Just In
- 24 min ago 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
- 2 hrs ago டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- 3 hrs ago மஹிந்திரா ஸ்கார்பியோ, பெயருக்கே காரை வாங்க கூட்டம் குவியுது!! டாடா நிறுவனத்தால் கிட்ட கூட நெருங்க முடியல!
- 3 hrs ago இப்ப மீட் பண்ணா தேர்தல்ல மோடி ஜெயிச்சிருவாரு! எலான் மஸ்க் - மோடி சந்திப்பு தள்ளி வைப்பு!
Don't Miss!
- News லண்டன் To சென்னை பறந்து வந்த மூத்த குடிமகன்! 1.5 லட்சம் செலவு! ஓட்டுக்கு வேட்டு வைத்த அதிகாரிகள்!
- Sports வன்மத்தை கக்கிட்டாரு.. தோனியை வம்புக்கு இழுத்த கவுதம் கம்பீர்.. கொந்தளிக்கும் சிஎஸ்கே ரசிகர்கள்!
- Movies பீரியட்ஸ் நேரத்தில் அதை குடிக்க மாட்டேன்.. நான் ரொம்ப சுயநலக்காரி.. பிகில் நடிகை பகீர்!
- Finance டிசிஎஸ், இன்போசிஸ், விப்ரோ-வுக்கு நேரம் சரியில்லை.. ஐடி ஊழியர்களே உஷார்..!
- Lifestyle இந்தியாவின் டாப் 10 ஏழை மாநிலங்கள் என்னென்ன தெரியுமா? கடைசி இடத்துல இருக்கிறத பார்த்தா ஷாக் ஆகிடுவீங்க...!
- Technology புரட்டிப்போடும் பட்ஜெட்.. ரூ.1099 போதும்.. MAP நேவிகேஷன்.. HD டிஸ்பிளே.. 230mAh பேட்டரி.. எந்த மாடல்?
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
புதிய மாருதி விட்டாரா பிரெஸ்ஸா: வேரியண்ட் வாரியாக வசதிகள் விபரம்
வாடிக்கையாளர்களின் பெரும் எதிர்பார்ப்புக்கு மத்தியில், புதிய மாருதி விட்டாரா பிரெஸ்ஸா எஸ்யூவி விற்பனைக்கு வந்துள்ளது. இந்த காரின் வேரியண்ட்டுகளில் இடம்பெற்றிருக்கும் வசதிகள் விபரங்களை இந்த செய்தியில் பார்க்கலாம்.
புதிய மாருதி விட்டாரா பிரெஸ்ஸா கார் LXi, VXi, ZXi, ZXi+ ஆகிய வேரியண்ட்டுகளில் கிடைக்கும். இதில், மேனுவல் கியர்பாக்ஸ் மாடல் அனைத்து வேரியண்ட்டுகளிலும் கிடைக்கும். ஆட்டோமேட்டிக் கியர்பாக்ஸ் மாடலானது VXi, ZXi, ZXi+ ஆகிய வேரியண்ட்டுகளில் கிடைக்கும்.
விட்டாரா பிரெஸ்ஸா LXi
மேனுவல் கியர்பாக்ஸ் விலை: ரூ.7.34 லட்சம்
மாருதி விட்டாரா பிரெஸ்ஸா எஸ்யூவியின் மிக குறைவான விலை வேரியண்ட்டாக எல்எக்ஸ்ஐ வந்துள்ளது. இந்த வேரியண்ட்டில் ஹாலஜன் பல்புகளுடன் புரொஜெக்டர் ஹெட்லைட்டுகள், எல்இடி டெயில் லைட்டுகள், 16 அங்குல ஸ்டீல் வீல்கள், ரூஃப் மவுண்ட் ஸ்பாய்லர், முன்புற, பின்புற பவர் விண்டோ வசதி, இண்டிகேட்டர் பொருத்தப்பட்ட எலெக்ட்ரிக் அட்ஜெஸ்ட் வசதி கொண்ட சைடு மிரர்கள் உள்ளன.
இந்த காரில் டில்ட் அட்ஜெஸ்ட் வசதியுடன் கூடிய ஸ்டீயரிங் வீல் உள்ளது. மல்டி இன்பர்ஃபமேஷன் திரையுடன் கூடிய இன்ஸ்ட்ரூமென்ட் க்ளஸ்ட்டர், கியர் ஷிஃப்ட் இண்டிகேட்டர், புளூடூத், ஆக்ஸ், யுஎஸ்பி போர்ட்டுடன் ஆடியோ சிஸ்டம், 4 ஸ்பீக்கர்கள், மேனுவல் ஏசி சிஸ்டம் ஆகியவை உள்ளன.
விலை குறைவான இந்த வேரியண்ட்டில் இரண்டு ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், முன்புற சீட்பெல்ட் பிரிடென்ஷனர், ரியர் பார்க்கிங் சென்சார்கள், ஐசோஃபிக்ஸ் சைல்டு சீட் மவுண்ட்டுகள், ரிமோட் சென்ட்ரல் லாக்கிங் சிஸ்டம் ஆகியவை உள்ளன.
