Just In
- 35 min ago துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- 54 min ago சும்மா ஓட்டி பாக்கலாம்னு ஜீப் விராங்களர் காருல ஏறிட்டீங்க திரும்பி இறங்க மனசே வராது! ஆஃப்-ரோடு அரக்கன்! வீடியோ
- 1 hr ago ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- 2 hrs ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
Don't Miss!
- Movies Baakiyalakshmi serial: பழனிச்சாமி -பாக்கியா திருமணம்.. செல்வி சொன்ன விஷயம்.. உறைநத பழனிச்சாமி!
- News கோவை, தஞ்சாவூர், திருவாரூர்.. தாகம் தீர்க்கும் மின்வாரிய அணைகள்.. குடிநீர் வடிகால் வாரியம் அதிரடி
- Technology போச்சு! Paytm-ஐ தொடர்ந்து Kotak Mahindra-க்கு ஆப்பு வைத்த RBI.. இனி உங்க Account, Credit Card-லாம் என்ன ஆகும்?
- Lifestyle இந்த உணவுகளை கண்டிப்பாக பிரஷர் குக்கரில் சமைக்கக்கூடாது.. ஏன் தெரியுமா?
- Finance டீ கடையில் கூட இப்ப கிரெடிட் கார்டு பேமெண்ட் தான்.. ரூ.1 லட்சம் கோடியை தாண்டி புதிய சாதனை..!
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
மாருதி விட்டாரா பிரெஸ்ஸா ஃபேஸ்லிஃப்ட் மாடல் விற்பனைக்கு அறிமுகம்
பல்வேறு மாற்றங்கள் மற்றும் பிஎஸ்-6 எஞ்சினுடன் மாருதி விட்டாரா பிரெஸ்ஸா ஃபேஸ்லிஃப்ட் மாடல் விற்பனைக்கு அறிமுகம் செய்யப்பட்டு இருக்கிறது. விலை மற்றும் முக்கிய விபரங்களை இந்த செய்தியில் பார்க்கலாம்.
இந்தியாவின் காம்பேக்ட் எஸ்யூவி மார்க்கெட்டில் மாருதி விட்டாரா பிரெஸ்ஸா எஸ்யூவிதான் விற்பனையில் நம்பர்-1 மாடலாக இருந்து வருகிறது. 4 மீட்டர் நீளத்திற்குள் வடிவமைக்கப்பட்டுள்ள இந்த வகை கார்களில் வாடிக்கையாளர்களின் முதன்மையான தேர்வாக தொடர்ந்து தக்க வைத்து வருகிறது மாருதி விட்டாரா பிரெஸ்ஸா.
இந்த நிலையில், பிஎஸ்-6 எஞ்சின் மற்றும் கூடுதல் சிறப்பம்சங்களுடன் புதிய மாருதி விட்டாரா பிரெஸ்ஸா எஸ்யூவி அண்மையில் நடந்த ஆட்டோ எக்ஸ்போவில் அறிமுகம் செய்யப்பட்டது.
இன்று புதிய மாருதி விட்டாரா பிரெஸ்ஸா எஸ்யூவி கார் முறைப்படி இந்தியாவில் விற்பனைக்கு கொண்டு வரப்பட்டு இருக்கிறது. இதுவரை பிஎஸ்-4 அம்சம் கொண்ட 1.3 லிட்டர் டீசல் எஞ்சின் தேர்வில் விற்பனை செய்யப்பட்டு வந்த மாருதி விட்டாரா பிரெஸ்ஸா கார் தற்போது 1.5 லிட்டர் பிஎஸ்-6 பெட்ரோல் எஞ்சின் தேர்வில் வந்துள்ளது.
மாருதி விட்டாரா பிரெஸ்ஸா எஸ்யூவியானது LXi, VXi, VXi AT, ZXi, ZXi+, ZXi AT, ZXi AT Dual Tone என ஏழு விதமான வேரியண்ட்டுகளில் கிடைக்கும்.
புதிய மாருதி விட்டாரா பிரெஸ்ஸா எஸ்யூவியில் இருக்கும் 1. 5 லிட்டர் பெட்ரோல் எஞ்சின் அதிகபட்சமாக 104 பிஎச்பி பவரையும், 138 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் அல்லது 4 ஸ்பீடு ஆட்டோமேட்டிக் கியர்பாக்ஸ் தேர்வுகளில் கிடைக்கும். இந்த காரில் மைல்டு ஹைப்ரிட் சிஸ்டம் ஆட்டோமேட்டிக் கியர்பாக்ஸ் தேர்வில் கொடுக்கப்படுகிறது.
மாருதி விட்டாரா பிரெஸ்ஸா எஸ்யூவியின் மேனுவல் மாடலானது லிட்டருக்கு 17.03 கிமீ மைலேஜையும், மைல்டு ஹைப்ரிட் சிஸ்டம் கொண்ட ஆட்டோமேட்டிக் கியர்பாக்ஸ் மாடலானது லிட்டருக்கு 18.76 கிமீ மைலேஜையும் வழங்கும்.
புதிய மாருதி விட்டாரா பிரெஸ்ஸா எஸ்யூவியின் முகப்பு க்ரில் அமைப்பில் குறிப்பிடத்தக்க மாற்றங்களுடன் புதுப்பொலிவு கொடுக்கப்பட்டு இருக்கிறது. புரொஜெக்டர் ஹெட்லைட்டுகள், எல்இடி பகல்நேர விளக்குகள், ஸ்கிட் பிளேட்டுகள், 16 அங்குல டைமண்ட் கட் அலாய் வீல்கள், கருப்பு வண்ண பில்லர்கள், சாம்பல் வண்ண ரூஃப் ரெயில்கள், எல்இடி டெயில் லைட்டுகள், இரட்டை வண்ணத் தேர்வு ஆகியவையும் முக்கிய அம்சங்களாக உள்ளன.
புதிய மாருதி விட்டாரா பிரெஸ்ஸா எஸ்யூவியில் 7 அங்குல தொடுதிரையுடன் இன்ஃபோடெயின்மென்ட் சிஸ்டம் கொடுக்கப்பட்டு இருக்கிறது. ஆப்பிள் கார் ப்ளே மற்றும் ஆன்ட்ராய்டு ஆட்டோ செயலிகளை சப்போர்ட் செய்யும். இந்த சாதனம் மூலமாக, நிகழ்நேர போக்குவரத்து நிலவரம் குறித்த தகவல்கள், கார் இயக்கத்தில் இருக்கும் பிரச்னைகள் உள்ளிட்டவற்றையும் வழங்கும்.
புதிய மாருதி விட்டாரா பிரெஸ்ஸா எஸ்யூவி கார் ரூ.7.34 லட்சம் முதல் ரூ.11.40 லட்சம் வரையிலான எக்ஸ்ஷோரூம் விலையில் விற்பனைக்கு அறிமுகம் செய்யப்பட்டு இருக்கிறது. ஹூண்டாய் வெனியூ, டாடா நெக்ஸான், மஹிந்திரா எக்ஸ்யூவி300 மற்றும் ஃபோர்டு ஈக்கோஸ்போர்ட் ஆகிய கார் மாடல்களுக்கு போட்டியாக இருக்கும்.
Lxi | Rs 7.34 Lakh |
Vxi | Rs 8.35 Lakh |
Vxi AT | Rs 9.75 Lakh |
Zxi | Rs 9.10 Lakh |
Zxi AT | Rs 10.50 Lakh |
Zxi+ | Rs 9.75 Lakh |
Zxi+ AT | Rs 11.15 Lakh |
Zxi+ AT Dual Tone | Rs 11.40 Lakh |