Just In
- 1 hr ago அரபு நாடுகளின் பொழப்பில் மண்ணை அள்ளி போட்ட டாடா... ஒட்டுமொத்த உலகமும் இந்தியாவை உத்து பாக்குது...
- 2 hrs ago மோடியின் பாதுகாப்புக்கு செல்லும் இந்த டீசல் காரை இனி பயன்படுத்த கூடாது! வெளியான புதிய உத்தரவு
- 3 hrs ago சென்னை ஃபோர்டு ஆலையில் முக்கிய புள்ளிகளின் நடமாட்டம்! எதிர்பார்த்த செய்தி வரப்போகுது போல!
- 3 hrs ago 5கதவுகள் வெர்ஷனிலும் வருகிறது மஹிந்திரா தார்.. இந்தியர்களோட ரொம்ப நாள் எதிர்பார்ப்பு..
Don't Miss!
- News செந்தில் பாலாஜி முதல் கெஜ்ரிவால்.. எதிர்க்கட்சிகள் எடுத்த ஆயுதத்தை வைத்தே அவர்களை காலி செய்யும் பாஜக
- Movies Godzilla x Kong: The New Empire Review: காட்ஸில்லா அண்ட் காங் விமர்சனம்.. ஆர்ஆர்ஆர் மாதிரி இருக்கே!
- Finance தங்கம் விலை மீண்டும் உயர்வு.. இனி இதுதான் நிரந்தரமா? சாமானிய மக்களால் தங்கத்தை வாங்கவே முடியாதா..?
- Sports IPL 2024 : ஐயயோ.. அவ்வளவு கண்டிப்புடன் இருக்க மாட்டேன்.. என்னை மாதிரி தான் ருதுராஜும்.. தோனி பகிர்வு
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Technology மீண்டும் மீண்டுமா.. 50MP கேமரா.. 100W சார்ஜிங்.. புதிய போனை கொண்டுவரும் OnePlus.. எந்த மாடல்?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
மாருதி சுசுகி ஈக்கோ பிஎஸ்6 இந்தியாவில் அறிமுகமானது... இவ்வளவு தான் விலையா...!
மாருதி சுசுகி நிறுவனம் பிஎஸ்6 தரத்திற்கு இணக்கமான ஈக்கோ மாடலை இந்திய சந்தையில் அறிமுகப்படுத்தியுள்ளது. இதன் விலை அனைவரும் ஆச்சிரியப்படும் விதமாக எக்ஸ்ஷோரூமில் ரூ.3.81 லட்சமாக நிர்ணயிக்கப்பட்டுள்ளது.
இந்த பிஎஸ்6 மாடல் அதன் முந்தைய மாடலை விட மிகவும் சிறிய அளவில் தான் மாற்றங்களை ஏற்றுள்ளது. என்ஜினில் எந்த மாற்றமும் இல்லை. அதே 1.2 லிட்டர் பெட்ரோல் என்ஜின் தான் இந்த காரில் பொருத்தப்பட்டுள்ளது.
இந்த 1.2 லிட்டர் பெட்ரோல் என்ஜின் தான் மாருதியின் பெரும்பாலான கார்களுக்கு வழங்கப்பட்டுள்ளது. இந்த என்ஜின் அதிகப்பட்சமாக 73 பிஎச்பி பவரையும், 98 என்எம் டார்க் திறனையும் வெளிப்படுத்தும் ஆற்றல் கொண்டது. இதனுடன் 5-ஸ்பீடு மேனுவல் கியர்பாக்ஸ் இணைக்கப்பட்டுள்ளது.
மாருதி சுசுகி ஈக்கோ சிஎன்ஜி வேரியண்ட்டிலும் விற்பனையாகி வருகிறது. ஈக்கோவின் இந்த சிஎன்ஜி வேரியண்ட் ஒரு லிட்டரில் 21.8 கிமீ தூரம் பயணிக்கும் திறன் கொண்டது. அதேபோல் கார்கோ ட்ரிம் உள்பட பல ட்ரீம் வேரியண்ட்டிலும் சந்தையில் ஈக்கோ மாடல் கிடைக்கிறது. கடந்த 2010ஆம் ஆண்டு இறுதியில் இந்தியாவில் அறிமுகமான இந்த ஈக்கோ மாடல், இதுவரை 6.5 லட்சம் விற்பனை எண்ணிக்கையை இந்திய சந்தையில் பதிவு செய்துள்ளது.
