம் டார்க் திறனை உற்பத்தி செய்யக்கூடிய 1.2 லிட்டர் நேச்சுரலி அஸ்பிரேட்டட் பெட்ரோல் இன்ஜின் தேர்வு வழங்கப்படுகிறது.
இதுதவிர 90 பிஎஸ் பவர் மற்றும் 200 என்எம் டார்க் திறனை வெளிப்படுத்தக்கூடிய 1.5 லிட்டர் டர்போசார்ஜ்டு டீசல் இன்ஜின் தேர்வையும் டாடா அல்ட்ராஸ் பெற்றுள்ளது. மாருதி சுஸுகி பலேனோ, சமீபத்தில் விற்பனைக்கு விற்பனைக்கு கொண்டு வரப்பட்ட புதிய ஹூண்டாய் ஐ20, டொயோட்டா க்ளான்சா உள்ளிட்ட கார்களுடன் டாடா அல்ட்ராஸ் போட்டியிட்டு வருகிறது.
3. டாடா நெக்ஸான்
விலை: 6.99 லட்ச ரூபாய் முதல் 12.70 லட்ச ரூபாய் வரை
மஹிந்திரா எக்ஸ்யூவி300 காரை போல், இதுவும் இந்தியாவில் மிகவும் பிரபலமாக உள்ள சப்-4 மீட்டர் காம்பேக்ட் எஸ்யூவி ரக கார்தான். 6.99 லட்ச ரூபாய் முதல் 12.70 லட்ச ரூபாய் வரையிலான விலைகளில், டாடா நெக்ஸான் விற்பனை செய்யப்பட்டு வருகிறது. இது டெல்லி எக்ஸ் ஷோரூம் விலையாகும். இது அனைத்தையும் தொடங்கி வைத்த கார் டாடா நெக்ஸான்தான்.
ஆம், குளோபல் என்சிஏபி மோதல் சோதனைகளில், பெரியவர்களுக்கான பாதுகாப்பில் 5 நட்சத்திரங்களை முழுமையாக பெற்ற முதல் 'மேட் இன் இந்தியா' கார் இதுதான். இதற்கு பிறகுதான் மஹிந்திரா எக்ஸயூவி300 காரும், டாடா அல்ட்ராஸ் காரும், குளோபல் என்சிஏபி மோதல் சோதனைகளில் முழுமையாக 5 நட்சத்திர பாதுகாப்பு ரேட்டிங்கை தன்வசப்படுத்தின.
குழந்தைகளுக்கான பாதுகாப்பில் டாடா நெக்ஸான், 3 நட்சத்திர பாதுகாப்பு ரேட்டிங்கை பெற்றுள்ளது. மொத்தம் இரண்டு இன்ஜின் தேர்வுகளுடன் டாடா நெக்ஸான் கிடைக்கிறது. இதில், 1.2 லிட்டர் டர்போசார்ஜ்டு பெட்ரோல் இன்ஜின் அதிகபட்சமாக 120 பிஎஸ் பவரையும், 170 என்எம் டார்க் திறனையும் உருவாக்க கூடியது. இதுதவிர 1.5 லிட்டர் டர்போசார்ஜ்டு டீசல் இன்ஜின் தேர்வும் இந்த காரில் உள்ளது. இந்த இன்ஜின் அதிகபட்சமாக 110 பிஎஸ் பவரையும், 260 என்எம் டார்க் திறனையும் உருவாக்க கூடியது.
-
உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
-
35 வயதில் 1.5 கோடி ரூபாய் காருக்கு ஓனராகி இருக்கும் பிரபல சினிமா பாடகி!! புது காரில் கணவரோடு ஒரு சின்ன டிரைவ்!
-
100 சதவீதம் வாக்குப்பதிவு கேட்கும் அரசு இதையெல்லாம் கவனிக்க மாட்டாங்களா? விமானங்களின் டிக்கெட் விலை உயர்வு!