விட்டாரா பிரெஸ்ஸா VXi
மேனுவல் கியர்பாக்ஸ் விலை: ரூ.8.35 லட்சம்
ஆட்டோமேட்டிக் கியர்பாக்ஸ் விலை: ரூ.9.75 லட்சம்
பொதுவாக மாருதி கார்களில் இந்த விஎக்ஸ்ஐ வேரியண்ட்டுதான் அதிக அளவில் விற்பனையாகிறது. இந்த வேரியண்ட்டில் கூடுதலாக ரியர் டீஃபாகர், ஹில் டிசென்ட் கன்ட்ரோல் (ஆட்டோமேட்டிக் மாடலில் மட்டும்), எல்இடி புரொஜெக்டர் ஹெட்லைட்டுகள், 16 அங்குல ஸ்டீல் வீல்கள், வீல் கவர்கள், கருப்பு வண்ண ரூஃப் ரெயில்கள், எல்இடி பகல்நேர விளக்குகள் இடம்பெற்றுள்ளன.
மேலும், கீ லெஸ் என்ட்ரி, புஷ் பட்டன் ஸ்டார்ட்- ஸ்டாப், ஸ்டீயரிங் வீலில் ஆடியோ கன்ட்ரோல் சுவிட்சுகள், ஃபேப்ரிக் இன்சர்ட்டுகள், அட்ஜெஸ்ட்டபிள் ரியர் ஹெட்ரெஸ்ட்டுகள், ஆட்டோமேட்டிக் க்ளைமேட் கன்ட்ரோல், அப்பர் க்ளவ் பாக்ஸ், கியர் பொசிஷன் இண்டிகேட்டர் (ஆட்டோமேட்டிக் மாடலில் மட்டும்) ஆகியவை வழங்கப்படுகின்றன.
விட்டாரா பிரெஸ்ஸா ZXi
மேனுவல் கியர்பாக்ஸ்:ரூ.9.10 லட்சம்
ஆட்டோமேட்டிக் கியர்பாக்ஸ்: ரூ.10.50 லட்சம்
இந்த விலை உயர்ந்த வேரியண்ட்டில் ரியர் வாஷர் மற்றும் வைப்பர், 16 அங்குல கருப்பு வண்ண அலாய் வீல்கள் டேஷ்போர்டிற்கான பியானோ பிளாக் வண்ணத்திலான அலங்கார ஆக்சஸெரீகள், க்ரோம் பூச்சுடன் கைப்பிடிகள், அட்ஜெஸ்ட் வசதியுடன் கூடிய ஓட்டுனர் இருக்கை, 60:40 அளவில் மடக்கும் பின் இருக்கைகள், கப் ஹோல்டருடன் ரியர் சென்டர் ஆர்ம்ரெஸ்ட், க்ரூஸ் கன்ட்ரோல் வசதி, 7.0 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், வாய்ஸ் கமாண்ட் வசதிகள் உள்ளன.
விட்டாரா பிரெஸ்ஸா ZXi+
மேனுவல் கியர்பாக்ஸ் விலை: ரூ.9.75 லட்சம்
ஆட்டோமேட்டிக் கியர்பாக்ஸ் விலை: ரூ.11.40 லட்சம்)
இதுதான் மாருதி விட்டாரா பிரெஸ்ஸா எஸ்யூவியின் மிக விலை உயர்ந்த வேரியண்ட்டாக விற்பனைக்கு வந்துள்ளது. இந்த வேரியண்ட்டில் இரட்டை வண்ணக் கலவை தேர்வு, 16 அங்குல டைமண்ட் கட் அலாய் வீல்கள், எல்இடி பனி விளக்குகள், ஆட்டோமேட்டிக் ஹெட்லைட்டுகள், ஆட்டோமேட்டிக் வைப்பர்கள், முன் இருக்கைகளுக்கு மத்தியில் ஆர்ம்ரெஸ்ட், லெதர் உறையுடன் கூடிய ஸ்டீயரிங் வீல், 4 ஸ்பீக்கர்கள் மற்றும் 2 ட்வீட்டர்களுடன் மியூசிக் சிஸ்டம், ரிவர்ஸ் பார்க்கிங் கேமரா ஆகியவை இடம்பெற்றுள்ளன.
எஞ்சின் தேர்வு
புதிய மாருதி விட்டாரா பிரெஸ்ஸா எஸ்யூவி 1.5 லிட்டர் பெட்ரோல் எஞ்சின் தேர்வில் மட்டுமே கிடைக்கும். இந்த எஞ்சின் அதிகபட்சமாக 104 பிஎச்பி பவரையும், 138 என்எம் டார்க் திறனையும் வழங்க வல்லது. இதனுடன் 5 ஸ்பீடு மேனுவல் கியர்பாக்ஸ் அல்லது 4 ஸ்பீடு ஆட்டோமேட்டிக் கியர்பாக்ஸ் தேர்வுகளில் கிடைக்கும்.