Just In
- 33 min ago ரொம்ப பணம் எல்லாம் வேணாம், உங்க கையில் இருக்குற பணத்தை வச்சே இந்த காரை வாங்கலாம் போல!
- 1 hr ago இவ்ளோ அழகா பிக்-அப் டிரக்கா! குடும்பத்தோட மட்டுமல்ல வீட்டையே காலி பண்ணிட்டு போகலாம்.. நிறைய வழிகளில் யூஸ் பண்ண
- 1 hr ago கியா களமிறக்கும் புது எலெக்ட்ரிக் காரின் விலை இவ்ளோதானா! பெட்டி கடைல கடலை மிட்டாய் விக்கற மாதிரி விக்க போகுது!
- 3 hrs ago இவ்வளவு கம்மி விலையா? பஜாஜ் பல்சர் 400 பைக்கின் அறிமுக தேதி உறுதியானது!
Don't Miss!
- Movies சினிமா என்னங்க.. சீரியல் சான்ஸுக்கே அட்ஜெஸ்ட்மெண்ட் பண்ண சொல்றாங்க.. பாண்டியன் ஸ்டோர்ஸ் நடிகை பகீர்!
- News குரு வந்தால் கொடியில் கொடுப்பார்.. ஆனால் ஒரு சிக்கல்! ரிஷப ராசிக்கு குரு பெயர்ச்சி எப்படி இருக்கும்?
- Lifestyle 1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்..
- Finance கிரெடிட் கார்டு: கரெக்டா யூஸ் பண்ணா.. இதைவிட பெஸ்ட் எதுவும் கிடையாது.. நோட் பண்ணுங்கப்பா..!
- Technology SBI வங்கி கணக்குடன் உங்களது புதிய மொபைல் எண் இணைக்க வேண்டுமா? இதோ எளிய வழிமுறைகள்..
- Sports ஒதுக்கி வைக்கப்பட்டாரா? ஐபிஎல் தொடரின் நம்பர் 1 பவுலருக்கு இந்திய அணியில் இடமில்லை.. காரணம் என்ன?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
புதிய பிரெஸ்ஸா எஸ்யூவிக்கு குவியும் புக்கிங்... மாருதி ஹேப்பி அண்ணாச்சி!
அண்மையில் அறிமுகம் செய்யப்பட்ட புதிய மாருதி விட்டாரா பிரெஸ்ஸா எஸ்யூவிக்கு அமோக வரவேற்பு கிடைத்துள்ளது. இதுபற்றிய கூடுதல் விபரங்களை இந்த செய்தியில் விரிவாக பார்க்கலாம்.
காம்பேக்ட் எஸ்யூவி மார்க்கெட்டில் மாருதி விட்டாரா பிரெஸ்ஸா எஸ்யூவிதான் விற்பனையில் நம்பர்-1 மாடலாக இருந்து வருகிறது. இந்த நிலையில், பிஎஸ்-6 எஞ்சின் மற்றும் அதிக சிறப்பம்சங்களுடன் கூடிய புதிய மாருதி விட்டாரா பிரெஸ்ஸா எஸ்யூவி கார் இந்த மாத துவக்கத்தில் நடந்த ஆட்டோ எக்ஸ்போவில் வைத்து பொது பார்வைக்கு கொண்டு வரப்பட்டது.
இதைத்தொடர்ந்து, அண்மையில் புதிய மாருதி விட்டாரா பிரெஸ்ஸா எஸ்யூவி கார் முறைப்படி சந்தையில் விற்பனைக்கும் கொண்டு வரப்பட்டது. ரூ.7.34 லட்சம் ஆரம்ப விலையில் புதிய மாருதி விட்டாரா பிரெஸ்ஸா கிடைக்கிறது.
இந்த நிலையில், இந்த புதிய மாடலுக்கு முன்பதிவு துவங்கப்பட்டு 20 நாட்களில் 10,000 பேர் முன்பதிவு செய்துள்ளனர். இந்த சிறப்பான வரவேற்பு மாருதி நிறுவனத்திற்கு உற்சாகத்தை தரும் விஷயமாகவே பார்க்கப்படுகிறது.
புதுப்பொலிவுடன் வந்த மாருதி விட்டாரா பிரெஸ்ஸா எஸ்யூவியில் எல்இடி ஹெட்லைட்டுகள், புதிய க்ரில் அமைப்பு, பம்பர், அலாய் வீல்கள் ஆகியவை இடம்பெற்றுள்ளன. புதிய இன்ஃபோடெயின்மென்ட் சிஸ்டமும் இதன் மதிப்பை உயர்த்தும் விஷயமாக இருக்கிறது.
மாருதி விட்டாரா பிரெஸ்ஸா எஸ்யூவியில் ஏற்கனவே 1.3 லிட்டர் டீசல் எஞ்சின் பயன்படுத்தப்பட்டது. புதிய மாடலில் பிஎஸ்-6 மாசு உமிழ்வு தரத்திற்கு ஒப்பான 1.5 லிட்டர் பெட்ரோல் எஞ்சின் பயன்படுத்தப்பட்டு இருக்கிறது. இந்த எஞ்சின் அதிகபட்சமாக 104 பிஎச்பி பவரையும், 138 என்எம் டார்க் திறனையும் வெளிப்படுத்தும்.
மாருதி விட்டாரா பிரெஸ்ஸா எஸ்யூவியில் 5 ஸ்பீடு மேனுவல் கியர்பாக்ஸ் அல்லது 4 ஸ்பீடு ஆட்டோமேட்டிக் கியர்பாக்ஸ் தேர்வுகள் வழங்கப்படுகின்றன. ஏற்கனவே வழங்கப்பட்ட ஏஎம்டி கியர்பாக்ஸ் தேர்வு நீக்கப்பட்டு, ஆட்டோமேட்டிக் கியர்பாக்ஸ் தேர்வுக்கு மாறி இருக்கிறது.
புதிய மாருதி விட்டாரா பிரெஸ்ஸா எஸ்யூவியில் முன்புறத்தில் காயில் ஸ்பிரிங்குகள் கொண்ட மெக்பர்ஷன் ஸ்ட்ரட் சஸ்பென்ஷன் அமைப்பும், பின்புறத்தில் காயில் ஸ்பிரிங்குகள் கொண்ட டார்ஷன் பீம் சஸ்பென்ஷன் அமைப்பு கொடுக்கப்பட்டு இருக்கிறது இந்த காரில் முன்புறத்தில் டிஸ்க் பிரேக்குகளும், பின்புறத்தில் டிரம் பிரேக்குகளும் உள்ளன.
இரண்டு ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், முன்புற இருக்கைகளுக்கு சீட் பெல்ட் வார்னிங் சிஸ்டம், அதிவேகம் குறித்த தொடர்ந்து எச்சரிக்கை வழங்கும் வசதி, ரியர் பார்க்கிங் சென்சார்கள் உள்ளிட்ட அடிப்படை பாதுகாப்பு அம்சங்கள் உள்ளன.
புதிய மாருதி விட்டாரா பிரெஸ்ஸா எஸ்யூவி கார் ரூ.7.34 லட்சம் முதல் ரூ.11.40 லட்சம் எக்ஸ்ஷோரூம் விலையில் கிடைக்கிறது. ஹூண்டாய் வெனியூ, டாடா நெக்ஸான், மஹிந்திரா எக்ஸ்யூவி300 மற்றும் ஃபோர்டு ஈக்கோஸ்போர்ட் எஸ்யூவி மாடல்களுக்கு போட்டியாக இருக்கும்.
Source: Financial Express