மாருதியின் ஈக்கோ மாடல் முழுக்க முழுக்க மிடில்-கிளாஸ் குடும்பங்களை குறிக்கோளாக வைத்து தயாரிக்கப்பட்ட வாகனமாகும். இதிலும் முக்கியமாக இதன் கார்கோ வேரியண்ட், நகரப்புற பயன்பாட்டிற்கும், நகர போக்குவரத்திற்கும், சிறிய அளவிலான தொழில் புரிவோர்க்கும் மிகவும் ஏற்ற வாகனமாகும்.
ஈக்கோ பிஎஸ்6 மாடலின் அறிமுகம் குறித்து மாருதி சுசுகி இந்தியா நிறுவனத்தின் சந்தை & விற்பனைப்படுத்துதல் பிரிவின் நிர்வாக இயக்குனர் ஷஷான்க் ஸ்ரீவஸ்தவா கூறுகையில், வாடிக்கையாளர்களுக்கு நம்பகமான வாகனங்களை தொடர்ந்து வழங்குவதில் மாருதி நிறுவனம் உறுதியுடன் உள்ளது.
மாசற்ற போக்குவரத்தை வழங்க வேண்டும் என்ற எங்களது இந்த நோக்கமே, பிஎஸ்6 தரத்திற்கு மாற்றப்பட்ட ஈக்கோ மாடலை அறிமுகப்படுத்த உந்துக்கோலாக அமைந்தது. அறிமுகமாகி கிட்டத்தட்ட பத்து ஆண்டுகள் கழிந்தப்போதிலும் ஈக்கோ மாடலை முன்பே தீர்மானித்து 84 சதவீதத்தினர் இப்போதும் வாங்குகின்றனர்.
இதற்கு காரணம், இந்த காரின் டிசைன் மற்றும் குறைந்த அளவிலான பராமரிப்பு செலவு தான். இந்த காரை 50 சதவீதத்தினர் சிறு வணிகத்திற்காக வாங்கினாலும், இந்த கார் பாதுகாப்பு அம்சங்களை அதிகமாக கொண்டிருப்பதால் வணிகத்திற்கு மட்டுமின்றி, குடும்ப போக்குவரத்து வாகனமும் பயன்படுத்த முடியும்.
ஈக்கோ மாடல் மூலமாக அதன் பிரிவில் வலுவாக கால்பதித்துள்ளோம். இது தொடரும் என நம்புகிறோம். எங்களது தயாரிப்புகளுக்கு தொடர்ந்து ஆதரவு அளித்து வரும் அனைத்து வாடிக்கையாளர்களுக்கும் நன்றி கூற கடமைப்பட்டுள்ளோம் என கூறினார்.
ஆம்னி வேனின் தயாரிப்பு நிறுத்தத்திற்கு பிறகு மாருதி சுசுகி நிறுவனத்தில் இருந்து விற்பனையாகி வரும் ஒரே ஒரு வேன் மாடலாக மாருதி சுசுகி ஈக்கோ உள்ளது. இதனால் இதன் விற்பனைக்கு போட்டி மாடலாக எதுவும் இல்லை. இந்திய சந்தையில் மிக சிறப்பாக விற்பனையான 10 கார்களில் ஒன்றாக எப்போதும் இடம்பிடித்துவிடும் ஈக்கோவின் இந்த பிஎஸ்6 மாடல் அறிமுகத்தால் ஈக்கோவின் தயாரிப்பு நிறுத்தம் குறித்து மாருதி சுசுகி நிறுவனம் எந்த திட்டமும் வகுக்கவில்லை என்பது தெரிய வருகிறது.